Барномаи давлатӣ: Тоҷикистон намояндагиҳои телевизионашро дар Русия тақвият мебахшад

© Sputnik Нишасти матбуотии Кумитаи телевизион ва радиои Тоҷикистон
Нишасти матбуотии Кумитаи телевизион ва радиои Тоҷикистон - Sputnik Тоҷикистон, 1920, 08.02.2022
Обуна шудан
Раиси Кумитаи телевизион ва радиои назди Ҳукумати Тоҷикистон мегӯяд, фаъолияти намояндагиҳои телевизионҳои тоҷик дар Русияро тақвият мебахшанд
ДУШАНБЕ, 8 фев – Sputnik. Таҳкими намояндагиҳои шабакаҳои телевизионии Тоҷикистон дар Русия бахше аз Барномаи давлатии рушди телевизион то соли 2025 мебошад.
Дар ин бора Нуриддини Саид, раиси Кумитаи телевизион ва радиои Тоҷикистон зимни нишасти матбуотӣ хабар дод.
Ӯ гуфт, кушодани намояндагиҳои ҷадиду таҳкими фаъолияти дафтарҳои мавҷудаи телевизиони Тоҷикистон дар Русия, Қазоқистон ва бархе кишварҳои дигар ба далели пандемия каме ба таъхир афтод.
Министр образования Таджикистана Нуриддин Саид   - Sputnik Тоҷикистон, 1920, 08.02.2022
Нуриддин Саид аз нақшаи кӯчондани манора ва идораи телевизионҳои Тоҷикистон гуфт
Нуриддини Саид зикр намуд, ки соли аввали Барномаи давлатии рушди соҳаи телевизиони Тоҷикистон барои то соли 2025 ҷамъбаст шуд, ки 97% иҷро гардид. Ӯ тавзеҳ дод, ки 3%-и иҷронашуда маҳз ба таъхири ифтитоҳу таҳкими намояндагиҳои телевизион дар хориҷи кишвар, аз ҷумла Русия ва Қазоқистон рабт дорад.
Ӯ афзуд, бо муътадил шудани вазъияти марбути пандемияи корона намояндагиҳо дар хориҷи кишвар кушода ва фаъолияташон густурда хоҳад шуд.
Тибқи иттилои раиси Кумитаи телевизион ва радиои Тоҷикистон, ҳоло дар ҷумҳурӣ 96 шабакаи давлатию хусусии телевизиону студияҳои тавлиди маҳсулоти аудиовизуалӣ фаъолият мекунанд. Аз ин миқдор 14 шабакаи телевизионӣ давлатӣ мебошанд.
Лентаи хабарҳо
0