https://sputnik.tj/20211102/takhtabozor-barakat-qasdona-otash-1043232212.html
“Барқ хомӯш шуда буд”: тахтабозори “Баракат”-ро барқасд оташ задаанд
“Барқ хомӯш шуда буд”: тахтабозори “Баракат”-ро барқасд оташ задаанд
Sputnik Тоҷикистон
Комиссияи тафтишотие, ки ҳодисаи оташсӯзӣ дар бозори “Баракат” и ноҳияи Бобоҷон Ғафуровро таҳқиқ доранд, омили эҳтимолии сар задани сӯхторро маълум намудаанд
2021-11-02T12:00+0500
2021-11-02T12:00+0500
2021-11-02T13:36+0500
дар тоҷикистон
сӯхтор
оташсӯзӣ дар бозор
https://cdnn1.img.sputnik.tj/img/07e5/0a/1a/1043102373_0:0:3640:2048_1920x0_80_0_0_5a67f6735c419edde30f60462149f9eb.jpg
ДУШАНБЕ, 2 ноя – Sputnik. Манобеъ аз Раёсати хадамоти оташнишонии ВКД дар вилояти Суғд гуфтанд, пас аз даҳ рӯз аз вуқуи оташсӯзӣ комиссияи ҳақиқатёб хулосаи худро ироа кард. Як мақомдори идораи сӯхторнишонии Суғд бидуни зикри номаш ба Sputnik Тоҷикистон гуфт, дар хулосаи ҳайати комиссия ҳодисаи сӯхтори шоми 21-уми октябр дар бозори “Баракат” эҳтимол кори қасдан анҷомшуда арзёбӣ шуда бошад. “Сӯхтор соати 20-и 21-уми октябр рух додааст, он рӯз интиқоли барқ ба бозори “Баракат” аз соати 18:00 қатъ шуда буд. Кормандони бозор соати 17 корро ҷамбаст карда, берун мешаванд. Фарзияе, ки сӯхтор аз ҳисоби расиши кӯтоҳи барқ ва ё аз оташи сигор ба вуқуъ омадаастро санҷидаанд, ки ба ҳолати кор мантиқан мувофиқат намекунад. Ба ин тартиб комиссияи ҳақиқатёб оташсӯзӣ дар бозорро ба эҳтимоли зиёд амали қасдан анҷомшуда медонад”, - гуфт манбаъ. Бино ба иттилои дарёфтӣ, ҳайати комиссия хисорати оташсӯзӣ дар тахтабозори “Баракат”-и ноҳияи Бобоҷон Ғафуровро наздик ба 760 ҳазор сомонӣ ҳисоб намуда, ин ва маълумоти дигарро ба ҳукумат ва идораҳои дахлдор ироа намудааст. Шоми 21-уми октябр, тахминан соати 20:00 дар бозори фурӯши масолеҳи сохтмонии “Баракат”-и ҶДММ "Агро Фуд" дар ноҳияи Бобоҷон Ғафуров сӯхтор сар зад ва даҳҳо метри мукааб чӯбу тахта ва дигар намуди масолеҳи сохтмониро ба коми худ кашид. Сӯхтор ба ҳадде мудҳиш буд, ки манзараи ба осмон печидани алангаи оташу дуди ғализро ҳатто шуморе аз сокинон аз масофаҳои дур ҳам мушоҳида карданд. Рӯзи 22-юми октябр ВКД Тоҷикистон дар шарҳи ин ҳодиса иттилоъ дод, ки ҳангоми ба маҳалли ҳодиса расидани оташнишонон сӯхтор дар масоҳати 400 метри мураббаъ паҳн гардида, чӯбу тахтаҳои зери соябонҳоро фаро гирифта буд. Ин ниҳод инчунин афзуд, қисмате аз моли соҳибкорон, ки беш аз 100 миллион сомонӣ арзиш дошт, аз сӯхтор наҷот дода шуд. Бино ба иттилои дарёфтӣ, бар асари сӯхтор ҳудуди 12 нуқтаи нигоҳдорӣ (анбор) ва фурӯши чӯбу тахтаи сохтмонӣ сӯхта нобуд шудааст. Бозори “Баракат”, маъруф ба тахтабозор аз калонтарин макони фурӯши масолеҳи сохтмонӣ дар вилояти Суғд ба шумор меравад, ки соли 2011 дар канори шоҳроҳи Хуҷанд - Конибодом, дар гардиши шаҳри Гулистон сохта шуд.
https://sputnik.tj/20211022/sharh-rasmi-sukhtor-bozori-1043036579.html
https://sputnik.tj/20211026/payomad-sukhtor-takhtabozor-barakat-sughd-aks-1043103264.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
сӯхтор тахтабозор “баракат” оташ
сӯхтор тахтабозор “баракат” оташ
“Барқ хомӯш шуда буд”: тахтабозори “Баракат”-ро барқасд оташ задаанд
12:00 02.11.2021 (Навсозишуда: 13:36 02.11.2021) Комиссияи тафтишотие, ки ҳодисаи оташсӯзӣ дар бозори “Баракат”-и ноҳияи Бобоҷон Ғафуровро таҳқиқ мекунад, омили эҳтимолии сар задани сӯхторро маълум намуд
ДУШАНБЕ, 2 ноя – Sputnik. Манобеъ аз Раёсати хадамоти оташнишонии ВКД дар вилояти Суғд гуфтанд, пас аз даҳ рӯз аз вуқуи оташсӯзӣ комиссияи ҳақиқатёб хулосаи худро ироа кард.
Як мақомдори идораи сӯхторнишонии Суғд бидуни зикри номаш ба Sputnik Тоҷикистон гуфт, дар хулосаи ҳайати комиссия ҳодисаи сӯхтори шоми 21-уми октябр дар бозори “Баракат” эҳтимол кори қасдан анҷомшуда арзёбӣ шуда бошад.
“Сӯхтор соати 20-и 21-уми октябр рух додааст, он рӯз интиқоли барқ ба бозори “Баракат” аз соати 18:00 қатъ шуда буд. Кормандони бозор соати 17 корро ҷамбаст карда, берун мешаванд. Фарзияе, ки сӯхтор аз ҳисоби расиши кӯтоҳи барқ ва ё аз оташи сигор ба вуқуъ омадаастро санҷидаанд, ки ба ҳолати кор мантиқан мувофиқат намекунад. Ба ин тартиб комиссияи ҳақиқатёб оташсӯзӣ дар бозорро ба эҳтимоли зиёд амали қасдан анҷомшуда медонад”, - гуфт манбаъ.
Бино ба иттилои дарёфтӣ, ҳайати комиссия хисорати оташсӯзӣ дар тахтабозори “Баракат”-и ноҳияи Бобоҷон Ғафуровро наздик ба 760 ҳазор сомонӣ ҳисоб намуда, ин ва маълумоти дигарро ба ҳукумат ва идораҳои дахлдор ироа намудааст.
Шоми 21-уми октябр, тахминан соати 20:00 дар бозори фурӯши масолеҳи сохтмонии “Баракат”-и ҶДММ "Агро Фуд" дар ноҳияи Бобоҷон Ғафуров сӯхтор сар зад ва даҳҳо метри мукааб чӯбу тахта ва дигар намуди масолеҳи сохтмониро ба коми худ кашид.
Сӯхтор ба ҳадде мудҳиш буд, ки манзараи ба осмон печидани алангаи оташу дуди ғализро ҳатто шуморе аз сокинон аз масофаҳои дур ҳам мушоҳида карданд.
Рӯзи 22-юми октябр ВКД Тоҷикистон дар шарҳи ин ҳодиса иттилоъ дод, ки ҳангоми ба маҳалли ҳодиса расидани оташнишонон сӯхтор дар масоҳати 400 метри мураббаъ паҳн гардида, чӯбу тахтаҳои зери соябонҳоро фаро гирифта буд. Ин ниҳод инчунин афзуд, қисмате аз моли соҳибкорон, ки беш аз 100 миллион сомонӣ арзиш дошт, аз сӯхтор наҷот дода шуд.
Бино ба иттилои дарёфтӣ, бар асари сӯхтор ҳудуди 12 нуқтаи нигоҳдорӣ (анбор) ва фурӯши чӯбу тахтаи сохтмонӣ сӯхта нобуд шудааст.
Бозори “Баракат”, маъруф ба тахтабозор аз калонтарин макони фурӯши масолеҳи сохтмонӣ дар вилояти Суғд ба шумор меравад, ки соли 2011 дар канори шоҳроҳи Хуҷанд - Конибодом, дар гардиши шаҳри Гулистон сохта шуд.
