https://sputnik.tj/20220914/kdam-tojikiston-qirghiz-postgoh-kekh-isfara-hamla-1051381434.html
КДАМ Тоҷикистон: Нерӯҳои қирғиз ба Кехи Исфара бо миномёту пулемёт ҳамла карданд
КДАМ Тоҷикистон: Нерӯҳои қирғиз ба Кехи Исфара бо миномёту пулемёт ҳамла карданд
Sputnik Тоҷикистон
Тоҷикистон сарҳадбонони қирғизро дар гулӯлаборон кардани постгоҳи сарҳадии Кех, дар ҷамоати Ворух муттаҳам карда, ин амалро моҷароҷӯӣ хондааст 14.09.2022, Sputnik Тоҷикистон
2022-09-14T11:01+0500
2022-09-14T11:01+0500
2022-09-14T18:01+0500
вазъ дар марзи тоҷикистону қирғизистон
дар тоҷикистон
даргирӣ
марз
қирғизистон
ворух
исфара
бодканд
https://cdnn1.img.sputnik.tj/img/102425/07/1024250731_0:0:4000:2251_1920x0_80_0_0_0c36c680eeac0ce9c1630f04dfffe0be.jpg
ДУШАНБЕ, 14 сен — Sputnik. Сарҳадбонони дидбонгоҳи марзии Булакбошии Бодканди Қирғизистон ба тарафи дидбонгоҳи сарҳадии Кехи отряди сарҳадии Исфараи Тоҷикистон аз миномёт гулӯла партофтаанд. Дар ин бора Қӯшунҳои сарҳадии Кумитаи давлатии амнияти миллии Тоҷикистон бо нашри як иттилоия хабар доданд. Ба иттилои манбаъ, тақрибан соати 7:15 дақиқаи 14 сентябр нерӯҳои қирғиз бе ягон сабаб, аз миномёт 4 гулӯла сӯи постгоҳи "Кех" парондаанд. Таъкид шудааст, ки сипас мавқеи сарҳадбонони тоҷик бо истифода аз силоҳҳои автомату пулемёти Калашников ва дигар аслиҳаи оташфишон мавриди ҳамла қарор гирифт.КДАМ изҳор доштааст, ки дар ин вазъият нерӯҳои Тоҷикистон оташи ҷавобӣ кушодаанд. Дар мавриди талафот аз ҷониби Тоҷикистон дар изҳороти нерӯҳои марзбонии КДАМ иттилое дода нашудааст. Ин ниҳод афзудааст, ки айни замон бо мақсади ба эътидол овардани вазъият ва муайян намудани сабабҳои иқдоми моҷароҷӯёнаи неруҳои сарҳадии кишвари ҳамсоя гуфтушунид байни намояндагони сарҳадии ду ҷониб ба роҳ монда шудааст.Ин дар ҳолест, ки ҷониби Қирғизистон марзбонони тоҷикро муттаҳам мекунад, ки дар минтақаи муайяннашудаи марз мавқеи ҷангӣ гирифтаанд ва дар посух ба талаботи низомиёни қирғиз барои тарки ин макон оташ кушодаанд. Таъкид гардидаст, ки аз ҷониби Қирғизистон дар ин даргирӣ талафоте нест.
https://sputnik.tj/20220914/dargiri-marz-tojikiston-qirghiziston-1051380367.html
қирғизистон
ворух
исфара
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, даргирӣ, марз, қирғизистон, ворух, исфара, бодканд
дар тоҷикистон, даргирӣ, марз, қирғизистон, ворух, исфара, бодканд
КДАМ Тоҷикистон: Нерӯҳои қирғиз ба Кехи Исфара бо миномёту пулемёт ҳамла карданд
11:01 14.09.2022 (Навсозишуда: 18:01 14.09.2022) Тоҷикистон сарҳадбонони қирғизро дар гулӯлаборон кардани постгоҳи сарҳадии Кех, дар ҷамоати Ворух муттаҳам карда, ин амалро моҷароҷӯӣ хондааст
ДУШАНБЕ, 14 сен — Sputnik. Сарҳадбонони дидбонгоҳи марзии Булакбошии Бодканди Қирғизистон ба тарафи дидбонгоҳи сарҳадии Кехи отряди сарҳадии Исфараи Тоҷикистон аз миномёт гулӯла партофтаанд.
Дар ин бора Қӯшунҳои сарҳадии Кумитаи давлатии амнияти миллии Тоҷикистон бо нашри як иттилоия хабар доданд.
Ба иттилои манбаъ, тақрибан соати 7:15 дақиқаи 14 сентябр нерӯҳои қирғиз бе ягон сабаб, аз миномёт 4 гулӯла сӯи постгоҳи "Кех" парондаанд.
Таъкид шудааст, ки сипас мавқеи сарҳадбонони тоҷик бо истифода аз силоҳҳои автомату пулемёти Калашников ва дигар аслиҳаи оташфишон мавриди ҳамла қарор гирифт.
"Ғайр аз ин, аз ҷониби Қирғизистон қувва ва воситаҳои иловагии ҳарбӣ ба минтақаи мазкур интиқол дода шуданд", - омадааст дар иттилоия.
КДАМ изҳор доштааст, ки дар ин вазъият нерӯҳои Тоҷикистон оташи ҷавобӣ кушодаанд.
Дар мавриди талафот аз ҷониби Тоҷикистон дар изҳороти нерӯҳои марзбонии КДАМ иттилое дода нашудааст.
Ин ниҳод афзудааст, ки айни замон бо мақсади ба эътидол овардани вазъият ва муайян намудани сабабҳои иқдоми моҷароҷӯёнаи неруҳои сарҳадии кишвари ҳамсоя гуфтушунид байни намояндагони сарҳадии ду ҷониб ба роҳ монда шудааст.
Ин дар ҳолест, ки ҷониби Қирғизистон марзбонони тоҷикро муттаҳам мекунад, ки дар минтақаи муайяннашудаи марз мавқеи ҷангӣ гирифтаанд ва дар посух ба талаботи низомиёни қирғиз барои тарки ин макон оташ кушодаанд. Таъкид гардидаст, ки аз ҷониби Қирғизистон дар ин даргирӣ талафоте нест.
