Тоҷикистон зидди Беларус: тими яккачини кишвар бо "Динамо" чӣ тавр бозӣ кард?

© Федерация футбола ТаджикистанаТаджикистан против Беларуси: как национальная сборная сыграла с "Динамо"
Таджикистан против Беларуси: как национальная сборная сыграла с Динамо - Sputnik Тоҷикистон, 1920, 11.02.2022
Обуна шудан
Футболбозони тими наврасони Тоҷикистон дар доираи мусобиқаи байналмилалӣ дар Минск бо рақибонашон аз Беларус бозӣ карданд
ДУШАНБЕ, 11 фев — Sputnik. Дастаи мунтахаби наврасони футболи Тоҷикистон (U-16) дар мусобиқаи байналмилалии "Ҷоми Рушд - 2022" дар шаҳри Минск бозии сеюмро анҷом дод. Дар ин бора Федератсияи футболи ҷумҳурӣ хабар додааст.
Яккачини Тоҷикистон, ки дар гурӯҳи “А” бозӣ мекунад, бо “Динамо”-и Беларус мусовӣ кард. Бозӣ бо ҳисоби 2:2 анҷом ёфт.
Ба иттилои ФФТ, футболбозони тоҷик дар нимаи аввал дар ҳисоб пешқадам буданд – 2:0, вале натавонистанд пирӯзиро худро ҳифз кунанд ва бозиро бо ҳисоби 2:2 ба поён расонаданд.
Ду голи миллипӯшони кишварро Масрур Ғафуров вориди дарвозаи ҳариф сохт.
Дар даври ниҳоии сабқати гурӯҳӣ рӯзи шанбеи 12 феврал тими ҷавонони Тоҷикистон бо варзишгарони Қирғизистон рақобат мекунад.
Кубок Развития: Таджикистан-Беларусь - Sputnik Тоҷикистон, 1920, 09.02.2022
Ҷоми Рушд-2022. Тоҷикистон – Беларус: навори пурраи рақобат
Дар ду бозии қаблӣ дар "Ҷоми Рушд-2022" мунтахаби наврасони то 16-сола бо Молдова мусовӣ - 2:2 кард ва аз Беларус - 2:3 шикаст хӯрд.
Ёдовар мешавем, ки дар мусобиқа 10 даста ширкат доранд. Футболбозони Тоҷикистон дар гурӯҳи "А" дар баробари дастаҳои Беларус (U-16), Қирғизистон (U-16), Молдова (U-16) ва "Динамо-Минск" (U-17) бозӣ мекунанд.
Дар гурӯҳи "В" бошад, дастаҳои Беларус (U-17), Ӯзбекистон (U-17), Гурҷистон (U-17), Исроил (U-17) ва тими Минск (U-17) мебошанд.
Дар ду марҳилаи қаблии мусобиқот футболбозони тоҷик соли 2020 ҷои дуюм ва соли 2021 ҷомро гирифтанд.
Лентаи хабарҳо
0