https://sputnik.tj/20220105/toqaev-nazarboev-shuro-amniyat-kishvarro-tark-1044615999.html
Тоқаев ба ҷои Назарбоев раиси Шӯрои амният шуд: Ӯ гуфт, кишварро тарк карданӣ нест - видео
Тоқаев ба ҷои Назарбоев раиси Шӯрои амният шуд: Ӯ гуфт, кишварро тарк карданӣ нест - видео
Sputnik Тоҷикистон
Раисҷумҳури Қазоқистон бори дуюм тайи як шабонарӯзи охир ба мурдум муроҷиат кард.
2022-01-05T19:32+0500
2022-01-05T19:32+0500
2022-01-05T19:42+0500
сиёсат
амният ва мудофиа
қазоқистон
мардум
эътироз
муроҷиат
қосим -жомарт тоқаев
https://cdnn1.img.sputnik.tj/img/102852/01/1028520145_0:0:1175:660_1920x0_80_0_0_63cece658f4a3b494385e22d30a51807.jpg
ДУШАНБЕ, 5 янв — Sputnik. Қосим-Ҷомарт Тоқаев, раисҷумҳури Қазоқистон ба ҷои Нурсултон Назарбоев роҳбарии Шӯрои амнияти кишварро ба дӯш гирифт. Тоқаев дар муроҷиаташ ба мардум изҳор дошт, ки ба ҳайси президент ва акнун ба ҳайси раиси Шӯрои амният алайҳи қонуншиканиҳо чораҳои қатъӣ меандешад. Ин изҳороти Тоқаев дар ҳолест, ки то ҳол гуфта мешуд, Назарбоев, раисҷумҳури пешини Қазоқистон, роҳбари якумраи Шӯрои амният боқӣ мемонад. Раисҷумҳури Қазоқистон бо ҳушдор аз чораҳои шадид изҳори боварӣ намуд, ки мардум ӯро пуштибонӣ хоҳанд кард. Ӯ афзуд, кишварро тарк карданӣ нест ва бо мардум боқӣ мемонад. Раиси нави Шӯрои амният изҳор дошт, ки эътирозгарон кормандони мақомоти қудратӣ ва низомиро мавриди ҳамла қарор додаанд ва бо таасуф аз талафоти ҷонӣ миёни кормандони давлатӣ гуфт. Ӯ аз бедодгарии бархе гуруҳҳои эътирозгар интиқод намуд, ки кормандони мақомотро шадидан латукӯб мекунанду маҷбур месозанд, луч дар кӯчаҳо гарданд. Чунин аъмолро тоқат кардан мумкин нест, афзуд Тоқаев. Ӯ афзуд, ки сарфи назар аз вазъи мураккаб мақомот аз уҳдаи ҳалли он мебароянду қавитар хоҳанд шуд. Президенти Қазоқистон гуфт, дар зудтарин фурсат пешниҳодҳоеро барои ислоҳоти сиёсӣ ироа хоҳад кард ва илова намуд, ки чун пештара ҷонибдори ислоҳоти муназзам мебошад. Маврид ба зикр аст, ки эътирозҳо алайҳи болоравии нархи гази моеъ дар вилояти Мангистауск оғоз гардида, дар нуқоти дигари кишвар низ паҳн шуданд. Президенти кишвар, Қосим-Ҷомарт Тоқаев дар муроҷиати аввалаш ваъда дод, ки талаботи қонунии эътирозгарон баррасӣ ва ҳал мешаванд. Ӯ шаҳрвандонро ба хирадмандӣ даъват намуда, изҳор дошт, ки гап сари нумӯи худи онҳо низ ҳаст.
https://sputnik.tj/20220105/almato-otash-daftar-peshini-prezident-video-1044615112.html
қазоқистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
раисҷумҳур, қазоқистон, муроҷиат, шӯрои амният, назарбоев
раисҷумҳур, қазоқистон, муроҷиат, шӯрои амният, назарбоев
Тоқаев ба ҷои Назарбоев раиси Шӯрои амният шуд: Ӯ гуфт, кишварро тарк карданӣ нест - видео
19:32 05.01.2022 (Навсозишуда: 19:42 05.01.2022) Раисҷумҳури Қазоқистон бори дуюм тайи як шабонарӯзи охир ба мурдум муроҷиат кард. Ӯ хабар дод, ки ба ҷои Нурсултон Назарбоев роҳбари Шӯрои амнияти кишвар шудааст
ДУШАНБЕ, 5 янв — Sputnik. Қосим-Ҷомарт Тоқаев, раисҷумҳури Қазоқистон ба ҷои Нурсултон Назарбоев роҳбарии Шӯрои амнияти кишварро ба дӯш гирифт.
Тоқаев дар муроҷиаташ ба мардум изҳор дошт, ки ба ҳайси президент ва акнун ба ҳайси раиси Шӯрои амният алайҳи қонуншиканиҳо чораҳои қатъӣ меандешад. Ин изҳороти Тоқаев дар ҳолест, ки то ҳол гуфта мешуд, Назарбоев, раисҷумҳури пешини Қазоқистон, роҳбари якумраи Шӯрои амният боқӣ мемонад.
Раисҷумҳури Қазоқистон бо ҳушдор аз чораҳои шадид изҳори боварӣ намуд, ки мардум ӯро пуштибонӣ хоҳанд кард. Ӯ афзуд, кишварро тарк карданӣ нест ва бо мардум боқӣ мемонад.
Раиси нави Шӯрои амният изҳор дошт, ки эътирозгарон кормандони мақомоти қудратӣ ва низомиро мавриди ҳамла қарор додаанд ва бо таасуф аз талафоти ҷонӣ миёни кормандони давлатӣ гуфт. Ӯ аз бедодгарии бархе гуруҳҳои эътирозгар интиқод намуд, ки кормандони мақомотро шадидан латукӯб мекунанду маҷбур месозанд, луч дар кӯчаҳо гарданд. Чунин аъмолро тоқат кардан мумкин нест, афзуд Тоқаев.
"Чун президент, муваззафам амнияту суботи шаҳрвандон ва ягонагии Қазоқистонро ҳифз намоям. Тасмимҳои қабулкардаам ба нумӯи Қазоқистони гуногунмиллат равона шудаанд, аммо феълан ин чораҳо кофӣ нестанд", - изҳор дошт президент.
Ӯ афзуд, ки сарфи назар аз вазъи мураккаб мақомот аз уҳдаи ҳалли он мебароянду қавитар хоҳанд шуд.
Президенти Қазоқистон гуфт, дар зудтарин фурсат пешниҳодҳоеро барои ислоҳоти сиёсӣ ироа хоҳад кард ва илова намуд, ки чун пештара ҷонибдори ислоҳоти муназзам мебошад.
Маврид ба зикр аст, ки эътирозҳо алайҳи болоравии нархи гази моеъ дар вилояти Мангистауск оғоз гардида, дар нуқоти дигари кишвар низ паҳн шуданд. Президенти кишвар, Қосим-Ҷомарт Тоқаев дар муроҷиати аввалаш ваъда дод, ки талаботи қонунии эътирозгарон баррасӣ ва ҳал мешаванд. Ӯ шаҳрвандонро ба хирадмандӣ даъват намуда, изҳор дошт, ки гап сари нумӯи худи онҳо низ ҳаст.
