Маршал Дӯстум аз СММ даъват кард, ки пеши роҳи куштори қавмӣ дар Панҷшерро гирад
11:09 11.09.2021 (Навсозишуда: 11:11 11.09.2021)
© Sputnik / Саид Царнаев
/ Обуна шудан
Раҳбари афғонҳои туркзабон, маршал Абдулрашид Дӯстум аз ҷомеаи ҷаҳонӣ даъват кард, ки эътирофи ҳукумати Афғонистонро, ки Толибон таъсис додааст, рад кунанд *
ДУШАНБЕ, 11 сен — Sputnik. Раҳбари ҳизби Ҳаракати миллии исломии Афғонистон, собиқ ноиби аввали ҷумҳурӣ, маршал Абдулрашид Дӯстум аз СММ ва дар маҷмӯъ ҷомеаи ҷаҳонӣ даъват кард, ки поксозии қавмиро дар Панҷшер аз ҷониби ҷангҷӯён қатъ кунанд.
"Ман аз СММ хоҳиш мекунам, ки хомӯширо бас кунад ва аз террористони рӯйхати сиёҳ даъват кунад, ки ба поксозии қавмӣ ва наслкушӣ дар Панҷшер хотима диҳанд", - навиштааст ӯ дар саҳифаи Твиттераш.
I request UN, to break the silence and ask the blacklisted terrorists to stop ethnic-cleansing & genocide in Panjshir. To open the gates of the valley and allow media to report and Humanitarian Assistance to reach Panjshir. A catastrophe is looming.#DoNotRecognizeTaliban
— Marshall Dustom - مارشال دوستم (@MDustom) September 10, 2021
Ба гуфтаи ӯ, зарур аст, ки дарҳои дараи Панҷшерро боз кард, ба расонаҳо имкон дода шавад, ки рӯйдодҳоро инъикос кунанд ва ҳамчунин ба Панҷшер кумакҳои башардӯстона расонанд.
"Фалокат наздик аст", - мегӯяд Дӯстум.
Илова бар ин, Дӯстум аз ҷомеаи ҷаҳонӣ, бахусус кишварҳои ҳамсояи Афғонистон даъват кард, ки "барои истиқбол кардани давлати террористӣ дар Афғонистон шитоб накунанд, ки дар он кобина аз террористони эътирофшудаи ҷаҳонӣ ташкил шудааст."
I call on the International Community and all our neighbors, specially our north and northwestern neighbors, not to hurry in welcoming a Terror-State in Afghanistan. A state where the cabinet is made up of designated global terrorists.
— Marshall Dustom - مارشال دوستم (@MDustom) September 10, 2021
Сафири Афғонистон дар Тоҷикистон, Муҳаммад Зоҳир Акбар рӯзи чаҳоршанбе гуфт, ки раҳбарони сиёсии Ҷумҳурии Исломӣ аз ҷумлаи мухолифони Толибон, маршал Дӯстум, ба зудӣ Шӯрои дастгирии нерӯҳои муқовиматро таъсис хоҳанд дод.
Рӯзи душанбе мақомоти Толибон* пас аз ишғоли водии Панҷшер, ки макони Ҷабҳаи муқовимати силлӣ аст, хабар додадн, аммо муқовиматгарон гуфтанд, ки дар минтақа ҳастанд ва ҷангро идома медиҳанд.
* - ташкилоти террористӣ, ки дар Русия ва дигар кишварҳо мамнӯъ аст
