Дуздӣ дар бозори "Корвон" ва дорухонаи Данғара: Муттаҳамон муайян шуданд

© Sputnik Аптека в Согдийской области Таджикистана
Аптека в Согдийской области Таджикистана - Sputnik Тоҷикистон, 1920, 05.01.2022
Обуна шудан
Вазорати умури дохилии Тоҷикистон аз ошкор шудани ду ҳолати дуздӣ хабар додааст, ки яке дар бозори "Корвон"-и шаҳри Душанбе ва дигаре дар ноҳияи Данғара рух додааст
ДУШАНБЕ, 5 янв — Sputnik. Маъмурини милиса мегӯянд, дуздӣ дар дохили бозори "Корвон" пеш аз зуҳри 3 январ рух додааст.
Ба иттилои ВУД, ба идораи милиса дар ноҳияи Фирдавсӣ, марди 53-сола муроҷиат карда, арз доштааст, ки 3 январ шахсони номаълум дар "Корвон" ду адад зинапояи 12-метриро дуздидаанд. Зарари расонидашуда 8 ҳазор сомонӣ арзёбӣ гардид.
Манбаъ афзуд, ки дар пайи чорабиниҳои оперативӣ-ҷустуҷӯӣ ду марди 45-сола ва 46-сола, ки қаблан низ суд шудаанд, бо гумони даст доштан дар ин ҷиноят дастгир гардиданд.
Наручники - Sputnik Тоҷикистон, 1920, 22.11.2021
Милиса дуздию ғоратгариро дар бозорҳо ошкор кардааст
Ҳодисаи дигари дуздӣ дар ноҳияи Данғара рух додааст, ки афроди номаълум аз дорухонаи марди 38-сола доруҳои гуногун ба маблағи 45 ҳазор сомониро дуздидаанд. Ба иттилои ВУД, ҳодиса нимишаби 4 ба 15-уми октябри соли гузашта рух додаст, аммо омилони он танҳо ҳозир муайян гардидаанд.
Мақомоти умури дохилӣ мегӯянд, бо иттиҳоми дорудуздӣ ду ҷавони 31 ва 22-сола, сокинони ноҳияи Кӯшониён боздошт гардиданд. ВУД Тоҷикистон афзуд, ки феълан таҳқиқи ин ҳодисаҳо идома дорад.
Назари гумонбарон ва ҷониби ҳимояашон дар бораи иттиҳоми мақомот маълум нест.
Лентаи хабарҳо
0