https://sputnik.tj/20220105/bishkek-tojikiston-qirghiz-jirgatolro-ikhroj-1044610065.html
Бишкек гуфт, Тоҷикистон бидуни шарҳ 50 қирғизи зодаи Ҷиргатолро ихроҷ кардааст
Бишкек гуфт, Тоҷикистон бидуни шарҳ 50 қирғизи зодаи Ҷиргатолро ихроҷ кардааст
Sputnik Тоҷикистон
Мақомоти марзбонии Қирғизистон аз ихроҷи 50 шаҳрвандашон аз қаламрави Тоҷикистон хабар дода, афзудаанд, ки Душанбе далели ин амалро шарҳ надодаст
2022-01-05T13:25+0500
2022-01-05T13:25+0500
2022-01-05T13:25+0500
амният ва мудофиа
қирғизистон
ихроҷ
осиёи марказӣ
марз
депорт
https://cdnn1.img.sputnik.tj/img/102807/23/1028072368_20:0:982:541_1920x0_80_0_0_45a74f9b8318a62af7e4a6c3d1e3ed1d.jpg
ДУШАНБЕ, 5 янв — Sputnik. Хадамоти марзбонии Қирғизистон мегӯяд, ихроҷи 47 шаҳрванди ин кишвар аз Тоҷикистон 2 январ ва 3 нафари дигар рӯзи 4 январ сурат гирифтааст. Расонаҳои қирғизӣ аз қавли мақомоти марзбонӣ хабар додаанд, ки 47 нафар шоми 2 январ тариқи гузаргоҳи "Қарамиқ" аз ноҳияи Лахш, собиқ Ҷиргатол хориҷ карда шудаанд. Таъкид шудааст, ки ихроҷшудаҳо зодаи Ҷиргатол мебошанд, ки аз шаҳрвандии Тоҷикистон даст кашида, табаияти Қирғизистонро пазируфтаанд. Мақомоти қирғиз мегӯянд, наздикони ихроҷшудаҳо шаҳрвандии Тоҷикистонро доранду дар зодгоҳашон иқомат доранд. Зикр шудааст, ки 4 январ се нафари дигар низ аз Тоҷикистон ихроҷ шудаанд, ки дар қаламрави ноҳияҳои Лахш ва Мурғоб иқомат доштаанд. Ҷониби Қирғизистон иддао дорад, ки ин шаҳрвандон дар Тоҷикистон ҳузури қонунӣ дошта, дар ҷойи зисташон сабт шуда буданд. Бишкек мегӯяд, ҷониби Душанбе ягон далелеро барои ин амал пеш наовардааст. Тоҷикистон феълан ин қазия ва иддаои ҷониби Қирғизистонро шарҳ надодааст. Қаблан мақомоти тоҷик бидуни ҳеч созиши ҳуқуқӣ додани шаҳрвандии Қирғизистонро ба қирғизҳои зодаи Тоҷикистон номақбул хонда, хостори танзими ин масъала шуда буданд. Тоҷикистону Қирғизистон беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо сабаби муноқишаи шаҳрвандони ду кишвар шудааст, ки баъзан ба даргирии мусаллаҳона печидааст. Таниши пурқурбонӣ моҳи апрели соли гузашта дар пайи як баҳс сари дарғот ё мавзеи обтақсимкуни “Головной” рух дода буд. Мақомоти Тоҷикистону Қирғизистон ҳамдигарро муттаҳам ба оғоз кардани ин даргирӣ мекунанд. Бар асари ин муноқишаи мусаллаҳонаи марзӣ аз ҳар ду тараф шумори қурбониёнро беш аз 55 нафар ҳисоб кардаанд. Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидааст. Қирғизистон аз ҳалокати 36 шаҳрвандаш дар ин даргирӣ хабар дод.
https://sputnik.tj/20211228/tojikistonu-qirghiziston-marzi-taftish-1044454401.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
қирғиз, шаҳрвандӣ, тоҷикистон, ихроҷ
қирғиз, шаҳрвандӣ, тоҷикистон, ихроҷ
Бишкек гуфт, Тоҷикистон бидуни шарҳ 50 қирғизи зодаи Ҷиргатолро ихроҷ кардааст
Мақомоти марзбонии Қирғизистон аз ихроҷи 50 шаҳрвандашон аз қаламрави Тоҷикистон хабар дода, афзудаанд, ки Душанбе далели ин амалро шарҳ надодаст
ДУШАНБЕ, 5 янв — Sputnik. Хадамоти марзбонии Қирғизистон мегӯяд, ихроҷи 47 шаҳрванди ин кишвар аз Тоҷикистон 2 январ ва 3 нафари дигар рӯзи 4 январ сурат гирифтааст.
Расонаҳои қирғизӣ аз қавли мақомоти марзбонӣ хабар додаанд, ки 47 нафар шоми 2 январ тариқи гузаргоҳи "Қарамиқ" аз ноҳияи Лахш, собиқ Ҷиргатол хориҷ карда шудаанд. Таъкид шудааст, ки ихроҷшудаҳо зодаи Ҷиргатол мебошанд, ки аз шаҳрвандии Тоҷикистон даст кашида, табаияти Қирғизистонро пазируфтаанд. Мақомоти қирғиз мегӯянд, наздикони ихроҷшудаҳо шаҳрвандии Тоҷикистонро доранду дар зодгоҳашон иқомат доранд.
Зикр шудааст, ки 4 январ се нафари дигар низ аз Тоҷикистон ихроҷ шудаанд, ки дар қаламрави ноҳияҳои Лахш ва Мурғоб иқомат доштаанд. Ҷониби Қирғизистон иддао дорад, ки ин шаҳрвандон дар Тоҷикистон ҳузури қонунӣ дошта, дар ҷойи зисташон сабт шуда буданд. Бишкек мегӯяд, ҷониби Душанбе ягон далелеро барои ин амал пеш наовардааст.
Тоҷикистон феълан ин қазия ва иддаои ҷониби Қирғизистонро шарҳ надодааст. Қаблан мақомоти тоҷик бидуни ҳеч созиши ҳуқуқӣ додани шаҳрвандии Қирғизистонро ба қирғизҳои зодаи Тоҷикистон номақбул хонда, хостори танзими ин масъала шуда буданд.
Тоҷикистону Қирғизистон беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо сабаби муноқишаи шаҳрвандони ду кишвар шудааст, ки баъзан ба даргирии мусаллаҳона печидааст.
Таниши пурқурбонӣ моҳи апрели соли гузашта дар пайи як баҳс сари дарғот ё мавзеи обтақсимкуни “Головной” рух дода буд. Мақомоти Тоҷикистону Қирғизистон ҳамдигарро муттаҳам ба оғоз кардани ин даргирӣ мекунанд. Бар асари ин муноқишаи мусаллаҳонаи марзӣ аз ҳар ду тараф шумори қурбониёнро беш аз 55 нафар ҳисоб кардаанд. Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидааст. Қирғизистон аз ҳалокати 36 шаҳрвандаш дар ин даргирӣ хабар дод.
