https://sputnik.tj/20211224/rusiya-muhojiron-khizmatrasoni-paydo-1044373240.html
Дар як минтақаи Русия барои муҳоҷирон хидматрасонии нав эҷод шуд
Дар як минтақаи Русия барои муҳоҷирон хидматрасонии нав эҷод шуд
Sputnik Тоҷикистон
Хизматрасонии нав будубоши хориҷиёнро дар Русия осонтар мекунад: низом ба онҳо кумак мекунад, ки хидматҳои заруриро зуд пайдо кунанд
2021-12-24T11:36+0500
2021-12-24T11:36+0500
2021-12-24T18:40+0500
муҳоҷират
дар русия
хизматрасонӣ
https://cdnn1.img.sputnik.tj/img/07e4/0c/1d/1032543643_0:0:2769:1557_1920x0_80_0_0_32643a1da9afb6c1a761eb22fffba5a8.jpg
ДУШАНБЕ, 24 дек — Sputnik. Ханти-Мансийск аз таҳияи хидматрасонии иттилоотии "Мигрант" хабар дод. Дар ин бора портали "Открытый регион - Югра" менависад. Хидматрасонии интернетии минтақавӣ барои мутобиқсозии иҷтимоӣ ва фарҳангии шаҳрвандони хориҷие, ки ба Русия омадаанд, пешбинӣ шудааст. Бо ёрии хадамоти нав муҳоҷирон бо тартиби дастрасӣ ба хидматрасониҳои давлатӣ ва коммуналӣ ошно мешаванд. Ҳамчунин дар ин платформа суроғаи вебсайтҳои муассисаҳое, ки муҳоҷирон метавонанд ҳуҷҷатҳояшонро аз тариқи он тартиб диҳанд, ҷой дода мешавад.Дар баробари ин дар ин хидматрасонӣ марказҳои ёрирасони муҳоҷират бо суроғаашон ҷой дода мешавад.Бо кумаки ин хадамот муҳоҷирон аз омода шудани патент, иҷозаи иқомати муваққатӣ ё иҷозаи иқомат дар Русия огоҳӣ пайдо мекунанд.Афзун бар ин, дар ин пойгоҳ дастурҳои видеое дар бораи омӯзиши забони русӣ, мавод барои пешгирӣ аз ҷинояткорӣ, ифротгароӣ ва терроризм мунташир мешаванд. Феълан кори система аз ҷониби мутахассисон санҷида мешавад. Агар санҷиш бомуваффақият гузарад, он дастраси ҳамагон мегардад. Ёдовар мешавем, чанде пеш дар Ҳавзаи Мухтори Ханта-Мансийск кори ронандагӣ, фурӯшандагӣ дар амокини фурӯши машрубот ва тамоку, истеҳсоли ғизои кӯдакона, фаъолият дар соҳаи маориф ва ғайра барои муҳоҷирон мамнуъ эълон шуд.
https://sputnik.tj/20211219/mintaqa-rusiya-kor-muhojiron-taksi-man-kard-1044246256.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
муҳоҷират, хизматрасонӣ, ханта-мансийск
муҳоҷират, хизматрасонӣ, ханта-мансийск
Дар як минтақаи Русия барои муҳоҷирон хидматрасонии нав эҷод шуд
11:36 24.12.2021 (Навсозишуда: 18:40 24.12.2021) Хидматрасонии нав будубоши хориҷиёнро дар Русия осонтар мекунад
ДУШАНБЕ, 24 дек — Sputnik. Ханти-Мансийск аз таҳияи хидматрасонии иттилоотии "Мигрант" хабар дод. Дар ин бора портали "Открытый регион - Югра" менависад.
Хидматрасонии интернетии минтақавӣ барои мутобиқсозии иҷтимоӣ ва фарҳангии шаҳрвандони хориҷие, ки ба Русия омадаанд, пешбинӣ шудааст.
Бо ёрии хадамоти нав муҳоҷирон бо тартиби дастрасӣ ба хидматрасониҳои давлатӣ ва коммуналӣ ошно мешаванд. Ҳамчунин дар ин платформа суроғаи вебсайтҳои муассисаҳое, ки муҳоҷирон метавонанд ҳуҷҷатҳояшонро аз тариқи он тартиб диҳанд, ҷой дода мешавад.
Дар баробари ин дар ин хидматрасонӣ марказҳои ёрирасони муҳоҷират бо суроғаашон ҷой дода мешавад.
Бо кумаки ин хадамот муҳоҷирон аз омода шудани патент, иҷозаи иқомати муваққатӣ ё иҷозаи иқомат дар Русия огоҳӣ пайдо мекунанд.
Афзун бар ин, дар ин пойгоҳ дастурҳои видеое дар бораи омӯзиши забони русӣ, мавод барои пешгирӣ аз ҷинояткорӣ, ифротгароӣ ва терроризм мунташир мешаванд.
Феълан кори система аз ҷониби мутахассисон санҷида мешавад. Агар санҷиш бомуваффақият гузарад, он дастраси ҳамагон мегардад.
Ёдовар мешавем, чанде пеш дар Ҳавзаи Мухтори Ханта-Мансийск кори ронандагӣ, фурӯшандагӣ дар амокини фурӯши машрубот ва тамоку, истеҳсоли ғизои кӯдакона, фаъолият дар соҳаи маориф ва ғайра барои муҳоҷирон мамнуъ эълон шуд.
