https://sputnik.tj/20220204/erdughon-miyonjigari-russia-ukraine-1045496804.html
Эрдуғон пешниҳоди миёнҷигарӣ дар байни Русия ва Украина кард
Эрдуғон пешниҳоди миёнҷигарӣ дар байни Русия ва Украина кард
Sputnik Тоҷикистон
Туркия омодагияшро барои миёнаравӣ дар ҳалли мухолифатҳо миёни Русия ва Украина баён дошт
2022-02-04T16:50+0500
2022-02-04T16:50+0500
2023-10-02T17:09+0500
дар ҷаҳон
туркия
сиёсат
эрдуғон
владимир путин
владимир зеленский
музокирот
миёнҷигарӣ
украина
https://cdnn1.img.sputnik.tj/img/07e4/0c/15/1032491458_0:63:3117:1816_1920x0_80_0_0_ddc48e1dc05f0458120275facfac0920.jpg
ДУШАНБЕ, 4 фев — Sputnik. Раҷаб Тайиб Эрдуғон, раисҷумҳури Туркия омодагии кишварашро барои миёнҷигарӣ миёни Киев ва Маскав изҳор кард. Ӯ афзуд, ин дар суратест, ки агар баъди сафари тарҳрезишудаи Владимир Путин, раисҷумҳури Русия ба Туркия чунин зарурат ба миён ояд. Вай таъкид намуд, ки феълан бо Русия муносиботи ҷиддии дутарафа доранд, ки муқаррарӣ нест. "Иқдомоте, ки бояд амалӣ шаванд, муҳиманд. Барои ин ман аҳамияти бузургро ба мулоқот бо Путин медиҳам. Албатта, масъалаи Украина низ бисёр муҳим мебошад", - гуфт раисҷумҳури Туркия. Ин дар ҳолест, ки Анкара қаблан низ миёнҷигариро дар ҳалли мухолифатҳо пешниҳод карда, Владимир Путин, раисҷумҳури Русия ва ҳамтои украинияш Владимир Зеленскийро барои музокирот ба Туркия хонда буд. Пештар Дмитрий Песков, сухангӯи раисҷумҳури Русия зимни шарҳи пешниҳоди Туркия барои миёнҷигарӣ дар музокироти миёни Киеву Маскав гуфта буд, нофаҳмиҳои асосӣ миёни Русия ва Украина ба иҷро нашудани тавофуқоти Минск аз ҷониби Киев бастагӣ доранд."Агар шарикони туркиёии мо тавонанд ба мақомоти Украина таъсире расонанду онҳоро сӯйи иҷрои созишҳои қаблан ҳосилшуда такон диҳанд, инро танҳо метавон истиқбол кард", - таъкид намуд Песков.Мухолифатҳо дар шарқи Украина беш аз 7,5 соли охир идома доранд, ки ба иттилои СММ, зиёда аз 13 ҳазор нафар қурбонӣ бар ҷой гузоштаанд.Роҳҳои ҳалли ин мушкилро "чоргонаи нормандӣ" баррасӣ дорад, ки аз Русия, Украина, Олмон ва Фаронса иборат мебошад. Солҳои 2015-2016 тарафҳо сари аломатгузорӣ созиш карданду дар шаҳри Минск созишнома ба имзо расид. Дар мулоқоти ахири сарони кишварҳои узв, ки дар Порис моҳи декабри соли 2019 баргузор гашт, қарор шуд, ки созишномаи Минск заминаи асосӣ барои идомаи кор дар ин самт боқӣ монад.Ин санад қатъи оташбас, қафо бурдани аслиҳаи вазнини ҷангӣ аз хатти баҳамоӣ ва гузарондани ислоҳоти конститутсиониро пешбинӣ мекунад.
https://sputnik.tj/20220121/lavrov-guft-rusiya-ba-ukraina-hamla-kardani-nest-1045045857.html
украина
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
эрдуғон, хостор, миёнҷигарӣ, русия, украина
эрдуғон, хостор, миёнҷигарӣ, русия, украина
Эрдуғон пешниҳоди миёнҷигарӣ дар байни Русия ва Украина кард
16:50 04.02.2022 (Навсозишуда: 17:09 02.10.2023) Туркия омодагияшро барои миёнаравӣ дар ҳалли мухолифатҳои миёни Русия ва Украина баён кард
ДУШАНБЕ, 4 фев — Sputnik. Раҷаб Тайиб Эрдуғон, раисҷумҳури Туркия омодагии кишварашро барои миёнҷигарӣ миёни Киев ва Маскав изҳор кард. Ӯ афзуд, ин дар суратест, ки агар баъди сафари тарҳрезишудаи Владимир Путин, раисҷумҳури Русия ба Туркия чунин зарурат ба миён ояд.
"Агар чунин зарурат баъди сафари ҷаноби Путин ба Туркия ба вуҷуд ояд, мо омодаем, миёнҷигариро ба уҳда гирем", - гуфт Эрдуғон зимни бозгашташ аз Украина.
Вай таъкид намуд, ки феълан бо Русия муносиботи ҷиддии дутарафа доранд, ки муқаррарӣ нест.
"Иқдомоте, ки бояд амалӣ шаванд, муҳиманд. Барои ин ман аҳамияти бузургро ба мулоқот бо Путин медиҳам. Албатта, масъалаи Украина низ бисёр муҳим мебошад", - гуфт раисҷумҳури Туркия.
Ин дар ҳолест, ки Анкара қаблан низ миёнҷигариро дар ҳалли мухолифатҳо пешниҳод карда, Владимир Путин, раисҷумҳури Русия ва ҳамтои украинияш Владимир Зеленскийро барои музокирот ба Туркия хонда буд.
Пештар Дмитрий Песков, сухангӯи раисҷумҳури Русия зимни шарҳи пешниҳоди Туркия барои миёнҷигарӣ дар музокироти миёни Киеву Маскав гуфта буд, нофаҳмиҳои асосӣ миёни Русия ва Украина ба иҷро нашудани тавофуқоти Минск аз ҷониби Киев бастагӣ доранд.
"Агар шарикони туркиёии мо тавонанд ба мақомоти Украина таъсире расонанду онҳоро сӯйи иҷрои созишҳои қаблан ҳосилшуда такон диҳанд, инро танҳо метавон истиқбол кард", - таъкид намуд Песков.
Мухолифатҳо дар шарқи Украина беш аз 7,5 соли охир идома доранд, ки ба иттилои СММ, зиёда аз 13 ҳазор нафар қурбонӣ бар ҷой гузоштаанд.
Роҳҳои ҳалли ин мушкилро "чоргонаи нормандӣ" баррасӣ дорад, ки аз Русия, Украина, Олмон ва Фаронса иборат мебошад. Солҳои 2015-2016 тарафҳо сари аломатгузорӣ созиш карданду дар шаҳри Минск созишнома ба имзо расид. Дар мулоқоти ахири сарони кишварҳои узв, ки дар Порис моҳи декабри соли 2019 баргузор гашт, қарор шуд, ки созишномаи Минск заминаи асосӣ барои идомаи кор дар ин самт боқӣ монад.
Ин санад қатъи оташбас, қафо бурдани аслиҳаи вазнини ҷангӣ аз хатти баҳамоӣ ва гузарондани ислоҳоти конститутсиониро пешбинӣ мекунад.
