Давлатзода гуфт, дар кадом кишварҳо фарҳанги Тоҷикистонро муаррифӣ мекунанд

© SputnikЗулфия Давлатзода вазири фарҳанги Тоҷикистон
Зулфия Давлатзода вазири фарҳанги Тоҷикистон - Sputnik Тоҷикистон, 1920, 26.07.2021
Обуна шудан
Ҳамзамон вазири фарҳанг қайд кард, ки Тоҷикистон барои баргузории Рӯзҳои фарҳанги Тоҷикистон дар Қароргоҳи ЮНЕСКО, Беларус, Амороти Муттаҳидаи Араб омодагӣ гирифтааст
ДУШАНБЕ, 26 июл - Sputnik. Зулфия Давлатзода, вазири фарҳанги Тоҷикистон зимни нишасти матбуотӣ қайд кард, ки ҷумҳурӣ барои баргузории Рӯзҳои фарҳанги Тоҷикистон дар Қароргоҳи ЮНЕСКО, Беларус, Амороти Муттаҳидаи Араб, намоиши Тоҷикистон дар Осорхонаи Гимеи Париж дар ҳамкорӣ бо Осорхонаи миллии Тоҷикистон ва Форуми зиёиёни Тоҷикистону Ӯзбекистон корҳои омодагиро дар сатҳи зарурӣ анҷом дода истодааст.
Вазири фарҳанги Тоҷикистон ҳамзамон иброз дошт, ки дар доираи “Барномаи давлатии ҳифзи мероси ғайримоддии фарҳангии халқи тоҷик барои солҳои 2021-2025” Фестивал-озмуни ҷумҳуриявии телевизионии эҷодиёти халқ “Андалеб-2021” ҷараён дорад.
Даври ниҳоии фестивал-озмун моҳи август дар Филармонияи давлатии Тоҷикистон ба номи А.Ҷӯраев баргузор карда мешавад.
Мулоқоти вазири фарҳанг Шамсиддин орумбекзода бо сафири Лаҳистон - Sputnik Тоҷикистон, 1920, 19.02.2019
Сафири Лаҳистон: пешниҳод дорам Рӯзҳои фарҳанги Лаҳистон дар Тоҷикистон баргузор шавад
Инчунин Зулфия Давлатзода гуфт, дар куҷо ва чигуна 30-солагии Истиқлоли давлатии Тоҷикистон таҷлил мешавад
Вай гуфт, бахшида ба ҷашни 30-солагии Истиқлоли давлатии Тоҷикистон барномаҳои идона дар Муассисаи давлатии “Наврӯзгоҳ”, Маҷмааи давлатии “Кохи Борбад” доир шуда, дар пойтахти роҳпаймоии идона баргузор мегардад.
Вазири фарҳанги Тоҷикистон махсусан қайд кард, ки дар тамоми шаҳру навоҳии мамлакат бахшида ба ин ҷашни миллӣ барномаҳои идона доир мешаванд. Дар бештари ноҳияҳо аллакай барномаҳои фарҳангӣ оғоз гардидаанд.
Лентаи хабарҳо
0