https://sputnik.tj/20211024/afghoniston-kudak-gurusnagi-jon-bokht-1043070656.html
Дар Афғонистон 8 кӯдаки як хонавода аз гуруснагӣ ҷон бохт
Дар Афғонистон 8 кӯдаки як хонавода аз гуруснагӣ ҷон бохт
Sputnik Тоҷикистон
Раҳбари ҷамоати ҳазораҳо аз фавти ҳашт кӯдак бар асари гуруснагӣ хабар дод 24.10.2021, Sputnik Тоҷикистон
2021-10-24T19:30+0500
2021-10-24T19:30+0500
2021-10-25T13:04+0500
иҷтимоъ
афғонистон
осиёи марказӣ
https://cdnn1.img.sputnik.tj/img/07e5/08/12/1041716137_0:160:2786:1727_1920x0_80_0_0_adfc9464a09cac37bec09d673bb23e2d.jpg
ДУШАНБЕ, 24 окт — Sputnik. Дар Афғонистон ҳашт кӯдак аз як хонавода бар асари гуруснагӣ ҷон аз даст додааст. Дар ин бора роҳбари ҳазораҳо Муҳаммади Муҳақиқ хабар дод ва дар марги ин тифлон ҳукумати "Толибон"-ро масъул хонд.Сиёсатмадор гуфт, "Толибон"* наметавонад амнияти мардум, аз ҷумла дастрасӣ ба ғизоро таъмин кунанд. Ӯ аз ҷомеаи ҷаҳонӣ даъват кард, ки пеши роҳи гуруснагӣ дар Афғонистонро бигиранд.Ба иттилои Муҳақиқ, ин 8 кӯдак аз як хонаводаи камбағал буданд, ки падари онҳо гирифтори саратони мағзи сар шуда, чанде пеш фавтидааст. Модари ин кӯдакон низ ин дунёро падруд гуфту таъмини 8 фарзанди ятими онҳо ба дӯши ҳамсоягон уфтод, ки худ низ зиндагии фақирона доштанд.Раҳбари ҳазораҳо мегӯяд, "Толибон"* ҳарчанд аз фавти мармузи ин 8 ноболиғ хабар дорад, вале парвое надорад.Қаблан Созмони Милали Муттаҳид эълон дошт, ки то охири моҳи сентябр дар Афғонистон шояд ҳеҷ захираи ғизоӣ боқӣ намонад.Дэвид Базли, мудири иҷроияи Барномаи ҷаҳонии озуқавории СММ хабар додааст, ки гуруснагӣ ба сабаби буҳронест, ки пас аз ишғоли қудрат дар кишвар аз ҷониби "Толибон" (созмоне, ки фаъолияташ дар Русия мамнуъ аст) оғоз шуд, ба 14 миллион нафар дар Афғонистон таҳдид мекунад.* -созмони мамнуъ дар Русия ва Тоҷикистон
https://sputnik.tj/20210825/smm-hatari-gurusnagi-afghoniston-1041882598.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
иҷтимоъ, афғонистон, осиёи марказӣ
иҷтимоъ, афғонистон, осиёи марказӣ
Дар Афғонистон 8 кӯдаки як хонавода аз гуруснагӣ ҷон бохт
19:30 24.10.2021 (Навсозишуда: 13:04 25.10.2021) Раҳбари ҷамоати ҳазораҳо аз фавти ҳашт кӯдак бар асари гуруснагӣ хабар дод
ДУШАНБЕ, 24 окт — Sputnik. Дар Афғонистон ҳашт кӯдак аз як хонавода бар асари гуруснагӣ ҷон аз даст додааст. Дар ин бора роҳбари ҳазораҳо Муҳаммади Муҳақиқ хабар дод ва дар марги ин тифлон ҳукумати "Толибон"-ро масъул хонд.
Сиёсатмадор гуфт, "Толибон"* наметавонад амнияти мардум, аз ҷумла дастрасӣ ба ғизоро таъмин кунанд. Ӯ аз ҷомеаи ҷаҳонӣ даъват кард, ки пеши роҳи гуруснагӣ дар Афғонистонро бигиранд.
Ба иттилои Муҳақиқ, ин 8 кӯдак аз як хонаводаи камбағал буданд, ки падари онҳо гирифтори саратони мағзи сар шуда, чанде пеш фавтидааст. Модари ин кӯдакон низ ин дунёро падруд гуфту таъмини 8 фарзанди ятими онҳо ба дӯши ҳамсоягон уфтод, ки худ низ зиндагии фақирона доштанд.
Раҳбари ҳазораҳо мегӯяд, "Толибон"* ҳарчанд аз фавти мармузи ин 8 ноболиғ хабар дорад, вале парвое надорад.
Қаблан Созмони Милали Муттаҳид эълон дошт, ки то охири моҳи сентябр дар Афғонистон шояд ҳеҷ захираи ғизоӣ боқӣ намонад.
Дэвид Базли, мудири иҷроияи Барномаи ҷаҳонии озуқавории СММ хабар додааст, ки гуруснагӣ ба сабаби буҳронест, ки пас аз ишғоли қудрат дар кишвар аз ҷониби "Толибон" (созмоне, ки фаъолияташ дар Русия мамнуъ аст) оғоз шуд, ба 14 миллион нафар дар Афғонистон таҳдид мекунад.
* -созмони мамнуъ дар Русия ва Тоҷикистон
