Лағву таъхири бархе парвозҳо дар фурудгоҳҳои Маскав: аз ҷумла ба Тоҷикистон

© Sputnik / Максим БлиновСамолет авиакомпании Utair взлетает в аэропорту "Внуково".
Самолет авиакомпании Utair взлетает в аэропорту Внуково. - Sputnik Тоҷикистон, 1920, 01.05.2022
Обуна шудан
Дар феҳрасти парвозҳои майдонҳои ҳавоии Маскав, ки анҷомашон лағв ва ё ба таъхир андохта шудаст, аз ҷумла ҳавопаймоҳои самти Тоҷикистон низ ҳастанд
ДУШАНБЕ, 1 май — Sputnik. Дар фурудгоҳҳои "Шереметево", "Внуково" ва "Домодедово"-и шаҳри Маскав ҳудуди 50 парвоз ба таъхир афтидаанд ва ё лағв шудаанд, хабар додаст РИА "Новости" бо такя ба "Ҷадвали Яндекс".
Ба иттилои манбаъ, аз ҷумла 32 парвоз лағв гардида, 17 парвоз бо таъхир анҷом дода мешаванд.
Парвозҳои лағву таъхирафтода дар масирҳои Тоҷикистон, Ӯзбекистон, Туркия, Миср, Арманистон, Озарбойҷон, Қазоқистон ва Белорус дар назар буданд.
Аз Тоҷикистон аз ҷумла парвози ҳавопаймои ширкати "Сомон Эйр" дар масири фурудгоҳи Кӯлоб - "Домодедово" лағв гардидаст.
Бар асоси ҷадвали парвозҳо, ҳавопаймои ширкати "Уралские авиалинии" аз Кӯлоб ба фурудгоҳи "Домодедово" бо таъхир мерасад. Ба ҷои 10:55 интизор меравад, ки соати 12:45 дақиқа мусофирон аз Кӯлоб ба Маскав расанд. Далели таъхиру лағви парвозҳо шарҳ дода нашудааст.
Самолёт - Sputnik Тоҷикистон, 1920, 29.04.2022
Тамдиди маҳдудияти парвозҳо дар бархе аз фурудгоҳҳои Русия
Дар зимн парвозҳои ширкатҳои ҳавопаймоӣ аз самти шаҳри Душанбе ба Маскав ва баръакс тибқи ҷадвали қаблан таъйидшуда сурат мегиранд.
Маврид ба зикр аст, ки қаблан Ассотсиатсияи ширкатҳои сайёҳии Русия гуфт, дар пайи таҳримҳо бархе аз парвозҳо аз кишвар маҳдуд шудаанд.
Дар зимн таъкид гардидааст, ки парвозҳои мустақим ба Тоҷикистон, Туркия, Имороти Муттаҳидаи Арабӣ, Баҳрайн, Қатар, Марокко, Эрон, Қазоқистон, Қирғизистон, Арманистон, Беларус, Туркманистон, Ӯзбекистон, Ҳинд ва Шри-Ланка боқӣ мондаанд.
Тавзеҳ дода шуд, ки сайёҳон метавонанд барои масирҳои дигар бастаҳои хидматрасонӣ гиранд, аммо парвоз аллакай на мустақим, балки аз тариқи таваққуф дар кишвари сеюм сурат хоҳанд гирифт. Дар ин феҳраст аз ҷумла бастаҳои сайёҳӣ ба Абхазистон, Юнон, Миср, Таиланд, Малдив ва Индонезия, ҷазираҳои Сейшел зикр шудаанд.
Лентаи хабарҳо
0