Таъйини 12 сафири нав дар Тоҷикистон: Раҳмон эътимодномаҳояшонро қабул кард

© Пресс-служба Президента РТПолучение верительных грамот от вновь назначенных послов
Получение верительных грамот от вновь назначенных послов - Sputnik Тоҷикистон, 1920, 02.03.2022
Обуна шудан
Президенти Тоҷикистон дар мулоқот бо сафирони ҷадид умед ба таҳкими ҳамкориҳо кард
ДУШАНБЕ, 2 мар — Sputnik. Эмомалӣ Раҳмон, раисҷумҳури Тоҷикистон аз 12 сафири нави фавқулодда ва мухтори кишварҳои хориҷӣ дар шаҳри Душанбе эътимоднома қабул кард.
Дафтари матбуотии раисҷумҳури Тоҷикистон дар феҳрасти дипломатҳои навтаъйин, аз ҷумла сафири нави Ҷопон, Айки Тошиҳиро, сафири Корея Квон Донг Сокро ном бурдаст.
Инчунин сафири Миср Назиҳ Алӣ Баҳа Аддин Аннагарӣ, Имороти Муттаҳидаи Арабӣ Муҳаммад Саид Муҳаммад Алариқӣ, Салтанати Умон Иброҳим ибн Аҳмад Алмуинӣ, Давлати Исроил хонум Зеавит Бен Хиллел, Подшоҳии Белгия Анрӣ Вантигем, Ҷумҳурии Австрия Вилли Кемпел, Подшоҳии Норвегия Ҷон Микал Квистад, Руминия хонум Мэдэлина Лупу, Ордени Мухтори Малта Иван Лалан Бердутик ва Канада Алан Хемсен эътимодномаҳояшонро ба Эмомалӣ Раҳмон супориданд.
Манбаъ афзуд, ки сафирони нав ба раисҷумҳури Тоҷикистон паёму дуруд аз роҳбарияти кишварҳои хешро тақдим карданд.
Имомуддин Саттров посол РТ в ФРГ вручил верительную грамоту президенту ФРГ Франк-Валтеру Штанмайер  - Sputnik Тоҷикистон, 1920, 18.02.2022
Сатторов ба Штайнмайер эътимоднома супурд
Эмомалӣ Раҳмон зимни истиқбол аз сафирони нав ҳамаашонро ба муносибати оғоз гардидани фаъолияти дипломатиашон шодбош гуфтаст. Президенти Тоҷикистон кор дар мақоми сафириро пуршарафу ҳамзамон сермасъул хондааст.
Вай изҳори бовар намудааст, ки сафирон бо талошу фаъолияти самарабахши худ дар муносиботи кишварҳояшон бо Тоҷикистон такони тоза мебахшанд.
Раҳмон зикр кардааст, аксари кулли кишварҳое, ки муаррифии онҳо ба уҳдаи сафирони навтаъин вогузор гардидааст, соҳибихтиёрии Тоҷикистонро дар қатори аввалинҳо ба расмият шинохтаанд ва ҳоло дар қатори шарикони фаъоли байналмилалии Тоҷикистон қарор доранд.
Лентаи хабарҳо
0