Роҳандозии хадамоте бо забони тоҷикӣ барои муҳоҷирон дар Русия

© SputnikКоженов Вадим, архивное фото
Коженов Вадим, архивное фото - Sputnik Тоҷикистон, 1920, 23.01.2022
Обуна шудан
Муҳоҷирон дар Русия метавонанд машварати ҳуқуқшиносро бо забони модарии худ гиранд. Федератсияи муҳоҷирон нархи хизматрасониҳоро эълон кард
ДУШАНБЕ, 23 янв — Sputnik. Федератсияи муҳоҷирони Русия хадамоти ҷадид барои хориҷиён дар ин кишварро роҳандозӣ кардааст.
Муҳоҷирони меҳнатӣ метавонанд бо пардохти маблағи муайян машварати ҳуқуқшиносро гиранду бевосита бо роҳбарияти ин созмон масъалаҳояшонро дар миён гузоранд, хабар дода шудаст дар саҳифаи "Telegram"-и ин созмон.
Таъкид шудааст, ки машварати ҳуқуқшинос новобаста аз мавзуъ ва шеваи муроҷиат 3 ҳазор рубл нарх дорад. Зикр шудааст, ки мутахассисони Федератсия инчунин ба ивази 2 ҳазор рубл омодаанд, ба муҳоҷирон дар навиштани шикоятҳо, дархостҳо ва мактубҳо кумак намоянд. Хадамоти муроҷиат ба суд 5 ҳазор рубл арзёбӣ шудааст.
В Калужской области для мигрантов ограничат сферы работы - Sputnik Тоҷикистон, 1920, 22.01.2022
Теъдоди муҳоҷирон дар вилояти Свердловск зиёд шуду ҳуҷҷатгузорӣ осон
Барои мулоқоти шахсӣ бо Вадим Коженов, президенти Федератсияи муҳоҷирони Русия корафтодагонро зарур аст, ки 15 ҳазор рубл пардохт намоянд. Ба сифати суроғаи нави созмон шаҳри Маскав, истгоҳи метрои "Проспект Мир", кӯчаи Орлово-Давидов, хонаи 2/5, корпуси 3, ошёнаи 2 зикр шудааст.
Инчунин муҳоҷирон метавонанд аз тариқи рақамҳои 8 (963) 997-42-10 ва 8 (926) 130-75-00 аз соати 9:00 то 21:00 ба ФМР муроҷиат намоянд. Операторҳо бо забонҳои русӣ, тоҷикӣ, қирғизӣ ва ӯзбекӣ машварат хоҳанд дод. Муроҷиат тариқи "info@fmr-online.ru" низ имконпазир мебошад.
Роҳандозии ин хадамот дар ҳолест, ки ҳамасола аз Тоҷикистон низ садҳо ҳазор муҳоҷири меҳнатӣ барои таъмини рӯзгори хонаводаҳояшон Русия мераванд.
Лентаи хабарҳо
0