https://sputnik.tj/20220430/tojikiston-muhlat-qabul-donishgoh-tamdid-1048094310.html
Дар Тоҷикистон муҳлати қабули довталабон ба донишгоҳҳо тамдид шуд
Дар Тоҷикистон муҳлати қабули довталабон ба донишгоҳҳо тамдид шуд
Sputnik Тоҷикистон
Мақомоти Тоҷикистон ба далели зиёд будани шумори хоҳишмандони идомаи таҳсил дар донишгоҳҳо дар соли таҳсили 2022-23 чунин иқдом кардаанд
2022-04-30T09:40+0500
2022-04-30T09:40+0500
2022-04-30T09:40+0500
дар тоҷикистон
довталабон
донишгоҳ
ммт
маориф
https://cdnn1.img.sputnik.tj/img/101634/09/1016340908_0:0:4864:2736_1920x0_80_0_0_31654b9a861e50ae319d4c2ca2b27f84.jpg
ДУШАНБЕ, 30 апр — Sputnik. Дар Тоҷикистон давраи сабти ном барои имтиҳонҳои дохилшавӣ ба макотиби олӣ тамдид шуд. Инак, рӯзи охирини қабули ҳуҷҷатҳо 30 апрел аст. Абдубосит Шодиниё, ёвари директори Маркази миллии тестӣ (ММТ) ба хабаргузории "Ховар" гуфт, мақомот ба далели зиёд будани теъдоди хоҳишмандони идомаи таҳсил дар донишгоҳҳо чунин чораҳоро андешидаанд. Ба гуфтаи вай, то рӯзи 25-уми апрел беш аз 89 ҳазор хатмкардаи муассисаҳои таҳсилоти миёнаи умумӣ ва касбии кишвар барои ширкат дар имтиҳонҳои марказонидашудаи дохилшавӣ (МИМ) ҳуҷҷат супоридаанд. Шодиниё зикр кард, ки имрӯз яке аз ихтисосҳои маъмултарин "Эпидемиология, гигиена ва ҳифзи саломатӣ" дар Донишгоҳи давлатии тиббии Тоҷикистон ба номи Абӯалӣ ибни Сино мебошад.Инчунин тахассусҳои "Андоз ва андозбандӣ" ва "Экспертизаи судӣ" маъмуланд. Барои як ҷой мутаносибан 370 ва 348 нафар ҳуҷҷат супоридаанд.Ба довталабон интихоби то 12 ихтисос дар яке аз 5 кластер дода мешавад. Шодиниё ёдовар шуд, ки дар бораи интихоби касб пешакӣ тасмим гирифтан лозим аст. Пас шумо бояд тамоми ҳуҷҷатҳо ва рӯйхати комбинатсияи ихтисосҳои интихобшударо омода кунед. Пас аз он бояд ба марказҳои бақайдгирӣ оед. Дар сомонаи марказ шумо метавонед омори раванди бақайдгириро пайгирӣ кунед ва дар ҳолати зарурӣ интихоби ихтисосро тағир диҳед. Ёдовар мешавем, ки имтиҳонҳои дохилшавӣ ба донишгоҳҳо аз моҳи июл оғоз мешаванд. Хатмкунандагони мактаб имтиҳонҳоро дар ҳама шаҳру навоҳӣ имкони супоридан доранд. Маълум аст, ки барои тасдиқи шахсияти довталабони имтиҳонҳо ташхиси изи ангушт гузаронида мешавад.
https://sputnik.tj/20220225/tagyirot-dovtalabon-mmt-1046273453.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
қабул ҳуҷҷатҳо донишгоҳҳо тоҷикистон
қабул ҳуҷҷатҳо донишгоҳҳо тоҷикистон
Дар Тоҷикистон муҳлати қабули довталабон ба донишгоҳҳо тамдид шуд
Мақомоти Тоҷикистон ба далели зиёд будани шумори хоҳишмандони идомаи таҳсил дар донишгоҳҳо дар соли таҳсили 2022-23 чунин иқдом кардаанд
ДУШАНБЕ, 30 апр — Sputnik. Дар Тоҷикистон давраи сабти ном барои имтиҳонҳои дохилшавӣ ба макотиби олӣ тамдид шуд.
Инак, рӯзи охирини қабули ҳуҷҷатҳо 30 апрел аст. Абдубосит Шодиниё, ёвари директори Маркази миллии тестӣ (ММТ) ба хабаргузории "Ховар" гуфт, мақомот ба далели зиёд будани теъдоди хоҳишмандони идомаи таҳсил дар донишгоҳҳо чунин чораҳоро андешидаанд.
Ба гуфтаи вай, то рӯзи 25-уми апрел беш аз 89 ҳазор хатмкардаи муассисаҳои таҳсилоти миёнаи умумӣ ва касбии кишвар барои ширкат дар имтиҳонҳои марказонидашудаи дохилшавӣ (МИМ) ҳуҷҷат супоридаанд.
Шодиниё зикр кард, ки имрӯз яке аз ихтисосҳои маъмултарин "Эпидемиология, гигиена ва ҳифзи саломатӣ" дар Донишгоҳи давлатии тиббии Тоҷикистон ба номи Абӯалӣ ибни Сино мебошад.
"Барои як ҷой дар ин ихтисос 533 довталаб ҳуҷҷат супорид. Бахусус шӯъбаи рӯзона, навъи таҳсил ройгон маъмул аст", - афзуд ӯ.
Инчунин тахассусҳои "Андоз ва андозбандӣ" ва "Экспертизаи судӣ" маъмуланд. Барои як ҷой мутаносибан 370 ва 348 нафар ҳуҷҷат супоридаанд.
Ба довталабон интихоби то 12 ихтисос дар яке аз 5 кластер дода мешавад.
Шодиниё ёдовар шуд, ки дар бораи интихоби касб пешакӣ тасмим гирифтан лозим аст. Пас шумо бояд тамоми ҳуҷҷатҳо ва рӯйхати комбинатсияи ихтисосҳои интихобшударо омода кунед. Пас аз он бояд ба марказҳои бақайдгирӣ оед.
Дар сомонаи марказ шумо метавонед омори раванди бақайдгириро пайгирӣ кунед ва дар ҳолати зарурӣ интихоби ихтисосро тағир диҳед.
Ёдовар мешавем, ки имтиҳонҳои дохилшавӣ ба донишгоҳҳо аз моҳи июл оғоз мешаванд. Хатмкунандагони мактаб имтиҳонҳоро дар ҳама шаҳру навоҳӣ имкони супоридан доранд. Маълум аст, ки барои тасдиқи шахсияти довталабони имтиҳонҳо ташхиси изи ангушт гузаронида мешавад.
