Соли ноороми 2021: рухдодҳои муҳими ҷаҳонӣ дар аксҳо

Инфиҷор дар назди бинои Капитолий ҳангоми гирдиҳамоии тарафдорони президенти пешин Доналд Трамп дар 6 январ. Пас аз бохти сарвари пешини давлат дар интихоботи президентӣ ҷонибдорони ӯ тазоҳуроти эътирозӣ барпо карданд, ки ба зудӣ ба ошӯб, задухӯрд бо пулис ва тасарруфи бинои Капитолий табдил ёфт.

Президенти ИМА Ҷозеф Байден бо ҳамсараш Ҷил Байден пеш аз савгандёдкунӣ.

Зане бо саг дар назди акси герсог Филипп Эдинбург. Шавҳари малика Элизаветаи II, герсоги Эдинбург рӯзи нуҳуми апрел дар Виндзор дар синни 99-солагӣ даргузашт.

Андрей Бабиш, нахуствазири Чехия рӯзи 17-уми апрел дар як нишасти хабарӣ аз ихроҷи 18 дипломати рус, ки гӯё дар таркиши лавозимоти ҷангӣ дар Врбетитса дар соли 2014 даст доштанд, хабар дод.

23 май дар Фурудгоҳи Байналмилалии Минск саг бағоҷи парвози "Ryanair" FR4978-ро тафтиш мекунад. Пас аз фуруд омадани изтирории ҳавопаймое, ки ба Литва парвоз мекард, ба далели гузориши бомбгузорӣ хабарнигори мухолифи беларус Роман Протасевич дар дохили он боздошт шуд.

Сарони G7 дар нишасти Корнуолли Англия, 11 июн. Дар ин ҳамоиш сарони давлатҳо масъалаҳои пандемия, иқлим, сиёсати хориҷӣ ва иқтисодро баррасӣ карданд.

Президенти Русия Владимир Путин ва президенти ИМА Ҷо Байден ҳангоми мулоқот дар Женева, дар Вилла Ла Гранж 16 ​​июни соли 2021.

Зане бо акси раисҷумҳури мунтахаби Эрон Иброҳим Раисӣ, ки дар интихоботи президентии рӯзи 18-уми июн пирӯз шуд.

Деворе, ки дар он президенти Гаити Жовенел Моиз, ки 7 июл кушта шуд, тасвир ёфтааст. Пулис раҳбар ва чанд тан аз кормандони хадамоти амниятии президентро бо гумони ташкили куштор боздошт кардааст.

Намоиши зидди табаддулоти харбӣ дар Янгон, Миёнмор, 14 июл.

Як мард бо писараш дар гузаргоҳи Чаман, дар марзи Афғонистону Покистон рӯзи 13-уми август, пас аз иваз шудани ҳукумат дар Афғонистон. Пас аз оғози хуруҷи нерӯҳои амрикоӣ дар нимаи моҳи август қудрат дар ин кишварро толибон ба даст оварданд (ин созмон барои фаъолиятҳои террористӣ таҳти таҳримоти СММ қарор дорад).

Мардум дар кӯчаҳо бо нерӯҳои мусаллаҳи Гвинея пас аз табаддулоти низомӣ ва боздошти раисҷумҳури ин кишвар Алфа Конде шодӣ мекунанд (5 сентябр).

Фумио Кишида, раҳбари ҳизби ҳокими либерал-демократии Ҷопон рӯзи 4-уми октябр сарвазири нави кишвар интихоб шуд.

Франк-Валтер Штайнмайер, раисҷумҳури Олмон, рӯзи 26-уми октябр бо Ангела Меркел, садри аъзами пешини Олмон видоъ мекунад.

Сарвазири Бритониё Борис Ҷонсон 30 октябр дар нишасти G20 дар Рум аз аксгирӣ дер монд. Ҳамоиши дурӯза нахустин мулоқоти офлайнии сарони бузургтарин давлатҳои ҷаҳон аз оғози пандемияи COVID-19 мебошад.

Урдӯгоҳи муҳоҷирони ғайриқонунӣ дар марзи Беларус ва Лаҳистон. 8 ноябр беш аз ҳазор паноҳанда дар Белорус аз Ховари Миёна ва Африқои Шимолӣ ба сӯйи марзи Лаҳистон ҳаракат карданд. Мақомоти Лаҳистон инро "бузургтарин кӯшиши вуруди оммавӣ" ва афзоиши амнияти сарҳад арзёбӣ карданд.

Мелани Ҷой, вазири корҳои хориҷии Канада пас аз мулоқот бо низомиёни ин кишвар дар пойгоҳи низомии Адазии Латвия, 29 ноябр.