https://sputnik.tj/20210823/panjsher-izhoroti-tolibon-muqovimat-1041831709.html
Дар Панҷшер чӣ гап аст? иддаои Толибону* изҳороти нерӯҳои муқовимат
Дар Панҷшер чӣ гап аст? иддаои Толибону* изҳороти нерӯҳои муқовимат
Sputnik Тоҷикистон
Толибон* аз муҳосираи Панҷшер ва интиқоли ҷангҷӯёнаш аз Бадахшон, Тахор ва Бағлон ба марзи ягона музофоти берун аз тасаллути ин созмони террористӣ хабар доданд 23.08.2021, Sputnik Тоҷикистон
2021-08-23T14:10+0500
2021-08-23T14:10+0500
2021-08-23T17:22+0500
амният ва мудофиа
афғонистон
толибон
панҷшер
https://cdnn1.img.sputnik.tj/img/07e5/08/10/1041672415_0:224:2847:1825_1920x0_80_0_0_a2cfc73984e9f762d1e3820fa43b1a75.jpg
ДУШАНБЕ, 23 авг – Sputnik. Интиқоли ҳазорон ҷангҷӯи Толибон* аз музофотҳои шимолии таҳти назорати ҷангиён ба марзи Панҷшер оғоз шудааст, хабар дод Sputnik Афғонистон бо такя ба Herat Times. Нерӯҳои муқовимат эълон доштанд, ки гузаргоҳи калидиро дар ағбаи Соланг зери назорат гирифта, пули До - Шоҳро таркондаанду ҳаракати Толибонро* боздоштанд. Гуфта мешавад, ки таҳти фармондеҳии Аҳмад Масъуд Панҷшер ба мудофиа омода аст. Бар асоси навиштаҳо дар шабакаҳои иҷтимоӣ, ҳамлаи Толибон* дар қисмати ҷанубии Соланг низ пас гардонда шуд. Дар ҳамин ҳол Забиҳулло Муҷоҳид, масъули Толибон* изҳор доштааст, ки нерӯи калони ин созмон аз Тахор, Бадахшон ва Андароб дар роҳ ба Панҷшеранд ва ҳеч муқовиматеро дучор наомадаанд. Бархе аз манобеи толибонӣ инчунин изҳор доштаанд, ки ду посгоҳро ба назорат даровардаанд, аммо мушаххас гуфта нашудааст, кадом посгоҳу аз кадом тараф, навиштааст шабакаи телеграми Sputnik Афғонистон ва таъкид намудааст, ки ин иттилоъ тасдиқ нашудааст. Дар шабакаҳои иҷтимоӣ бархе аз корбарон бо такя ба мақомоти маҳаллии Бағлон изҳор доштаанд, ки ҷангиёни Толибон* интиқоми садҳо ҷангии кушташудаашон дар Андаробро аз сокинони маҳаллӣ гирифта истодаанд ва бархе хонаҳоро дар Пули Хумрӣ низ ғорат кардаанд. Дар ҳамин ҳол расман Толибон* бо тасдиқи таҷаммӯи ҷангиёнашон дар атрофи Панҷшер изҳор медоранд, ки хоҳони ҳалли қазия тариқи гуфтушунид мебошанд. Аҳмади Масъуд эълон кард, ки тарафдори бинои як Афғонистон озод, мустақил аз тариқи гуфтугӯ ва тафоҳум, аммо Толибон* пешниҳодҳои муқовиматро рад мекунанд."Аммо агар масъалаи зӯр ва ҷанг бошад, шумо моро мешиносед. Ман писари ҳамон падар ҳастам, ки барои дифоъ аз сарзамин ва мардум то сарҳади фидо кардани ҷонаш пеш рафт", - изҳор доштааст Масъуд.Феълан вазъ дар минтақа ташвишзо боқӣ монда, аз наздикиҳои Панҷшер иттилои зиддунақиз дар шабакаҳо ва расонаҳо нашр мегарданд.* - созмони террористии мамнӯъ дар Тоҷикистон, Русия ва бархе кишварҳои дигар
https://sputnik.tj/20210823/tolibon-ghani-amrulloh-soleh-afv-1041828955.html
https://sputnik.tj/20210823/shab-afghoniston-jalasa-ghayrinavbati-rahmon-putin-lukashenko-1041827602.html
афғонистон
панҷшер
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
амният ва мудофиа, афғонистон, толибон, панҷшер
амният ва мудофиа, афғонистон, толибон, панҷшер
Дар Панҷшер чӣ гап аст? иддаои Толибону* изҳороти нерӯҳои муқовимат
14:10 23.08.2021 (Навсозишуда: 17:22 23.08.2021) Толибон* аз муҳосираи Панҷшер ва интиқоли ҷангҷӯёнаш аз Бадахшон, Тахор ва Бағлон ба марзи ягона музофоти берун аз тасаллути ин созмони террористӣ хабар доданд
ДУШАНБЕ, 23 авг – Sputnik. Интиқоли ҳазорон ҷангҷӯи Толибон* аз музофотҳои шимолии таҳти назорати ҷангиён ба марзи Панҷшер оғоз шудааст, хабар дод Sputnik Афғонистон бо такя ба Herat Times.
Нерӯҳои муқовимат эълон доштанд, ки гузаргоҳи калидиро дар ағбаи Соланг зери назорат гирифта, пули До - Шоҳро таркондаанду ҳаракати Толибонро* боздоштанд. Гуфта мешавад, ки таҳти фармондеҳии Аҳмад Масъуд Панҷшер ба мудофиа омода аст.
Бар асоси навиштаҳо дар шабакаҳои иҷтимоӣ, ҳамлаи Толибон* дар қисмати ҷанубии Соланг низ пас гардонда шуд.
Дар ҳамин ҳол Забиҳулло Муҷоҳид, масъули Толибон* изҳор доштааст, ки нерӯи калони ин созмон аз Тахор, Бадахшон ва Андароб дар роҳ ба Панҷшеранд ва ҳеч муқовиматеро дучор наомадаанд. Бархе аз манобеи толибонӣ инчунин изҳор доштаанд, ки ду посгоҳро ба назорат даровардаанд, аммо мушаххас гуфта нашудааст, кадом посгоҳу аз кадом тараф, навиштааст шабакаи телеграми Sputnik Афғонистон ва таъкид намудааст, ки ин иттилоъ тасдиқ нашудааст.
Дар шабакаҳои иҷтимоӣ бархе аз корбарон бо такя ба мақомоти маҳаллии Бағлон изҳор доштаанд, ки ҷангиёни Толибон* интиқоми садҳо ҷангии кушташудаашон дар Андаробро аз сокинони маҳаллӣ гирифта истодаанд ва бархе хонаҳоро дар Пули Хумрӣ низ ғорат кардаанд.
Дар ҳамин ҳол расман Толибон* бо тасдиқи таҷаммӯи ҷангиёнашон дар атрофи Панҷшер изҳор медоранд, ки хоҳони ҳалли қазия тариқи гуфтушунид мебошанд.
Аҳмади Масъуд эълон кард, ки тарафдори бинои як Афғонистон озод, мустақил аз тариқи гуфтугӯ ва тафоҳум, аммо Толибон* пешниҳодҳои муқовиматро рад мекунанд.
"Аммо агар масъалаи зӯр ва ҷанг бошад, шумо моро мешиносед. Ман писари ҳамон падар ҳастам, ки барои дифоъ аз сарзамин ва мардум то сарҳади фидо кардани ҷонаш пеш рафт", - изҳор доштааст Масъуд.
Феълан вазъ дар минтақа ташвишзо боқӣ монда, аз наздикиҳои Панҷшер иттилои зиддунақиз дар шабакаҳо ва расонаҳо нашр мегарданд.
* - созмони террористии мамнӯъ дар Тоҷикистон, Русия ва бархе кишварҳои дигар
