https://sputnik.tj/20210625/pomir-markazi-nigahdorii-babri-barfi-1040452579.html
Дар Помир маркази нигаҳдории бабри барфӣ ташкил мешавад
Дар Помир маркази нигаҳдории бабри барфӣ ташкил мешавад
Sputnik Тоҷикистон
Марказ бо дастгирии Иттиҳодияи ғайридавлатии ҳифзи табиати Олмон бунёд хоҳад шуд 25.06.2021, Sputnik Тоҷикистон
2021-06-25T18:23+0500
2021-06-25T18:23+0500
2021-06-25T18:49+0500
дар тоҷикистон
ҳайвонот
табиат
https://cdnn1.img.sputnik.tj/img/07e5/01/1c/1032716128_0:120:1280:840_1920x0_80_0_0_99d39cbdd2c6ead47397a5af47e5a280.jpg
ДУШАНБЕ, 25 июн — Sputnik. Дар Мурғоб Маркази барқарорсозӣ ва нигаҳдории бабри барфӣ ташкил карда мешавад, гузориш медиҳад Кумитаи ҳифзи муҳити зист.Бино бар иттилои манбаъ, масъалаи ташкили Марказ дар ноҳияи Мурғоби дар мулоқоти раиси Кумитаи ҳифзи муҳити зист Баҳодур Шерализода бо намояндагони Иттиҳодияи ғайридавлатии ҳифзи табиати Германия (NABU) Томас Тенхардет ва Катя Каупсч дар Душанбе баррасӣ гардид.Гуфта мешавад, дар мулоқот масъалаҳои ба имзо расонидани Ёддошти тафоҳум оид ба ҳифзи мавзеъҳои зери хатари нобудшавӣ қарордошта баррасӣ гардид."Ҳамчунин истифодаи оқилонаи захираҳои табиӣ байни Кумитаи ҳифзи муҳити зист ва Иттиҳодияи ғайридавлатии ҳифзи табиати Германия (NABU), амалишавии лоиҳаҳои нави дуҷониба дар самти ҳифз ва нигаҳдории экосистемаҳо, гузаронидани мониторинг ва зиёд намудани популятсияҳои ҳайвоноти нодири ба Китоби сурх дохилшуда, матраҳ гардиданд", - менавсад манбаъ.Раиси Кумитаи ҳифзи муҳити зист Баҳодур Шерализода масъалаҳои амалӣ гардидани чорабиниҳои ба нақша гирифташударо ба миён гузошта, омодагии худро барои ҳамкории минбаъда иброз намуд.Бабри барфӣ, ки сокинони маҳаллӣ онро "паланги ширмол" ё "озодапаланг" низ меноманд, аз нодиртарин ҷонварон аст, ки танҳо дар қаламрави 12 кишвари ҷаҳон зиндагӣ мекунад. Дар Тоҷикистон ҳудуди 300 бабри барфӣ сабт шудааст ва он ҳамчун ҷонвари махсус ҳифзшаванда дар Китоби Сурхи Тоҷикистон номнавис шудааст.Муҳофизони табиат мегӯянд, макони аслии зисти бабрҳои барфӣ, дар шарқи Бадахшон буда, ин ҷонвари нодир то баландиҳои 6 ҳазор метр аз сатҳи баҳр сукунат дорад ва ба сардии ҳаво тобовар аст. Аммо баъзан ба иллати сербарфӣ дар ҷустуҷӯи ғизо ба маҳаллаҳои аҳолинишин низ мефарояд. Тибқи иттилои созмонҳои зистмуҳитӣ низ дар солҳои ахир, бабрӣ барфӣ дар ҷустуҷӯи ғизо ба деҳаҳо даромадааст.
https://sputnik.tj/20210202/kumitai-muhiti-zist-babri-barfi-chorvo-hamla-1032744551.html
https://sputnik.tj/20210125/palang-Ishkoshim-gusfand-khurd-1032685736.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, ҳайвонот, табиат
дар тоҷикистон, ҳайвонот, табиат
Дар Помир маркази нигаҳдории бабри барфӣ ташкил мешавад
18:23 25.06.2021 (Навсозишуда: 18:49 25.06.2021) Марказ бо дастгирии Иттиҳодияи ғайридавлатии ҳифзи табиати Олмон бунёд хоҳад шуд
ДУШАНБЕ, 25 июн — Sputnik. Дар Мурғоб Маркази барқарорсозӣ ва нигаҳдории бабри барфӣ ташкил карда мешавад, гузориш медиҳад Кумитаи ҳифзи муҳити зист.
Бино бар иттилои манбаъ, масъалаи ташкили Марказ дар ноҳияи Мурғоби дар мулоқоти раиси Кумитаи ҳифзи муҳити зист Баҳодур Шерализода бо намояндагони Иттиҳодияи ғайридавлатии ҳифзи табиати Германия (NABU) Томас Тенхардет ва Катя Каупсч дар Душанбе баррасӣ гардид.
Гуфта мешавад, дар мулоқот масъалаҳои ба имзо расонидани Ёддошти тафоҳум оид ба ҳифзи мавзеъҳои зери хатари нобудшавӣ қарордошта баррасӣ гардид.
"Ҳамчунин истифодаи оқилонаи захираҳои табиӣ байни Кумитаи ҳифзи муҳити зист ва Иттиҳодияи ғайридавлатии ҳифзи табиати Германия (NABU), амалишавии лоиҳаҳои нави дуҷониба дар самти ҳифз ва нигаҳдории экосистемаҳо, гузаронидани мониторинг ва зиёд намудани популятсияҳои ҳайвоноти нодири ба Китоби сурх дохилшуда, матраҳ гардиданд", - менавсад манбаъ.
Раиси Кумитаи ҳифзи муҳити зист Баҳодур Шерализода масъалаҳои амалӣ гардидани чорабиниҳои ба нақша гирифташударо ба миён гузошта, омодагии худро барои ҳамкории минбаъда иброз намуд.
Бабри барфӣ, ки сокинони маҳаллӣ онро "паланги ширмол" ё "озодапаланг" низ меноманд, аз нодиртарин ҷонварон аст, ки танҳо дар қаламрави 12 кишвари ҷаҳон зиндагӣ мекунад.
Дар Тоҷикистон ҳудуди 300 бабри барфӣ сабт шудааст ва он ҳамчун ҷонвари махсус ҳифзшаванда дар Китоби Сурхи Тоҷикистон номнавис шудааст.
Муҳофизони табиат мегӯянд, макони аслии зисти бабрҳои барфӣ, дар шарқи Бадахшон буда, ин ҷонвари нодир то баландиҳои 6 ҳазор метр аз сатҳи баҳр сукунат дорад ва ба сардии ҳаво тобовар аст.
Аммо баъзан ба иллати сербарфӣ дар ҷустуҷӯи ғизо ба маҳаллаҳои аҳолинишин низ мефарояд.
Тибқи иттилои созмонҳои зистмуҳитӣ низ дар солҳои ахир, бабрӣ барфӣ дар ҷустуҷӯи ғизо ба деҳаҳо даромадааст.
