https://sputnik.tj/20211128/rais-hukumat-tolib-zanon-hukumati-farogir-muqovimat-1043811135.html
Раиси ҳукумати толибҳо аз ҳаққи занон, давлати фарогир, муқовимат ва бетартибиҳо гуфт
Раиси ҳукумати толибҳо аз ҳаққи занон, давлати фарогир, муқовимат ва бетартибиҳо гуфт
Sputnik Тоҷикистон
Раиси ҳукумати нав дар Афғонистон дар бораи ҳукумати ҳамашумул, ҳуқуқи занон ва бетартибиҳое, ки толибҳо дар кишвар анҷом медиҳанд, изҳори назар кард
2021-11-28T14:40+0500
2021-11-28T14:40+0500
2021-11-28T14:40+0500
дар ҷаҳон
амният ва мудофиа
раис
афғонистон
толибон
тундгароён
ҳукумат
https://cdnn1.img.sputnik.tj/img/07e5/09/1e/1042585018_38:0:1000:541_1920x0_80_0_0_d142276b8a26ee13e4e96ae7a6f66172.jpg
ДУШАНБЕ, 28 ноя — Sputnik. Ҳамаи мушкилоти Афғонистон дар пайи озод шудани дороиҳои ин кишвар ҳал хоҳанд шуд, изҳор дошт Ҳасан Охунд, роҳбари ҳукумати толибҳо зимни як муроҷиати овозияш тариқи телевизион. Ба гузориши Sputnik Афғонистон, Охунд изҳор доштааст, ки дар пайи ба ҳукумат расидани толибҳо, ИМА захоири давлатии Афғонистонро масдуд карда, феълан барои ин гуруҳ танҳо 0,1 дарсад аз 9,4 миллиард доллар дастрас мебошад. Ба муроҷиатҳо дар мавриди озодсозии ин захираҳои молиявӣ, қаблан котиби давлатӣ Энтони Блинкен изҳор дошт, ки Ғарб ин корро танҳо баъди иҷрои шартҳои муайян дар Афғонистон иҷро мекунад, ки якеаш ташкили ҳукумати фарогир мебошад. Ҳасан Охунд дар муроҷиаташ изҳор доштааст, ки ин масъаларо бояд мардуми Афғонистон ҳал кунанд ва ба гунаи намуна набояд ҳукумати пешӣ оварда шавад, ки дар он низомҳои алтернативӣ бо ҷонибдорони худашон мавҷуд буданд. Ӯ илова намудааст, ки занон дар Афғонистон метавонанд таҳсилу кор кунанду аз ҳуқуқҳои қонунии худ бархӯрдор бошанд. Ба гуфтаи Охунд, толибҳо нияти дахолат ба кори кишварҳои дигарро надоранд, танҳо мехоҳанд, кишварашонро аз камбағалӣ берун кашанд. Дар мавриди бетартибиҳое, ки дар кишвар анҷом дода мешаванд, роҳбари ҳукумати нав изҳор доштааст, ки ин корҳоро гуруҳҳои ҷиноӣ аз номи толибҳо карда истодаанд. Вай таъкид намуд, ки чунин афрод халъи силоҳ шуда истодаанд. Сарфи назар аз афви эълоншуда, Охунд таъкид намудааст, ки толибҳо бо афроде, ки алайҳашон қиём мекунанд, шадидан бархӯрд хоҳанд кард. Толибҳо нимаи моҳи августи соли равон дар пасманзари хуруҷи нерӯҳои ғарбӣ аз Афғонистон ба қудрат расида, аз ташкили аморати исломӣ хабар доданд.
https://sputnik.tj/20211128/tolibon-marzh-neruho-vizha-jobajo-1043809804.html
афғонистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
ҳукумат, толиб, афғонистон, давлат, фарогир
ҳукумат, толиб, афғонистон, давлат, фарогир
Раиси ҳукумати толибҳо аз ҳаққи занон, давлати фарогир, муқовимат ва бетартибиҳо гуфт
Раиси ҳукумати нав дар Афғонистон дар бораи ҳукумати ҳамашумул, ҳуқуқи занон ва бетартибиҳое, ки толибҳо дар кишвар анҷом медиҳанд, изҳори назар кард
ДУШАНБЕ, 28 ноя — Sputnik. Ҳамаи мушкилоти Афғонистон дар пайи озод шудани дороиҳои ин кишвар ҳал хоҳанд шуд, изҳор дошт Ҳасан Охунд, роҳбари ҳукумати толибҳо зимни як муроҷиати овозияш тариқи телевизион.
Ба гузориши
Sputnik Афғонистон, Охунд изҳор доштааст, ки дар пайи ба ҳукумат расидани толибҳо, ИМА захоири давлатии Афғонистонро масдуд карда, феълан барои ин гуруҳ танҳо 0,1 дарсад аз 9,4 миллиард доллар дастрас мебошад.
Ба муроҷиатҳо дар мавриди озодсозии ин захираҳои молиявӣ, қаблан котиби давлатӣ Энтони Блинкен изҳор дошт, ки Ғарб ин корро танҳо баъди иҷрои шартҳои муайян дар Афғонистон иҷро мекунад, ки якеаш ташкили ҳукумати фарогир мебошад.
Ҳасан Охунд дар муроҷиаташ изҳор доштааст, ки ин масъаларо бояд мардуми Афғонистон ҳал кунанд ва ба гунаи намуна набояд ҳукумати пешӣ оварда шавад, ки дар он низомҳои алтернативӣ бо ҷонибдорони худашон мавҷуд буданд.
Ӯ илова намудааст, ки занон дар Афғонистон метавонанд таҳсилу кор кунанду аз ҳуқуқҳои қонунии худ бархӯрдор бошанд.
Ба гуфтаи Охунд, толибҳо нияти дахолат ба кори кишварҳои дигарро надоранд, танҳо мехоҳанд, кишварашонро аз камбағалӣ берун кашанд.
Дар мавриди бетартибиҳое, ки дар кишвар анҷом дода мешаванд, роҳбари ҳукумати нав изҳор доштааст, ки ин корҳоро гуруҳҳои ҷиноӣ аз номи толибҳо карда истодаанд. Вай таъкид намуд, ки чунин афрод халъи силоҳ шуда истодаанд.
Сарфи назар аз афви эълоншуда, Охунд таъкид намудааст, ки толибҳо бо афроде, ки алайҳашон қиём мекунанд, шадидан бархӯрд хоҳанд кард.
Толибҳо нимаи моҳи августи соли равон дар пасманзари хуруҷи нерӯҳои ғарбӣ аз Афғонистон ба қудрат расида, аз ташкили аморати исломӣ хабар доданд.
