https://sputnik.tj/20220920/hushdori-vkkh-tojikiston-kishvar-sozmonhoi-hamkor-1051539826.html
Ҳушдори ВКХ-и Тоҷикистон ба кишварҳо ва созмонҳои ҳамкор
Ҳушдори ВКХ-и Тоҷикистон ба кишварҳо ва созмонҳои ҳамкор
Sputnik Тоҷикистон
Вазорати хораҷи Тоҷикистон аз кишварҳои ҳамкор ва созмонҳои байнулмилалӣ хост, ки мутаваҷҷеҳи тарҳҳои обёрии Қирғизистон бошанд, то танишҳои ҷадид пеш наоянд
2022-09-20T08:00+0500
2022-09-20T08:00+0500
2022-09-20T14:04+0500
дар тоҷикистон
вух-и тоҷикистон
қирғизистон
марз
хуҷанд
обёрӣ
https://cdnn1.img.sputnik.tj/img/101323/27/1013232727_0:432:4608:3024_1920x0_80_0_0_2e6a2a5a669444869b82ca9ddc0666f8.jpg
ДУШАНБЕ, 20 сен – Sputnik. Истифода аз манобеи об яке дигар аз баҳсҳои Тоҷикистону Қирғизистон дар баробари баҳсҳо сари қаламрав аст. Содиқ Имомӣ, муовини вазири корҳои хориҷии Тоҷикистон, ки дар як ҷамъи намояндагони сафоратҳои кишварҳои хориҷиву созмонҳои байнулмилалӣ ва рӯзноманигоронсӯҳбат мекард, гуфт, дар солҳои ахир, Қирғизистон манобеъи оби фаромарзиро бераҳмона ва башиддат аз худ мекунад. Муовини вазири корҳои хориҷии Тоҷикистон афзуд, Қирғизистон проектҳоеро рӯи даст гирифтааст, ки дар пайи иҷроиши онҳо ҷамъияти Тоҷикистон бидуни оби ошомиданӣ ва кишоварзӣ бидуни обёрӣ мемонанд ва ин дар тазодди комил бо асноде аст, ки имзои намояндагони расмии Қирғизистонро дорад ва арқоми возеҳе дар ҳавзаи тақсими оби ин рӯдхона маълум ҳастанд. “Бо истифода аз ин фурсат, ман аз намояндагони кишварҳои шарик ва созмонҳои байналмилалӣ мехоҳам, ки ҳангоми дарёфти дархост аз тарафи Қирғизистон барои иҷрои проектҳои мудирияти об дар ин сарзаминҳо бисёр муроқиб бошанд. Ин амр авоқиби манфӣ дорад, аз ин хотир, қабл аз ҳар тасмиме аз шумо хоҳишмандем бо мо ҳамоҳанг ва машварат намоед”, - гуфт Содиқ Имомӣ. Вай афзуд, Тоҷикистон ба ҳеҷ ваҷҳ аз ин фурсат суъистифода нахоҳад кард, балки алоқаманди он аст, ки ҳамсояаш Қирғизистон кишваре мураффаҳ бошад, ба тавре, ки ҷамъияташ ба серу пурӣ зиндагӣ кунанд, аммо намехоҳад, ки бо гумроҳ кардани шарикони худ, бо манобеъи ҷадиди ихтилофу таниш мувоҷеҳ шавад. Истифода аз манобеъи оби дарёҳои Исфара ва Хоҷа Бақирғон, ки аввалӣ, аз қаламрави шаҳри Исфара ба Қирғизистон ва дигарӣ, аз ҳудудҳои ноҳияи Лайлаки ин кишвар ба Тоҷикистон меояд, бар баҳси қаламрав изофа мешаванд. Тибқи иттилоъи вазорати корҳои хориҷии Тоҷикистон, тайи 12 сол дар марзи Тоҷикистону Қирғизистон беш аз 230 ҳолати истифодаи силоҳ рух додаст, ки қисмати умдаи онҳо ба баҳси истифода аз об рабт доранд.
https://sputnik.tj/20220919/spad-miyonjigar-hall-bahs-marzi-tojikiston-qirghiziston-1051518653.html
қирғизистон
хуҷанд
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, қирғизистон, марз, созмонҳои ҳамкор, обёрӣ, таниш
тоҷикистон, қирғизистон, марз, созмонҳои ҳамкор, обёрӣ, таниш
Ҳушдори ВКХ-и Тоҷикистон ба кишварҳо ва созмонҳои ҳамкор
08:00 20.09.2022 (Навсозишуда: 14:04 20.09.2022) Вазорати хорҷаи Тоҷикистон аз кишварҳои ҳамкор ва созмонҳои байналмилалӣ хост, ки мутаваҷҷеҳи тарҳҳои обёрии Қирғизистон бошанд, то танишҳои ҷадид пеш наоянд
ДУШАНБЕ, 20 сен – Sputnik. Истифода аз манобеи об яке дигар аз баҳсҳои Тоҷикистону Қирғизистон дар баробари баҳсҳо сари қаламрав аст.
Содиқ Имомӣ, муовини вазири корҳои хориҷии Тоҷикистон, ки дар як ҷамъи намояндагони сафоратҳои кишварҳои хориҷиву созмонҳои байнулмилалӣ ва рӯзноманигоронсӯҳбат мекард, гуфт, дар солҳои ахир, Қирғизистон манобеъи оби фаромарзиро бераҳмона ва башиддат аз худ мекунад.
“Ин амр ба вежа дар мавриди рӯдхона Хоҷа Бақирғон, ки таҷаммӯъ (агломератсия) – и Хуҷандро таъмин менамояд, сидқ мекунад. Ин таҷаммуъ шаҳри Хуҷанд ва навоҳии атрофи онро, ки беш аз ним миллион нафар ҷамъият дорад, дарбар мегирад”, - гуфт вай.
Муовини вазири корҳои хориҷии Тоҷикистон афзуд, Қирғизистон проектҳоеро рӯи даст гирифтааст, ки дар пайи иҷроиши онҳо ҷамъияти Тоҷикистон бидуни оби ошомиданӣ ва кишоварзӣ бидуни обёрӣ мемонанд ва ин дар тазодди комил бо асноде аст, ки имзои намояндагони расмии Қирғизистонро дорад ва арқоми возеҳе дар ҳавзаи тақсими оби ин рӯдхона маълум ҳастанд.
“Бо истифода аз ин фурсат, ман аз намояндагони кишварҳои шарик ва созмонҳои байналмилалӣ мехоҳам, ки ҳангоми дарёфти дархост аз тарафи Қирғизистон барои иҷрои проектҳои мудирияти об дар ин сарзаминҳо бисёр муроқиб бошанд. Ин амр авоқиби манфӣ дорад, аз ин хотир, қабл аз ҳар тасмиме аз шумо хоҳишмандем бо мо ҳамоҳанг ва машварат намоед”, - гуфт Содиқ Имомӣ.
Вай афзуд, Тоҷикистон ба ҳеҷ ваҷҳ аз ин фурсат суъистифода нахоҳад кард, балки алоқаманди он аст, ки ҳамсояаш Қирғизистон кишваре мураффаҳ бошад, ба тавре, ки ҷамъияташ ба серу пурӣ зиндагӣ кунанд, аммо намехоҳад, ки бо гумроҳ кардани шарикони худ, бо манобеъи ҷадиди ихтилофу таниш мувоҷеҳ шавад.
Истифода аз манобеъи оби дарёҳои Исфара ва Хоҷа Бақирғон, ки аввалӣ, аз қаламрави шаҳри Исфара ба Қирғизистон ва дигарӣ, аз ҳудудҳои ноҳияи Лайлаки ин кишвар ба Тоҷикистон меояд, бар баҳси қаламрав изофа мешаванд.
Тибқи иттилоъи вазорати корҳои хориҷии Тоҷикистон, тайи 12 сол дар марзи Тоҷикистону Қирғизистон беш аз 230 ҳолати истифодаи силоҳ рух додаст, ки қисмати умдаи онҳо ба баҳси истифода аз об рабт доранд.
