https://sputnik.tj/20211204/shahodat-khonobodi-jabhai-muqovimat-1043942717.html
Шаҳодати Навиди Хонободӣ: Ҷабҳаи муқовимат чанд фармондеҳашро аз даст дод?
Шаҳодати Навиди Хонободӣ: Ҷабҳаи муқовимат чанд фармондеҳашро аз даст дод?
Sputnik Тоҷикистон
Навид Сайидхелӣ, маъруф ба Навиди Хонободӣ, яке аз фармондеҳони зиддитолиб дар шимоли Афғонистон аз сӯи толибон ба шаҳодат расидааст 04.12.2021, Sputnik Тоҷикистон
2021-12-04T16:43+0500
2021-12-04T16:43+0500
2021-12-06T13:29+0500
афғонистон
ҷанг
толибон
куштор
кобул
панҷшер
ҷабҳаи муқовимати миллии афғонистон
https://cdnn1.img.sputnik.tj/img/07e5/0c/04/1043942675_0:138:552:449_1920x0_80_0_0_275d89ff45f805b28a5c331573e15fae.jpg
ДУШАНБЕ, 4 дек - Sputnik. Вай соли 2009 маршал Муҳаммадқасими Фаҳим, вазири дифоъ ва муовини раисҷумҳури вақти Афғонистонро аз камини як гурӯҳи мусаллаҳ наҷот дода буд. Аҷмал Саидхелӣ, яке аз фармондеҳони Ҷабҳаи муқовимати миллии Афғонистон, ки бо ӯ хешовандӣ дорад, ба Sputnik Тоҷикистон гуфт, Навид ду сол қабл дар пайи як тавтеа аз сӯйи ҳукумати Ашраф Ғанӣ дар маҳбаси Пули Чархӣ зиндонӣ ва бо забти Кобул аз сӯи толибон дар қатори дигар маҳбусон озод шуда буд. “Тақрибан 20 рӯз қабл толибон дубора ба суроғи ӯ, ки дар шаҳраки Ориёи Кобул зиндагӣ мекард, омада, ӯро бо худ бурда буданд. Вақте аз ӯ дарак нашуд, пайвандон ба ҷустуҷӯяш рафтанд ва аз тариқи каналҳои худ маълум карданд, ки Навидро толибҳо ба шаҳодат расонда, дар теппаи Вазир Акбархони Кобул дафн намудаанд. Қабри ӯ боз ва шахсашро шиносоӣ карданд. Дар андомаш осори шиканҷаи шадид дида мешуд”, - гуфт Аҷмал Саидхелӣ. Навид Сайидхелӣ, маъруф ба Навиди Хонободӣ ҳудуди 40 сол дошт ва аз қавми саидхелиҳои вилояти Парвони шимоли Кобул буд, ки дар рустои Саидхелии шаҳристони Хонободи вилояти Кундуз зиндагӣ мекард. Ӯ аз афроди наздик ба Мавлоно Саидхелӣ, фармондеҳи Ҷамъияти исломӣ, ҳизби тоҷикони Афғонистон ва аз раҳбарони матраҳи муқовимати аввал, таҳти раҳбарии Аҳмадшоҳи Масъуд (1996-2001) ба шумор мерафт. Мавлоно Саидхелӣ соли 2011, замоне ки фармондеҳи пулиси вилояти Кундуз буд, дар пайи як ҳамлаи интиҳорӣ ба шаҳодат расид. Навиди Хонободӣ як гурӯҳи 400-нафараи хезишҳои мардумиро дар вилоятҳои Тахору Кундуз раҳбарӣ мекард ва ба қавли Аҷмал Саидхелӣ, ҳадафи ба зиндон афканда шуданаш аз сӯйи ҳукумати Ғанӣ маҳор кардани ӯ ҳамчун як фармондеҳи зиддитолиб буд. Афроди Навид Хонободӣ моҳи июли соли 2009 дар ҷон ба саломат бурдани маршал Муҳаммадқасими Фаҳим, номзад-муовини раисҷумҳури Афғонистон дар интихоботи президентии ҳамон сол аз як камини толибон дар дуроҳии Хонобод саҳми калидӣ доштанд. Барномаи аз миёни бурдани фармондеҳони зиддитолиб дар шимоли Афғонистон дар замони ҳукуматҳои Ҳомид Карзаю Ашраф Ғанӣ ва ба бовари огаҳони ҳол, бо пуштибонии истихбороти ғарбӣ пиёда мешуд. Ҳадафи онҳо фароҳам сохтани замина барои густариши толибон дар шимоли Афғонистон буд, ки воқеияташро ба қудрат расидани онҳо собит кард. Ба шумули Мавлоно Сайидхелӣ, се чеҳраи маъруфи дигар дар шимол – Муҳаммад Довуди Довуд, Шоҳҷаҳон Нурӣ ва Пиримқул, аз фармондеҳони бозмонда аз муқовимати аввали зидди толибон низ дар ин миён аз байн бурда шуданд. Тибқи иттилои Ҷабҳаи муқовимати миллии Афғонистон, тайи ҷангҳои ахир дар Панҷшеру Андаробҳои вилояти Бағлон ҳудуди 15 фармондеҳи раддаи аввалу миёна ва хурди ҷабҳа, ба шумули Ҳоҷӣ Баҳлул, Вадудхон, Муҳаммад Ашраф Хусравӣ, Холид Панҷшерӣ, Сайид Бодшоҳ, Яъқуб Алихон, Имоми Нурзод ва ғайра ба шаҳодат расидаанд.
https://sputnik.tj/20211127/jabhai-muqovimat-subh-zafar-nazdik-1043800314.html
https://sputnik.tj/20211017/jang-andarobho-kushta-farmondeh-jabha-muqovimat-tolib-1042916966.html
афғонистон
кобул
панҷшер
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
афғонистон, ҷанг, толибон, куштор, кобул, панҷшер, ҷабҳаи муқовимати миллии афғонистон
афғонистон, ҷанг, толибон, куштор, кобул, панҷшер, ҷабҳаи муқовимати миллии афғонистон
Шаҳодати Навиди Хонободӣ: Ҷабҳаи муқовимат чанд фармондеҳашро аз даст дод?
16:43 04.12.2021 (Навсозишуда: 13:29 06.12.2021) Навид Сайидхелӣ, маъруф ба Навиди Хонободӣ, яке аз фармондеҳони зиддитолиб дар шимоли Афғонистон аз сӯи толибон ба шаҳодат расидааст
ДУШАНБЕ, 4 дек - Sputnik. Вай соли 2009 маршал Муҳаммадқасими Фаҳим, вазири дифоъ ва муовини раисҷумҳури вақти Афғонистонро аз камини як гурӯҳи мусаллаҳ наҷот дода буд.
Аҷмал Саидхелӣ, яке аз фармондеҳони Ҷабҳаи муқовимати миллии Афғонистон, ки бо ӯ хешовандӣ дорад, ба Sputnik Тоҷикистон гуфт, Навид ду сол қабл дар пайи як тавтеа аз сӯйи ҳукумати Ашраф Ғанӣ дар маҳбаси Пули Чархӣ зиндонӣ ва бо забти Кобул аз сӯи толибон дар қатори дигар маҳбусон озод шуда буд.
“Тақрибан 20 рӯз қабл толибон дубора ба суроғи ӯ, ки дар шаҳраки Ориёи Кобул зиндагӣ мекард, омада, ӯро бо худ бурда буданд. Вақте аз ӯ дарак нашуд, пайвандон ба ҷустуҷӯяш рафтанд ва аз тариқи каналҳои худ маълум карданд, ки Навидро толибҳо ба шаҳодат расонда, дар теппаи Вазир Акбархони Кобул дафн намудаанд. Қабри ӯ боз ва шахсашро шиносоӣ карданд. Дар андомаш осори шиканҷаи шадид дида мешуд”, - гуфт Аҷмал Саидхелӣ.
Навид Сайидхелӣ, маъруф ба Навиди Хонободӣ ҳудуди 40 сол дошт ва аз қавми саидхелиҳои вилояти Парвони шимоли Кобул буд, ки дар рустои Саидхелии шаҳристони Хонободи вилояти Кундуз зиндагӣ мекард.
Ӯ аз афроди наздик ба Мавлоно Саидхелӣ, фармондеҳи Ҷамъияти исломӣ, ҳизби тоҷикони Афғонистон ва аз раҳбарони матраҳи муқовимати аввал, таҳти раҳбарии Аҳмадшоҳи Масъуд (1996-2001) ба шумор мерафт.
Мавлоно Саидхелӣ соли 2011, замоне ки фармондеҳи пулиси вилояти Кундуз буд, дар пайи як ҳамлаи интиҳорӣ ба шаҳодат расид. Навиди Хонободӣ як гурӯҳи 400-нафараи хезишҳои мардумиро дар вилоятҳои Тахору Кундуз раҳбарӣ мекард ва ба қавли Аҷмал Саидхелӣ, ҳадафи ба зиндон афканда шуданаш аз сӯйи ҳукумати Ғанӣ маҳор кардани ӯ ҳамчун як фармондеҳи зиддитолиб буд.
“Толибоне, ки дар Кундузу Тахор ҳузур доранд, аз ӯ зарбаи зиёд дидаанд ва ба иттилои мувассақи мо, маҳз онҳо ӯро дар Кобул пайдо карда, ба шаҳодат расондаанд”, - гуфт ӯ.
Афроди Навид Хонободӣ моҳи июли соли 2009 дар ҷон ба саломат бурдани маршал Муҳаммадқасими Фаҳим, номзад-муовини раисҷумҳури Афғонистон дар интихоботи президентии ҳамон сол аз як камини толибон дар дуроҳии Хонобод саҳми калидӣ доштанд.
Барномаи аз миёни бурдани фармондеҳони зиддитолиб дар шимоли Афғонистон дар замони ҳукуматҳои Ҳомид Карзаю Ашраф Ғанӣ ва ба бовари огаҳони ҳол, бо пуштибонии истихбороти ғарбӣ пиёда мешуд.
Ҳадафи онҳо фароҳам сохтани замина барои густариши толибон дар шимоли Афғонистон буд, ки воқеияташро ба қудрат расидани онҳо собит кард.
Ба шумули Мавлоно Сайидхелӣ, се чеҳраи маъруфи дигар дар шимол – Муҳаммад Довуди Довуд, Шоҳҷаҳон Нурӣ ва Пиримқул, аз фармондеҳони бозмонда аз муқовимати аввали зидди толибон низ дар ин миён аз байн бурда шуданд.
Тибқи иттилои Ҷабҳаи муқовимати миллии Афғонистон, тайи ҷангҳои ахир дар Панҷшеру Андаробҳои вилояти Бағлон ҳудуди 15 фармондеҳи раддаи аввалу миёна ва хурди ҷабҳа, ба шумули Ҳоҷӣ Баҳлул, Вадудхон, Муҳаммад Ашраф Хусравӣ, Холид Панҷшерӣ, Сайид Бодшоҳ, Яъқуб Алихон, Имоми Нурзод ва ғайра ба шаҳодат расидаанд.
