Муташаккилона ва ройгон: чӣ гуна дар Маскав муҳоҷирон эм мешаванд
© Sputnik / Виталий Белоусов
/ Обуна шудан
Интиқоли муташаккилона ба ду бунгоҳи тиббӣ, бидуни бюрократия, муносибати хуб ва аз ҳама муҳим - ройгон
ДУШАНБЕ, 1 июл - Sputnik, Данара Курманова. Дар бораи оғози маъракаи ваксинзании муҳоҷирони меҳнатӣ дар пойтахти Русия гузориши Sputnik -ро хонед.
29 июн дар Маскав барномаи эмгузаронии коргарони хориҷӣ алайҳи коронавирус оғоз ёфт. Чанд рӯз қабл, президенти Русия Владимир Путин дастур дод, ки ин раванд доир карда шавад.
Сабаби ваксинзании шаҳрвандони хориҷӣ оғози маъракаи мубориза бо коронавирус дар Маскав аст.
В миграционном центре в деревне Сахарово началась вакцинация трудовых мигрантов от COVID-19
© Пресс-служба мэра и правительства Москвы
/ Аз 18 июн мақомоти пойтахт корфармоёнро вазифадор карданд, ки ҳадди аққал 60% кормандонро эм кунанд. Дар Маскав ду маркази эмгузаронии калон барои муҳоҷирон - дар маркази муҳоҷират дар Сахарово ва дар ҳудуди маркази савдои Садовод кушода шудааст, ки ҳамарӯза аз соати 8 то 20 бетанаффус кор мекунанд.
Тавре сардухтури поликлиникаи шаҳрии рақами 175 Андрей Федорук, ки кори бунгоҳи ваксингузаронии Садоводро назорат мекунад, ба хабаргузории Sputnik гуфт, хориҷиён пулакӣ ваксин мегиранд, аммо аз кисаи худашон не.
"Арзиши эмкунӣ 1300 рублро ташкил медиҳад, ин ваксинаи нави яккомпонентии Спутник Лайт аст" гуфт ӯ. "Барои эмгузаронии муҳоҷирон, ширкатҳо рӯйхатҳо бо маълумоти кормандонро ба маъмурияти шаҳр пешниҳод мекунанд, мо шартнома имзо мекунем, санаи онро муҳокима мекунем, вақти эмгузаронӣ ва ташкили интиқоли муҳоҷирон муайян мешавад".
В миграционном центре в деревне Сахарово началась вакцинация трудовых мигрантов от COVID-19
© Пресс-служба мэра и правительства Москвы
/ Пункти эмгузаронӣ дар "Садовод" як бошишгоҳи хурди хаймавӣ аст, ки дар даромадгоҳаш ҳамшираҳои шафқат ва полис меистад.
Ҳарорати онҳое, ки мехоҳанд эм карда шаванд, чен карда мешавад. Кормандони мақомоти ҳифзи ҳуқуқ пӯшидани ниқоб ва риояи масофаи иҷтимоиро назорат мекунанд.
Ин ҳама барои он аст, ки хатари сироятёбӣ то ваксингирӣ кам карда шавад. Қариб 4 ҳазор муҳоҷир дар як рӯз аз ду нуқтаи эмгузаронӣ мегузаранд. Байнашон нафароне низ ҳастанд, ки аллакай бемории коронавирусро гузаронидаанд.
"Доштани антитело бо ваксина муқовимат намекунад", - мегӯяд Андрий Федорук.
Он ҷо ҳамшираи шафқат Фарндун Ёқубов ба ваксингирандагон мафҳуми воксинро мефаҳмонад - барои он бояд эм шуд, ки худро аз намуди ҳиндии коронавирус Sputnik Light низ бар зидди он кор мекунад, ҳифз кард.
Ӯ бо баъзе муҳоҷирон, ки забони русиро хуб намедонанд, бо забони модариаш тоҷикӣ -сӯҳбат мекунад.
"Ман дар коллеҷи тиббии вилояти Брянск таҳсил кардам", - мегӯяд Фаридун. Соли 2017, пас аз хатм, ба Маскав кӯчидам, ба кор омадам. Вақте ки пандемия сар шуд, аз ибтидо дар бригадаи ковид будам ва ҳоло дар ин ҷо кор мекунам".
Барои суръат бахшидан ба раванди эмгузаронии муҳоҷирони меҳнатӣ, ки ҳоло ҳам дар ҳолати озмоишӣ идома дорад, мақомоти Маскав рӯйхати ҳуҷҷатҳои барои ваксина заруриро ба ҳадди ақал коҳиш доданд.
Шаҳрвандони кишварҳое, ки дар Иттиҳоди иқтисодии Авруосиё ширкат мекунанд, танҳо маълумоти шиносномаро пешниҳод мекунанд. Қисми боқимондаи муҳоҷирон инчунин бояд маълумотро дар бораи патентҳо, иҷозатномаи будубоши муваққатӣ дар Русия ё иҷозатномаи истиқомат илова кунанд.
Назира Тошболтаева, як зодаи Ӯзбекистон мегӯяд, ки ҷамъоварии ҳуҷҷатҳо ва эмгузаронӣ осон буд. "Ман худро хуб ҳис мекунам" меафзояд вай. Ошпази узбек Хусанбой Эркабоев низ аз ин тартиб хушҳол аст.
"Ман ба ҳама маслиҳат медиҳам, ки худро эм кунанд. Коронавирус то ҳол босуръат паҳн мешавад. Инҷо дар як лаҳза ваксин мегирӣ, муҳим муносибаташон хуб аст," - мутмаин аст ӯ.
Дар посух ба ин ҳамшира Екатерина Борисова мегӯяд: "Ба шаҳрвандони хориҷӣ бояд маълумотро дуруст фаҳмонид".
"Кор бо муҳоҷирон ҳатто осонтар аст. Ҳар якеро дар панҷ дақиқа ваксин мезанем", - тавсиф мекунад вай.
В миграционном центре в деревне Сахарово началась вакцинация трудовых мигрантов от COVID-19
© Пресс-служба мэра и правительства Москвы
/ Дар баромадгоҳ муҳоҷиронро ҳамшира Олга интизор аст - ӯ ба ҳамаи саволи муҳоҷирон дар бораи ваксингирӣ посух медиҳад ва албатта ба ҳар як муҳоҷир рӯзи хуш таманно мекунад.
"Ҳангоми кор дар соҳаи тиб, муносибат бо одамон бояд хуб бошад. Дар мавриди муҳоҷирон бошад, боз бояд бодиққат буд. Мехоҳам, ки ваксингирандагон бештар шаванд ва вазъи коронавирус беҳтар шаванд".
