Русия қариб 1 млн гуреза аз Донбассу Украинаро қабул кард

© Sputnik / Sergei Pivovarov / Гузариш ба медиабонкЛюди на контрольно-пропускном пункте "Матвеев Курган" в Ростовской области
Люди на контрольно-пропускном пункте Матвеев Курган в Ростовской области - Sputnik Тоҷикистон, 1920, 22.04.2022
Обуна шудан
Гурӯҳи нави гурезаҳо аз тариқи автобусҳо аз деҳоти назди шаҳри Мариупол ба минтақаи марзии Русия, дар ҳудуди вилояти Ростов интиқол дода шуданд
ДУШАНБЕ, 22 апр — Sputnik. Теъдоди умумии гурезаҳо аз ҷумҳуриҳои халқии Донетску Луганск ва Украина дар Русия аллакай ба 935 ҳазор нафар расидааст.
Дар ин бора РИА "Новости" хабар дода афзуд, ки ин теъдоди гурезаҳо аз оғози ташаннуҷи вазъ дар Донбассу Украина ба Русия интиқол ёфтаанд.
Теъдоди онҳое, ки тайи шабонарӯзи охир ба Русия паноҳ бурдаанд, беш аз 18 ҳазор нафарро ташкил медиҳад.

"Аз ҷумла аз 934,6 ҳазор гурезае, ки аз оғози ташаннуҷи низомӣ ба Русия паноҳ бурдаанд, 172,5 ҳазор нафарашон кӯдакон мебошанд", - омадааст дар иттилоия.

Интиқоли васеи шаҳрвандон аз Донбас нимаи моҳи феврали соли равон дар пасманзари ташаннуҷи вазъ оғоз гардид. Баъдан Русия истиқлоли ҷумҳуриҳои халқии Донетск ва Луганскро эътироф карда, 24 феврал дар Украина амалиёти низомии махсусро оғоз кард.
Украинские военнослужащие в Буче - Sputnik Тоҷикистон, 1920, 22.04.2022
Украина ба ҳамлаи террористӣ алайҳи Русия омодагӣ мегирифт: тафсилот
Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
Лентаи хабарҳо
0