Ҳушдори СММ аз ҳузури 50 ҳазор ҷангҷӯи ДИИШ* дар Афғонистон

© AP / Rahmat GulБоевики Талибана патрулируют район Вазир Акбар Хан в городе Кабул, Афганистан
Боевики Талибана патрулируют район Вазир Акбар Хан в городе Кабул, Афганистан - Sputnik Тоҷикистон, 1920, 23.02.2022
Обуна шудан
Созмони Милали Муттаҳид гузориш додааст, бахши хуросонии ДИИШ* ҳам акнун дар Афғонистон 40 ҳазор ҷангҷӯ дорад ва ду ҳазор нафари онҳо хориҷӣ ҳастанд
ДУШАНБЕ, 23 фев — Sputnik. Кумитаи назорати таҳримҳои Шӯрои амнияти Созмони Милал ахиран дар гузорише аз вазъи амниятӣ дар Афғонистон изҳори нигаронӣ карда ва гуфтааст, ки бештари ҷангҷӯёни ДИИШ* дар замони суқути ҳукумати қаблӣ аз зиндонҳо озод шудаанд ва хатари террористӣ дар Афғонистон дар ҳоли рушд аст, иттилоъ додааст Sputnik Афғонистон.
Ин кумита қаблан дар бораи сафари яке аз писарони Усома бин Лодин ба Афғонистон ва дидори ӯ бо раҳбарони толибон дар моҳи октябри соли гузашта гузориш дода буд. Ин гузориш аз ҷониби толибон қатъан рад шуд.
Дар пайи нигарониҳо аз эҳёи терроризм дар Афғонистон раиси амнияти дохилии Бритониё ахиран ҳушдор дод, ки Афғонистон дубора ба паноҳгоҳи террористон табдил хоҳад ёфт.
Представитель движения «Талибан» Анас Хаккани и делегаты, сидящие в самолете перед вылетом в Осло, в аэропорту Кабула - Sputnik Тоҷикистон, 1920, 23.02.2022
Ҳақонӣ: Раванди ба расмият шинохтани ҳукумати толибон “хомӯшона” ҷараён дорад
Кен ‌‌‌Маккалом, раиси дастгоҳи истихбороти дохилии Бритониё ба рӯзномаи "Daily Mail" гуфтааст, ки бархе аз ҷангҷӯёни бритониёӣ талош кардаанд, ба Афғонистон бираванд.

"Мо мушоҳида мекунем, ки баъзе аз ашхос кӯшиши сафар ба Афғонистонро доранд ва аз ин рӯ мо бо шарикони худ вазъро назорат менамоем", -гуфт ӯ.

Ба гуфтаи вай, Афғонистон низ мисли Сурия метавонад ба макони таҷаммуи нерӯҳои ифротии бритониёӣ табдил ёбад.
Раиси дастгоҳи истихбороти дохилии Бритониё гуфтааст, ки аз ташкили таъсисот ва шабакаҳои террористӣ дар Афғонистон нигарон аст.
Аз замони суқути ҳукумати Ғанӣ ва афзоиши қудрати ҷунбиши толибон дар Афғонистон дар манотиқи мухталифи ин кишвар чандин ҳамлаи террористӣ рух дод, ки аксари онҳоро ДИИШ* бар уҳда гирифтааст.
* - гурӯҳи террористии мамнӯъ дар Руися
Лентаи хабарҳо
0