https://sputnik.tj/20211028/mavlav-najib-vazifa-tolibon-1043135711.html
“Ҷояшро ёфтанд”: Мавлавӣ Наҷиби Роғӣ вазифа гирифт
“Ҷояшро ёфтанд”: Мавлавӣ Наҷиби Роғӣ вазифа гирифт
Sputnik Тоҷикистон
Мавлавӣ Наҷибуллоҳи Ҳаққонӣ, маъруф ба Мавлави Наҷиби Роғӣ, фармондеҳи ливо (бригада)-и ҳимояи вазорати дифоъи Афғонистон гумошта шуд
2021-10-28T10:00+0500
2021-10-28T10:00+0500
2021-10-28T11:15+0500
сиёсат
афғонистон
толиб
вазифа
гурӯҳи террористии "толибон"
https://cdnn1.img.sputnik.tj/img/07e5/08/11/1041681036_0:174:3021:1873_1920x0_80_0_0_3ae5a2494516fca15be6f4c31a9295d3.jpg
ДУШАНБЕ, 28 окт — Sputnik. Бар пояи он иттилое, ки то ба ҳол дастрас шудааст, ӯ чаҳорумин тоҷик ва ҳафтумин ғайрипаштунест, ки ба як мақоми баланд дар ҳукумати “Толибон”* таъйин мешавад. Манбаи Sputnik Тоҷикистон аз қавли як маъмури Вазорати дифои Афғонистон гуфт, фармони ӯ аз сӯйи Мулло Яъқуб, писари Мулло Умар, асосгузори ҳаракати “Толибон”*, ҳоло сарпарасти Вазорати дифои Афғонистон имзо шудааст. Қаблан манобеи Sputnik Тоҷикистон аз қавли худи Мавлавӣ Наҷиб гуфта буданд, ки ӯро ба сифати фармондеҳи ливои таҳаррукоти Вазорати дифоъ таъйин кардаанд, аммо фармон содир нашудааст. Мавлавӣ Наҷиб, тоҷик, зодаи рустои Патири вулусволии Роғистон буда, ҳудуди 45 сол дорад ва аз кадрҳои муҳими “Шабакаи Ҳаққонӣ”* ба ҳисоб меравад. Пойгоҳҳои ӯ дар минтақаи Роғҳои Бадахшон, ки бо Тоҷикистон ҳаммарз аст, ҷойгиранд. Дар гузашта ин шоеот ҳам вуҷуд доштанд, ки пас аз барканории Мавлавӣ Амонуддин, волии Бадахшон “Шабакаи Ҳаққонӣ”* талош кард, то Мавлавӣ Наҷибро дар курсии ӯ нишонад, аммо “Толибон”* мувофиқат накард. Далели онҳо ин будааст, ки Мавлавӣ Наҷиб хумси тилои Роғҳоро насупурдааст, аммо дар асл аз пайвастани ӯ ба “ДОИШ”* хавф доранд. Манбаи Sputnik Тоҷикистон гуфт, як комиссияи ҳақиқатёби “Толибон”* ба Роғҳо сафар кард, то конҳои Мавлавӣ Наҷиб ва даромадҳои ӯро ба баррасӣ гиранд. Интисоби Мавлавӣ Наҷиб ба фармондеҳии ливои ҳимояи Вазорати дифои Афғонистон як гуна машғул доштани ӯ дар Кобул ва ҷилавгирӣ аз бозгашташ ба Бадахшон, аз сӯйи дигар намунае аз талоши “Толибон”* барои эҷоди як ҳукумати ҳамашумул аст. Қабл аз ӯ ҳамшаҳриҳояш аз Бадахшон - Қорӣ Динмуҳаммад Ҳаниф, сарпарасти Вазорати иқтисод ва Қорӣ Фасеҳуддин, сардори Ситоди кулл ё луидиристизи Вазорати дифоъ ва як тоҷики дигар - Ҳоҷӣ Нуриддин Азизӣ, зодаи дараи Панҷшер сарпарасти Вазорати тиҷорати ҳукумати худхондаи Иморати исломӣ гумошта шуда буданд. Ба шумули Абдусалом Ҳанафӣ, муовини дувуми сарвазир аз ӯзбекҳои вилояти Форёб ва доктор Қаландар Ибод, сарпарасти Вазорати тандурустӣ, аз ӯзбекҳои Сарипул теъдоди ғайрипаштунҳои ҳукумати “Толибон”* ба шаш нафар мерасад.* - созмони террористи мамнуъ дар Русия ва Тоҷикистон
https://sputnik.tj/20211015/khazinahoi-pomir-ba-dast-shabakai-haqqoni-1042902336.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
мавлавӣ наҷиб вазифа "толибон"* афғонистон
мавлавӣ наҷиб вазифа "толибон"* афғонистон
“Ҷояшро ёфтанд”: Мавлавӣ Наҷиби Роғӣ вазифа гирифт
10:00 28.10.2021 (Навсозишуда: 11:15 28.10.2021) Мавлавӣ Наҷибуллоҳи Ҳаққонӣ, маъруф ба Мавлавӣ Наҷиби Роғӣ фармондеҳи ливо (бригада)-и ҳимояи Вазорати дифои Афғонистон гумошта шуд
ДУШАНБЕ, 28 окт — Sputnik. Бар пояи он иттилое, ки то ба ҳол дастрас шудааст, ӯ чаҳорумин тоҷик ва ҳафтумин ғайрипаштунест, ки ба як мақоми баланд дар ҳукумати “Толибон”* таъйин мешавад.
Манбаи Sputnik Тоҷикистон аз қавли як маъмури Вазорати дифои Афғонистон гуфт, фармони ӯ аз сӯйи Мулло Яъқуб, писари Мулло Умар, асосгузори ҳаракати “Толибон”*, ҳоло сарпарасти Вазорати дифои Афғонистон имзо шудааст.
“Ливои ҳимояи Вазорати дифоъ масъулияти муҳофизати тамоми марказу дафтарҳои низомии Кобулу атрофаш, қабл аз ҳама бинои Вазорати дифоъ аст”, - гуфт манбаъ.
Қаблан манобеи Sputnik Тоҷикистон аз қавли худи Мавлавӣ Наҷиб гуфта буданд, ки ӯро ба сифати фармондеҳи ливои таҳаррукоти Вазорати дифоъ таъйин кардаанд, аммо фармон содир нашудааст.
Мавлавӣ Наҷиб, тоҷик, зодаи рустои Патири вулусволии Роғистон буда, ҳудуди 45 сол дорад ва аз кадрҳои муҳими “Шабакаи Ҳаққонӣ”* ба ҳисоб меравад. Пойгоҳҳои ӯ дар минтақаи Роғҳои Бадахшон, ки бо Тоҷикистон ҳаммарз аст, ҷойгиранд.
Дар гузашта ин шоеот ҳам вуҷуд доштанд, ки пас аз барканории Мавлавӣ Амонуддин, волии Бадахшон “Шабакаи Ҳаққонӣ”* талош кард, то Мавлавӣ Наҷибро дар курсии ӯ нишонад, аммо “Толибон”* мувофиқат накард.
Далели онҳо ин будааст, ки Мавлавӣ Наҷиб хумси тилои Роғҳоро насупурдааст, аммо дар асл аз пайвастани ӯ ба “ДОИШ”* хавф доранд. Манбаи Sputnik Тоҷикистон гуфт, як комиссияи ҳақиқатёби “Толибон”* ба Роғҳо сафар кард, то конҳои Мавлавӣ Наҷиб ва даромадҳои ӯро ба баррасӣ гиранд.
“Аммо вай ба афродаш фармон дод, ки бештар аз нисфи экскваторҳоро пинҳон кунанд, то “Толибон”* натавонад даромадҳои аслии ӯро маълум кунанд”, - гуфт ӯ.
Интисоби Мавлавӣ Наҷиб ба фармондеҳии ливои ҳимояи Вазорати дифои Афғонистон як гуна машғул доштани ӯ дар Кобул ва ҷилавгирӣ аз бозгашташ ба Бадахшон, аз сӯйи дигар намунае аз талоши “Толибон”* барои эҷоди як ҳукумати ҳамашумул аст.
Қабл аз ӯ ҳамшаҳриҳояш аз Бадахшон - Қорӣ Динмуҳаммад Ҳаниф, сарпарасти Вазорати иқтисод ва Қорӣ Фасеҳуддин, сардори Ситоди кулл ё луидиристизи Вазорати дифоъ ва як тоҷики дигар - Ҳоҷӣ Нуриддин Азизӣ, зодаи дараи Панҷшер сарпарасти Вазорати тиҷорати ҳукумати худхондаи Иморати исломӣ гумошта шуда буданд.
Ба шумули Абдусалом Ҳанафӣ, муовини дувуми сарвазир аз ӯзбекҳои вилояти Форёб ва доктор Қаландар Ибод, сарпарасти Вазорати тандурустӣ, аз ӯзбекҳои Сарипул теъдоди ғайрипаштунҳои ҳукумати “Толибон”* ба шаш нафар мерасад.
* - созмони террористи мамнуъ дар Русия ва Тоҷикистон
