https://sputnik.tj/20220213/karzay-abdulloh-bozgashti-siyosatmadoroni-firori-afghoniston-1045813325.html
Хости Карзай ва Абдуллоҳ аз бозгашти дубораи сиёсатмадорони фирорӣ ба Афғонистон
Хости Карзай ва Абдуллоҳ аз бозгашти дубораи сиёсатмадорони фирорӣ ба Афғонистон
Sputnik Тоҷикистон
Ҳомид Карзай ва Абдуллоҳ Абдуллоҳ аз толибон мехоҳанд то шароит бозгашти сиёсатмадорони фирорӣ ба кишварро фароҳам созанд
2022-02-13T17:00+0500
2022-02-13T17:00+0500
2022-02-14T20:27+0500
афғонистон
толибон
ҳамид карзай
абдуллоҳ абдуллоҳ
сиёсат
бозгашт
https://cdnn1.img.sputnik.tj/img/07e5/08/18/1041851523_0:106:2049:1258_1920x0_80_0_0_7977b030757498b970001d4443eb47a1.jpg
ДУШАНБЕ, 13 фев — Sputnik. Ҳомиди Карзай, раисҷумҳури пешини Афғонистон мегӯяд, ӯ ва Абдуллоҳ Абдуллоҳ, раиси собиқи Шӯрои олии мусолиҳаи миллӣ дар ҳукумати пешин дар номае ба толибон хоҳони фароҳамсозии шароит барои бозгашти сиёсатмадорони фирорӣ ба ин кишвар шудаанд, иттилоъ додааст Sputnik Афғонистон.Қобили зикр аст, Абдулсалом Раҳимӣ, ки қаблан ин кишварро тарк карда буд, чанд рӯз пеш пас ба Кобул баргашт. Ӯ дар замони ҳукмронии Ашраф Ғанӣ вазири умури сулҳ буд.Дар ҳоли ҳозир бозгашти чеҳраҳои наздик ба ҳалқаҳои Ғанӣ ва қарор гирифтан онҳо дар канори толибон шубҳанок аст, чунки бархе аз ин шахсони сиёсӣ аз сӯйи толибҳо ба “дуздии пулҳои кумаки ҷаҳонӣ” муттаҳам мешаванд.Ғасби ҳукумат аз ҷониби толибҳоАвоили моҳи август толибҳо ҳамлаи худро болои нерӯҳои давлатии Афғонистон пурзӯр карда, рӯзи 15-уми август вориди Кобул шуданд ва рӯзи дигар эълом карданд, ки ҷанг ба поён расидааст. Ду ҳафтаи ахири моҳи август аз фурудгоҳи Кобул, ки таҳти ҳифозати низомиёни амрикоӣ буд, кӯчонидани оммавии шаҳрвандони ғарбӣ ва афғонистониҳое, ки бо онҳо ҳамкорӣ доштанд, сурат гирифт.Шаби 31-уми август низомиёни амрикоӣ фурудгоҳи Кобулро тарк карда, ба ҳузури тақрибан 20-солаи низомии Амрико дар Афғонистон хотима доданд. Аввали моҳи сентябр ҳайати ҳукумати муваққатии Афғонистон бо сардории Муҳаммад Ҳасан Охунд, ки дар давраи хукмронии якуми толибҳо вазири корҳои хориҷӣ буд, эълон шуд.Ҷабҳаи муқовимати миллии Афғонистон амалан 16 август, як рӯз баъд аз суқути Кобул дар дараи Панҷшер аз сӯйи фармондеҳони ҷиҳодӣ ва бақоёи пулису урдӯи собиқ, дар умум нерӯҳои зиддитолиби Афғонистон эъломи мавҷудият карда буд. Раҳбарии онро Аҳмади Масъуд, писари Аҳмадшоҳи Масъуд, раҳбари Ҷабҳаи муқовимати аввали Афғонистон (1996-2001) ба дӯш дорад.Ҷабҳаи муқовимат дар ҳоли ҳозир дар ягон маркази маъмурӣ дар Афғонистон ҳузур надорад. Нерӯҳои он дар баландкӯҳҳои вилояти Панҷшер ва минтақаи Андаробҳои вилояти Бағлон бо толибон муқовимат мекунанд.
https://sputnik.tj/20220204/karzay-jabhai-muqovimatro-barodar-khitob-kard-tolibonro-guftam-shumoro-ham-meguyam-1045488906.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
афғонистон, ҳамид карзай, абдуллоҳ абдуллоҳ, толибон, сиёсатмадорон, бозгашт
афғонистон, ҳамид карзай, абдуллоҳ абдуллоҳ, толибон, сиёсатмадорон, бозгашт
Хости Карзай ва Абдуллоҳ аз бозгашти дубораи сиёсатмадорони фирорӣ ба Афғонистон
17:00 13.02.2022 (Навсозишуда: 20:27 14.02.2022) Ҳомид Карзай ва Абдуллоҳ Абдуллоҳ аз толибон мехоҳанд, то шароити бозгашти сиёсатмадорони фирорӣ ба ин кишварро фароҳам созанд
ДУШАНБЕ, 13 фев — Sputnik. Ҳомиди Карзай, раисҷумҳури пешини Афғонистон мегӯяд, ӯ ва Абдуллоҳ Абдуллоҳ, раиси собиқи Шӯрои олии мусолиҳаи миллӣ дар ҳукумати пешин дар номае ба толибон хоҳони фароҳамсозии шароит барои бозгашти сиёсатмадорони фирорӣ ба ин кишвар шудаанд, иттилоъ додааст Sputnik Афғонистон.
Қобили зикр аст, Абдулсалом Раҳимӣ, ки қаблан ин кишварро тарк карда буд, чанд рӯз пеш пас ба Кобул баргашт. Ӯ дар замони ҳукмронии Ашраф Ғанӣ вазири умури сулҳ буд.
Дар ҳоли ҳозир бозгашти чеҳраҳои наздик ба ҳалқаҳои Ғанӣ ва қарор гирифтан онҳо дар канори толибон шубҳанок аст, чунки бархе аз ин шахсони сиёсӣ аз сӯйи толибҳо ба “дуздии пулҳои кумаки ҷаҳонӣ” муттаҳам мешаванд.
Ғасби ҳукумат аз ҷониби толибҳо
Авоили моҳи август толибҳо ҳамлаи худро болои нерӯҳои давлатии Афғонистон пурзӯр карда, рӯзи 15-уми август вориди Кобул шуданд ва рӯзи дигар эълом карданд, ки ҷанг ба поён расидааст. Ду ҳафтаи ахири моҳи август аз фурудгоҳи Кобул, ки таҳти ҳифозати низомиёни амрикоӣ буд, кӯчонидани оммавии шаҳрвандони ғарбӣ ва афғонистониҳое, ки бо онҳо ҳамкорӣ доштанд, сурат гирифт.
Шаби 31-уми август низомиёни амрикоӣ фурудгоҳи Кобулро тарк карда, ба ҳузури тақрибан 20-солаи низомии Амрико дар Афғонистон хотима доданд. Аввали моҳи сентябр ҳайати ҳукумати муваққатии Афғонистон бо сардории Муҳаммад Ҳасан Охунд, ки дар давраи хукмронии якуми толибҳо вазири корҳои хориҷӣ буд, эълон шуд.
Ҷабҳаи муқовимати миллии Афғонистон амалан 16 август, як рӯз баъд аз суқути Кобул дар дараи Панҷшер аз сӯйи фармондеҳони ҷиҳодӣ ва бақоёи пулису урдӯи собиқ, дар умум нерӯҳои зиддитолиби Афғонистон эъломи мавҷудият карда буд. Раҳбарии онро Аҳмади Масъуд, писари Аҳмадшоҳи Масъуд, раҳбари Ҷабҳаи муқовимати аввали Афғонистон (1996-2001) ба дӯш дорад.
Ҷабҳаи муқовимат дар ҳоли ҳозир дар ягон маркази маъмурӣ дар Афғонистон ҳузур надорад. Нерӯҳои он дар баландкӯҳҳои вилояти Панҷшер ва минтақаи Андаробҳои вилояти Бағлон бо толибон муқовимат мекунанд.
