https://sputnik.tj/20220125/borduzha-toqaev-qazoqiston-1045135633.html
Бордюжа гуфт, агар Тоқаев каме дер мекард, бо Қазоқистон чӣ рух медод
Бордюжа гуфт, агар Тоқаев каме дер мекард, бо Қазоқистон чӣ рух медод
Sputnik Тоҷикистон
Ба гуфтаи дабири кулли собиқи СААД, самаранокии иқдомоти ин созмон дар Қазоқистон натиҷаи кори чандинсолаи механизмҳои тасмимгирӣ ва иқдомоти муштарак аст
2022-01-25T17:50+0500
2022-01-25T17:50+0500
2022-01-25T19:42+0500
саад
амният ва мудофиа
қазоқистон
николай бордюжа
осиёи марказӣ
https://cdnn1.img.sputnik.tj/img/07e6/01/0b/1044717120_0:39:1507:887_1920x0_80_0_0_2a219e0c8f816c76d37eabc59649ee4d.jpg
ДУШАНБЕ, 25 янв — Sputnik. Дабири кулли собиқи Созмони Паймони Амнияти Дастаҷамъӣ, раиси Шӯрои ҳамоҳангсозии бахши иттилоотиву таҳлилии Авруосиё Николай Бордюжа гуфт, агар дархост дар бораи ворид кардани нерӯҳои посдори СПАД ба Қазоқистон ду-се рӯз пас мерасид, қурбониён боз ҳам зиёд мешуданд. Дар ин бора Бордюжа дар чорчӯби суҳбати видеоии Маскав - Бишкек - Ереван - Минск - Нурсултон таҳти унвони "Вокуниши СПАД ба муноқишаҳои эҳтимолӣ дар кишварҳои пасошӯравӣ" дар маркази матбуотии Sputnik сухан гуфт."Мехоҳам қайд намоям, ки дархости президент ба нерӯҳои посдори сулҳ саривақтӣ буд. Ман мутмаинам, ки агар таъхир меафтод ва ду-се рӯз баъд чунин дархост мерасид, дар Қазоқистон қурбониҳо ба маротиб бештар мешуданд ва зарари иқтисодӣ чандин баробар зиёд мебуд", — гуфт ӯ. Ба гуфтаи Бордюжа, самари кори ин созмон аз таҳияи тамоми механизмҳои тасмимгирӣ дар чорчӯби СПАД, ҳамчунин иқдомоти нерӯҳои сулҳхоҳ ва дигар нерӯҳои дастаҷамъӣ дар тӯли солҳои тӯлонӣ будааст. "Шумо медонед, ки СПАД нерӯҳои дастҷамъии вокуниши сареъ дорад. Дар тӯли ин солҳо онҳо мунтазам амалиёти муштаракро машқ мекарданд. Аз ин рӯ қобилияти зуд интиқол додани контингентҳоро ба ин ё он нуқта "омӯхтанд". Ҳамаи ин ба он мусоидат кард. Амалиёти мазкур бо суръати баланд сурат гирифт (бо дарназардошти теъдоди зиёди кормандони низомӣ), - афзуд дабири кулли собиқи СПАД. Вай таъкид кард, ки ин ҳодиса ниёз ба ҳамаи механизмҳои дастаҷамъиро, ки дар низоми амният дар доираи СПАД вуҷуд доранд, тасдиқ кард. "Тасдиқ шуд, ки тамоми нерӯҳо, яъне нерӯҳои дастҷамъии вокуниши сареъ ва қувваҳои фаъолияти дастаҷамъона дар соҳаи амнияти иттилоотӣ, сиёсати муҳоҷират ва мубориза бо қочоқи маводи мухаддир бояд рушд кунанд, мукаммалтар бошанд", — афзуд Бордюжа. Вай ёдовар шуд, дар ҷаласаи Шӯрои амнияти дастаҷамъии СПАД, ки билофосила пас аз вуруди нерӯҳои посдори сулҳ ба Қазоқистон баргузор шуд, тақрибан ҳамаи президентҳо аз зарурати беҳбуди нерӯи дастаҷамъӣ ҳарф заданд. Дараҷаи баланди муташаккилӣ ва муассир будани фаъолияти СПАД-ро Григорий Рапота, узви Кумитаи умури байналмилалии Шӯрои Федератсияи Русия низ қайд кард. Вай инчунин диққатро ба ҷиҳати иқтисодии вазъият ҷалб намуд."Масъалаҳои иқтисодӣ дар ҷои аввал хоҳанд буд, ба ҳар сурат дар ин бора раиси Ҷумҳурии Қазоқистон Тоқаев ҳарф зад. Ҳам коршиносон ва ҳам мақомот мегӯянд, мушкили ин бахш дар ҷумҳурӣ нооромиҳоро ба вуҷуд овардааст. Нерӯҳои дигар, ки воқеан зарурати пайвастани СПАД-ро ба вуҷуд овардаанд", - гуфт ӯ.Рапота ҳамчунин қайд кард, ки нооромиҳо дар Қазоқистон метавонанд боиси бесуботӣ дар кишварҳои ҳамсояи минтақа низ шаванд.
https://sputnik.tj/20220119/oleg-siromolotov-suhbat-omilon-voqeot-qazoqiston-hanuz-barvaqt-ast-1044942833.html
https://sputnik.tj/20220118/havodis-qazoqiston-tojikiston-takror-1044898897.html
қазоқистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
қазоқистон, қазия, бордюжа
қазоқистон, қазия, бордюжа
Бордюжа гуфт, агар Тоқаев каме дер мекард, бо Қазоқистон чӣ рух медод
17:50 25.01.2022 (Навсозишуда: 19:42 25.01.2022) Ба гуфти дабири кулли собиқи СПАД самари иқдомоти ин созмон дар Қазоқистон натиҷаи кори чандинсолаи механизмҳои тасмимгирӣ ва иқдомоти муштарак аст
ДУШАНБЕ, 25 янв — Sputnik. Дабири кулли собиқи Созмони Паймони Амнияти Дастаҷамъӣ, раиси Шӯрои ҳамоҳангсозии бахши иттилоотиву таҳлилии Авруосиё Николай Бордюжа гуфт, агар дархост дар бораи ворид кардани нерӯҳои посдори СПАД ба Қазоқистон ду-се рӯз пас мерасид, қурбониён боз ҳам зиёд мешуданд.
Дар ин бора Бордюжа дар чорчӯби суҳбати видеоии Маскав - Бишкек - Ереван - Минск - Нурсултон таҳти унвони "Вокуниши СПАД ба муноқишаҳои эҳтимолӣ дар кишварҳои пасошӯравӣ" дар маркази матбуотии Sputnik сухан гуфт.
"Мехоҳам қайд намоям, ки дархости президент ба нерӯҳои посдори сулҳ саривақтӣ буд. Ман мутмаинам, ки агар таъхир меафтод ва ду-се рӯз баъд чунин дархост мерасид, дар Қазоқистон қурбониҳо ба маротиб бештар мешуданд ва зарари иқтисодӣ чандин баробар зиёд мебуд", — гуфт ӯ.
Ба гуфтаи Бордюжа, самари кори ин созмон аз таҳияи тамоми механизмҳои тасмимгирӣ дар чорчӯби СПАД, ҳамчунин иқдомоти нерӯҳои сулҳхоҳ ва дигар нерӯҳои дастаҷамъӣ дар тӯли солҳои тӯлонӣ будааст.
"Шумо медонед, ки СПАД нерӯҳои дастҷамъии вокуниши сареъ дорад. Дар тӯли ин солҳо онҳо мунтазам амалиёти муштаракро машқ мекарданд. Аз ин рӯ қобилияти зуд интиқол додани контингентҳоро ба ин ё он нуқта "омӯхтанд". Ҳамаи ин ба он мусоидат кард. Амалиёти мазкур бо суръати баланд сурат гирифт (бо дарназардошти теъдоди зиёди кормандони низомӣ), - афзуд дабири кулли собиқи СПАД.
Вай таъкид кард, ки ин ҳодиса ниёз ба ҳамаи механизмҳои дастаҷамъиро, ки дар низоми амният дар доираи СПАД вуҷуд доранд, тасдиқ кард.
"Тасдиқ шуд, ки тамоми нерӯҳо, яъне нерӯҳои дастҷамъии вокуниши сареъ ва қувваҳои фаъолияти дастаҷамъона дар соҳаи амнияти иттилоотӣ, сиёсати муҳоҷират ва мубориза бо қочоқи маводи мухаддир бояд рушд кунанд, мукаммалтар бошанд", — афзуд Бордюжа.
Вай ёдовар шуд, дар ҷаласаи Шӯрои амнияти дастаҷамъии СПАД, ки билофосила пас аз вуруди нерӯҳои посдори сулҳ ба Қазоқистон баргузор шуд, тақрибан ҳамаи президентҳо аз зарурати беҳбуди нерӯи дастаҷамъӣ ҳарф заданд.
Дараҷаи баланди муташаккилӣ ва муассир будани фаъолияти СПАД-ро Григорий Рапота, узви Кумитаи умури байналмилалии Шӯрои Федератсияи Русия низ қайд кард.
Вай инчунин диққатро ба ҷиҳати иқтисодии вазъият ҷалб намуд.
"Масъалаҳои иқтисодӣ дар ҷои аввал хоҳанд буд, ба ҳар сурат дар ин бора раиси Ҷумҳурии Қазоқистон Тоқаев ҳарф зад. Ҳам коршиносон ва ҳам мақомот мегӯянд, мушкили ин бахш дар ҷумҳурӣ нооромиҳоро ба вуҷуд овардааст. Нерӯҳои дигар, ки воқеан зарурати пайвастани СПАД-ро ба вуҷуд овардаанд", - гуфт ӯ.
Рапота ҳамчунин қайд кард, ки нооромиҳо дар Қазоқистон метавонанд боиси бесуботӣ дар кишварҳои ҳамсояи минтақа низ шаванд.
