Ду хонандаи боистеъдод аз Хуҷанд барои таҳсил ба ИМА ва Швейтсария мераванд

© Sputnik / Амир ИсаевШкольники на первом школьном дне в Душанбе
Школьники на первом школьном дне в Душанбе  - Sputnik Тоҷикистон, 1920, 13.04.2022
Обуна шудан
Хонандагони яке аз муассисаи таълимии тахассусии вилояти Суғд тавонистанд бо дониши худ ҳакамони донишгоҳҳои ғарбиро дар ҳайрат гузоранд
ДУШАНБЕ, 13 апр — Sputnik. Ду хонандаи литсейи кӯдакони лаёқатманди Хуҷанд ғолиби грантҳои хориҷӣ барои таҳсили минбаъда гардиданд.
Хонандагони синфи 11 Амирбек Зокиров ва Самандар Самандаров дар Гран-при, озмунҳои донишгоҳҳои ИМА ва Швейтсария беҳтарин дониста шуданд.
Маблағи грант 300,000 доллари амрикоиро ташкил медиҳад.
Сурайё Негматова, мудири ин муассисаи таълимӣ дар суҳбат бо хабарнигори “Sugdnews” гуфт, ба ин муассиса номаи расмии омодагӣ барои қабули ду хатмкардаи тоҷик ба таҳсил расидааст.
Ба гуфтаи вай, инҳо Донишгоҳи Уолш дар ИМА ва Донишгоҳи Франклин дар Швейтсария мебошанд.

"Ин муассисаҳои таҳсилоти олӣ ба феҳристи донишгоҳҳои бонуфузи ҷаҳон ворид шудаанд. Таҳсил дар ин донишгоҳҳо барои 4 соли хониш аз 120 то 170 ҳазор доллар арзиш дорад", - шарҳ дод Негматова.

Худи хонандагони синфҳои болоӣ пирӯзии худро натиҷаи сифати таълим аз ҷониби омӯзгорони маҳаллӣ ва барномаи таълимии литсей медонанд, ки дар он ба омӯзиши забонҳои хориҷӣ таваҷҷӯҳи зиёд зоҳир карда мешавад.
Студенты в аудитории МПГУ, архивное фото - Sputnik Тоҷикистон, 1920, 13.04.2022
Донишкадаи бонуфузи Маскав барои донишҷӯёни тоҷик бурсия ҷудо кардааст
"Талаботи асосии ҳама озмунҳои байналмилалӣ донистани ҳатмии забони англисӣ мебошад. Ва донишҳои дар литсейгирифтаи мо имкон дод, ки барои идомаи таҳсил дар ин донишгоҳҳои бонуфузи ҷаҳон грант ба даст орем", - гуфтанд бачаҳо.
Амирбек Зокиров мехоҳад, ба факултети менеҷмент биравад ва Самандар Самандаров минбаъд низ дониши худро дар соҳаи технологияҳои IT такмил хоҳад дод.
Ҷойҳои намоёни донишҷӯёни тоҷик дар олимпиадаи байналмилалӣ
Қаблан маълум шуда буд, ки мактаббачагони боистеъдоди Тоҷикистон тавонистанд дар олимпиадаи бонуфузи FISO 171 медали тило ба даст оранд.
Даври байналмилалии озмун дар шакли фосилавӣ аз фанҳои математика, табиатшиносӣ, англисӣ ва санъати тасвирӣ баргузор гардид.
Лентаи хабарҳо
0