Тағйироти кадрӣ дар Вазорати кишоварзии Тоҷикистон: вазири нав кист?

© Sputnik / Михаил ВоскресенскийПустое кресло
Пустое кресло - Sputnik Тоҷикистон, 1920, 26.01.2022
Обуна шудан
Раисҷумҳури Тоҷикистон зимни тағйироти кадрӣ роҳбарияти Вазорати кишоварзии Тоҷикистонро таъйину барканор кардааст
ДУШАНБЕ, 26 ноя – Sputnik. Саъдӣ Каримзода, вазири нави кишоварзии Тоҷикистон таъйин шудааст.
Ӯ дар ин мақом Сулаймон Зиёзодаро иваз кард, ки ҳамакнун муовини сарвазири Тоҷикистон мансуб гаштааст.
Дар ин бора як манбаи Sputnik Тоҷикистон аз Вазорати кишоварзии кишвар хабар дод.
Ба иттилои манбаъ, Саъдӣ Каримзода бо фармони раисҷумҳури кишвар аз 26 январ ба ин мақом расидааст.
Ӯ гуфт, то расидан ба ин мақом Каримзода вазифаи муовини вазири кишоварзиро ба зимма дошт.
Сулаймон Зиёзода, вазири кишоварзии Тоҷикистон - Sputnik Тоҷикистон, 1920, 26.01.2022
Тағйироти кадрӣ дар Тоҷикистон: барканории вазиру таъйини ноиби сарвазир
Каримзода Саъдӣ Ғафор 12 августи соли 1969 дар шаҳри Душанбе дар оилаи хизматчӣ таваллуд шудааст, хатмкардаи Донишгоҳи аграрии Тоҷикистон аст.
Ӯ ҳамзамон унвони номазади илмҳои биологияро дорад ва дар АМИТ низ кор кардааст.
Бинобар қобилияти забондонияш аз соли 1998 то соли 2007 ҳамчун аграном, намояндаи ташкилоти ғайридавлатии олмонии "Агроаксияи Олмон" ифои вазифа намудааст.
Солҳои 2007-2011 мавсуф дар Агентии ҳамкориҳои байналмилалии Ҷопон (JICA) ба ҳайси ҳамоҳангсози барномаҳо кор карда, аз сентябри соли 2011 то апрели 2012 дар вазифаи мушовири байналмилалии "Маркази идораи лоиҳа оид ба ҳалли қарзҳои хоҷагиҳои пахтакор ва рушди устувори соҳаи пахтакорӣ" фаъолият намудааст.
Бо қарори ҳукумат аз 31 августи соли 2012 ӯ дар вазифаи директори Муассисаи давлатии маркази идораи лоиҳаи "Рушди чорводорӣ ва чарогоҳҳо" кор карда, 27 январи соли 2020 муовини аввали вазири кишоварзии Ҷумхурии Тоҷикистон таъйин шуда буд.
Лентаи хабарҳо
0