Ҳушдори шаҳрдори Кобул: Тасовири ғайришаръӣ аз лавҳаҳои шаҳр пок мешаванд

© REUTERS \ Jorge SilvaЖенщина в никабе у салона красоты в Кабуле
Женщина в никабе у салона красоты в Кабуле  - Sputnik Тоҷикистон, 1920, 20.12.2021
Обуна шудан
Шаҳрдори Кобули гурӯҳи толибон мегӯяд, ки раванди поксозии тасовири “хилофи мувозин шаръӣ” аз лавҳаҳои сатҳи шаҳри Кобул тавассути ин гурӯҳ оғоз шудааст
ДУШАНБЕ, 20 дек — Sputnik. Шаҳрдори толибон ахиран гуфт, "дар манотиқи мухталифи Кобул раванди поксозии тасвирҳои ғайришаръии лавҳаҳо, эълонҳо ва лавҳаҳои таблиғотӣ идома дорад", иттилоъ додааст Sputnik Афғонистон.
Вай таъкид кардааст, ки таваҷҷуҳ ба арзишҳо ва ҳудуди ахлоқӣ дар ҷомеа бар тамоми мардум воҷиб шумурда мешавад ва лозим аст, то ҳаққи тамоми асноф ва иштиҳороти мардумро дар лавҳаҳои худ риоят кунанд.
Тасвирҳое, ки шаҳрдории толибон дар Кобул мунташир кардаанд, нишон медиҳад, бештари аксҳои занон дар сартарошхонаҳо рангубор шудаанд.
Женщина в парандже несет на голове мешок с луком на рынке в Кабуле - Sputnik Тоҷикистон, 1920, 20.12.2021
Барои Афғонистон сандуқи исломӣ эҷод мешавад
Бо омадани толибон бар сари қудрат ба Афғонистон дар рӯзи 15-уми август онҳо дар манотиқи мухталиф маҳдудиятҳои шадид ҷорӣ кардаанд. Ин гурӯҳ бисёре аз фаъолиятҳоро ғайриисломӣ хондаву мутаваққиф кард.
Аксари маҳдудиятҳое, ки ин гурӯҳ ҷорӣ кардааст, бар зидди занонанд.
Илова бар ин Толибон Вазорати умури занонро аз кобинаи ҳукумати муваққати худ хориҷ карда, ба ҷои он Вазорати амр ба маъруф ва наҳй аз мункарро таъсис доданд. Бо таъсиси ин вазорат занон аз ҳаққи кор дар идораҳои мухталифи давлатӣ маҳрум шуданд.
Лентаи хабарҳо
0