https://sputnik.tj/20210709/tirparroni-marz-qirghiziston-1040765362.html
Баъди тирпарронии дирӯза: вазъи марз бо Қирғизистон чигуна аст?
Баъди тирпарронии дирӯза: вазъи марз бо Қирғизистон чигуна аст?
Sputnik Тоҷикистон
Вазъи марз бо Қирғизистон ором аст. Алҳол мақомоти расмии ду кишвар барои таҳқиқи тирпарронии рӯзи гузашта, ба маҳалли ҳодиса сафарбар шудаанд 09.07.2021, Sputnik Тоҷикистон
2021-07-09T11:45+0500
2021-07-09T11:45+0500
2021-07-09T12:04+0500
дар тоҷикистон
амният ва мудофиа
осиёи марказӣ
марз
тирпарронӣ
https://cdnn1.img.sputnik.tj/img/102122/18/1021221868_0:269:3105:2016_1920x0_80_0_0_880ee21309c5d65b154ab960404ad6d9.jpg
ДУШАНБЕ, 9 июл – Sputnik. Ашуралӣ Ҷалилзода, раиси ноҳияи Деваштич дар суҳбат ба Sputnik Тоҷикистон вазъи марз бо Қирғизистон баъд аз як рӯзи тирпаррониро шарҳ дод. Ҷалилзода, ки ҳамин лаҳзаҳо дар сарҳад қарор дорад гуфт, ҳоло вазъи марз ором буда, мақомотҳои қудратӣ аз ҳарду ҷониб, барои таҳқиқи ҳодисаи тирпарронии як рӯзи пеш ба ҷойи ҳодиса сафар кардаанд. Бино ба иттилоъи Ҷалилзода, ноҳияи Деваштич 64 километр бо Қирғизистон ҳамсарҳад буда, асосан аз чарогоҳҳо иборат аст. Раёсати марзбонии Кумитаи давлатии амнияти миллии Тоҷикистон рӯзи гузашта аз рухдоди тирпарронӣ дар марз бо Қирғизистон хабар дод. Ба иттилоъи манбаъ ҳодиса соати 14:55 дақиқаи рӯзи 8 июл дар ҳудуди ҷамоати Росровути ноҳияи Деваштичи вилояти Суғд рух дода, дар натиҷа ду сарбози қирғиз захмӣ шудаанд. Гуфта мешавад, чор сарҳадбонони Қирғизистон бо либоси омехтаи мулкиву ҳарбӣ марзи Тоҷикистонро дар ҷамоати Росровути Деваштич ғайриқонунӣ убур карданд. "Номбурдагон мақсад доштанд, ки аз ҳудуди Ҷумҳурии Тоҷикистон 9 сар аспи сокинони ноҳияи Деваштичро ба қаламрави Ҷумҳурии Қирғизистон интиқол диҳанд", - омадааст дар хабари КДАМ. Мақомоти Қирғизистон низ дар бораи тирпарронии рӯзи 8 июл иттилоъ ба нашр расонида гуфтааст, ки дар натиҷаи ин ҳодиса сарбози 27-солаи ин кишвар, Ҳусниддин Ҳоҷиев аз захми тир кушта шудааст. Дар иттилоияи мақомоти Тоҷикистон дар бораи захмӣ шудани сарҳадбонони ин кишвар чизе гуфта нашудааст. Алҳол мақомоти расмии Тоҷикистону Қирғизистон барои таҳқиқи рухдоди тирпарронӣ дар марз ба маҳалли ҳодиса сафарбар шудаанд.
https://sputnik.tj/20210709/qirghiziston-tirparroni-marz-nazari-1040761886.html
https://sputnik.tj/20210708/kdam-sarhadbon-qirghiz-marz-ubur-1040754750.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, амният ва мудофиа, осиёи марказӣ, марз, тирпарронӣ
дар тоҷикистон, амният ва мудофиа, осиёи марказӣ, марз, тирпарронӣ
Баъди тирпарронии дирӯза: вазъи марз бо Қирғизистон чигуна аст?
11:45 09.07.2021 (Навсозишуда: 12:04 09.07.2021) Вазъи марз бо Қирғизистон ором аст. Алҳол мақомоти расмии ду кишвар барои таҳқиқи тирпарронии рӯзи гузашта, ба маҳалли ҳодиса сафарбар шудаанд
ДУШАНБЕ, 9 июл – Sputnik. Ашуралӣ Ҷалилзода, раиси ноҳияи Деваштич дар суҳбат ба Sputnik Тоҷикистон вазъи марз бо Қирғизистон баъд аз як рӯзи тирпаррониро шарҳ дод.
Ҷалилзода, ки ҳамин лаҳзаҳо дар сарҳад қарор дорад гуфт, ҳоло вазъи марз ором буда, мақомотҳои қудратӣ аз ҳарду ҷониб, барои таҳқиқи ҳодисаи тирпарронии як рӯзи пеш ба ҷойи ҳодиса сафар кардаанд.
“Мо ҳоло дар сарҳад қарор дорем, ҳама ҷо тинҷу ором аст. Ин ҷо ҳоло мақомоти амниятиву сарҳадбонӣ, муфаттишони прокуратураи ҳарбӣ сафар кардаанд ва тибқи талаботи қонун як ҷо бо мақомоти Қирғизистон нисбати рухдоди ҳодисаи дирӯза корбарӣ мекунанд”, гуфт раиси ноҳияи Деваштич.
Бино ба иттилоъи Ҷалилзода, ноҳияи Деваштич 64 километр бо Қирғизистон ҳамсарҳад буда, асосан аз чарогоҳҳо иборат аст. Раёсати марзбонии Кумитаи давлатии амнияти миллии Тоҷикистон рӯзи гузашта аз рухдоди тирпарронӣ дар марз бо Қирғизистон хабар дод.
Ба иттилоъи манбаъ ҳодиса соати 14:55 дақиқаи рӯзи 8 июл дар ҳудуди ҷамоати Росровути ноҳияи Деваштичи вилояти Суғд рух дода, дар натиҷа ду сарбози қирғиз захмӣ шудаанд.
Гуфта мешавад, чор сарҳадбонони Қирғизистон бо либоси омехтаи мулкиву ҳарбӣ марзи Тоҷикистонро дар ҷамоати Росровути Деваштич ғайриқонунӣ убур карданд.
"Номбурдагон мақсад доштанд, ки аз ҳудуди Ҷумҳурии Тоҷикистон 9 сар аспи сокинони ноҳияи Деваштичро ба қаламрави Ҷумҳурии Қирғизистон интиқол диҳанд", - омадааст дар хабари КДАМ.
Мақомоти Қирғизистон низ дар бораи тирпарронии рӯзи 8 июл иттилоъ ба нашр расонида гуфтааст, ки дар натиҷаи ин ҳодиса сарбози 27-солаи ин кишвар, Ҳусниддин Ҳоҷиев аз захми тир кушта шудааст.
Дар иттилоияи мақомоти Тоҷикистон дар бораи захмӣ шудани сарҳадбонони ин кишвар чизе гуфта нашудааст.
Алҳол мақомоти расмии Тоҷикистону Қирғизистон барои таҳқиқи рухдоди тирпарронӣ дар марз ба маҳалли ҳодиса сафарбар шудаанд.
