https://sputnik.tj/20220423/filmho-tojiki-hakamon-hayratzada-1047901450.html
Филмҳои тасвирии тоҷикӣ ҳакамони байналмилалиро ҳайратзада карданд
Филмҳои тасвирии тоҷикӣ ҳакамони байналмилалиро ҳайратзада карданд
Sputnik Тоҷикистон
Фарҳод Ғаффорпур ва Лолисанам Улуғова дар Тошканд асарҳои худро муаррифӣ карданд: филмҳои тасвирӣ ба тамошобинон таассуроти фаромӯшнашаванда бахшиданд
2022-04-23T20:20+0500
2022-04-23T20:20+0500
2022-04-25T19:01+0500
фарҳанг
филм
тасвирӣ
тоҷикӣ
ҷашнвора
дар тоҷикистон
ӯзбекистон
https://cdnn1.img.sputnik.tj/img/07e6/04/17/1047895165_0:0:1920:1080_1920x0_80_0_0_3bed681bead0b95127cb50fc3c90fd6a.jpg
ДУШАНБЕ, 23 апр – Sputnik. Филмҳои тасвирӣ аз ҷониби коргардонҳои Тоҷикистон ҳайати доварони Форуми аниматсияҳои "Tashkent-2022"-ро мутаассир карданд. Ҳамин тавр филми тасвирии "Sound of Silence" ("Садои хомӯшӣ")-и Фарҳоди Ғаффорпур мавриди таваҷҷуҳи хоса қарор гирифт. Мултфилми 4-дақиқаӣ, ки соли 2017 ба навор гирифта шудааст, ба мушкилоти муносиботи волидайн ва фарзандон, ҷойгузини муоширати зинда ба рақамӣ, инчунин таъсири ҷаҳонишавии ҷомеаи ҷаҳонӣ ба арзишҳои миллӣ дахл мекунад. Дар суҳбат бо ТАСС меҳмони вижаи форум, мунаққиди театри Русия Дина Годер иқрор шуд, ки филми 8-дақиқаии коргардон Лоласанам Улуғова "Ҳувайдо" ӯро ба ҳайрат овард. Муаллиф дар асари худ достонеро нақл кардааст, ки соли 2018 тамоми Тоҷикистонро ба ларза овард. Филми аниматсионӣ бар рӯйдодҳои воқеӣ асос ёфтааст: сюжет ба духтарчаи 5-сола Ҳувайдо Тилозода бахшида шудааст, ки дар Серпухови Русия ваҳшиёна кушта шудааст. Ба гуфтаи мунаққидон, хеле муҳим аст, ки духтарон дар бораи мушкилоте, ки онҳоро ба ташвиш овардааст, бо забони аниматсия сухан гӯянд. Ёдовар мешавем, ки аз 18 то 22 апрел дар пойтахти Ӯзбекистон форуми филмҳои тасвирии "Tashkent Animation Forum-2022" баргузор шуд. Ҷоизаи асосӣ ба коргардони Қазоқистон Анита Черних барои филми "Дар бораи ҳуқуқи парандагон" дода шуд. Дар чорабинӣ инчунин аниматорҳои ҳирфаӣ аз Русия, Исроил, Озарбойҷон, Гурҷистон ва дигар кишварҳо ширкат доштанд. Дар доираи форум ҳамчунин тамошои шоҳасарҳои аниматсионӣ ва мултфилмҳои шӯравӣ дар киностудияи "Ӯзбекмултфилм" дар солҳои 60-70-уми асри гузашта ташкил карда шуд. Ин аввалин рухдод дар 30 соли истиқлоли Ӯзбекистон аст. Акнун ният доранд, ки ҳар сол директоронро ба Тошкент даъват кунанд.
https://sputnik.tj/20220221/tochikiston-kinostudiya-nav-1046083840.html
ӯзбекистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
филмҳои тасвирӣ, тоҷикӣ, фестивал, арсаи байналмилалӣ
филмҳои тасвирӣ, тоҷикӣ, фестивал, арсаи байналмилалӣ
Филмҳои тасвирии тоҷикӣ ҳакамони байналмилалиро ҳайратзада карданд
20:20 23.04.2022 (Навсозишуда: 19:01 25.04.2022) Фарҳод Ғаффорпур ва Лолисанам Улуғова дар Тошканд асарҳои худро муаррифӣ карданд: филмҳои тасвирӣ ба тамошобинон таассуроти фаромӯшнашаванда бахшиданд
ДУШАНБЕ, 23 апр – Sputnik. Филмҳои тасвирӣ аз ҷониби коргардонҳои Тоҷикистон ҳайати доварони Форуми аниматсияҳои "Tashkent-2022"-ро мутаассир карданд.
Ҳамин тавр филми тасвирии "Sound of Silence" ("Садои хомӯшӣ")-и Фарҳоди Ғаффорпур мавриди таваҷҷуҳи хоса қарор гирифт.
Мултфилми 4-дақиқаӣ, ки соли 2017 ба навор гирифта шудааст, ба мушкилоти муносиботи волидайн ва фарзандон, ҷойгузини муоширати зинда ба рақамӣ, инчунин таъсири ҷаҳонишавии ҷомеаи ҷаҳонӣ ба арзишҳои миллӣ дахл мекунад.
Дар суҳбат бо ТАСС меҳмони вижаи форум, мунаққиди театри Русия Дина Годер иқрор шуд, ки филми 8-дақиқаии коргардон Лоласанам Улуғова "Ҳувайдо" ӯро ба ҳайрат овард.
Муаллиф дар асари худ достонеро нақл кардааст, ки соли 2018 тамоми Тоҷикистонро ба ларза овард.
Филми аниматсионӣ бар рӯйдодҳои воқеӣ асос ёфтааст: сюжет ба духтарчаи 5-сола Ҳувайдо Тилозода бахшида шудааст, ки дар Серпухови Русия ваҳшиёна кушта шудааст.
Ба гуфтаи мунаққидон, хеле муҳим аст, ки духтарон дар бораи мушкилоте, ки онҳоро ба ташвиш овардааст, бо забони аниматсия сухан гӯянд.
Ёдовар мешавем, ки аз 18 то 22 апрел дар пойтахти Ӯзбекистон форуми филмҳои тасвирии "Tashkent Animation Forum-2022" баргузор шуд.
Ҷоизаи асосӣ ба коргардони Қазоқистон Анита Черних барои филми "Дар бораи ҳуқуқи парандагон" дода шуд.
Дар чорабинӣ инчунин аниматорҳои ҳирфаӣ аз Русия, Исроил, Озарбойҷон, Гурҷистон ва дигар кишварҳо ширкат доштанд.
Дар доираи форум ҳамчунин тамошои шоҳасарҳои аниматсионӣ ва мултфилмҳои шӯравӣ дар киностудияи "Ӯзбекмултфилм" дар солҳои 60-70-уми асри гузашта ташкил карда шуд.
Ин аввалин рухдод дар 30 соли истиқлоли Ӯзбекистон аст. Акнун ният доранд, ки ҳар сол директоронро ба Тошкент даъват кунанд.
