https://sputnik.tj/20210531/loydevori-hishti-puhta-honasozi-osebdidagon-sughd-hatlon-aksho-1039861175.html

Лойдевори якею хишти пухтаи дигаре: хонасозӣ барои осебдидагон дар Суғду Хатлон – аксҳо

Лойдевори якею хишти пухтаи дигаре: хонасозӣ барои осебдидагон дар Суғду Хатлон – аксҳо

Sputnik Тоҷикистон

Мақомоти маҳаллии вилояти Суғду Хатлон аз ҷараёни сохтмони хонаҳо барои осебдидагон аз офати табиӣ ва даргириҳои марзӣ гузориш доданд

2021-05-31T16:30+0500

2021-05-31T16:30+0500

2021-07-29T13:14+0500

дар тоҷикистон

иқтисод

фарҳанг

иҷтимоъ

https://cdnn1.img.sputnik.tj/img/07e5/05/1f/1039859068_0:49:960:589_1920x0_80_0_0_43732535ce22bc08f7403097ee5de041.jpg

ДУШАНБЕ, 31 май — Sputnik. Раҷаббой Аҳмадзода, раиси Суғд, бо рафти бунёди хонаҳои сокинони деҳаҳои Хоҷаи Аъло ва Сомониён шинос шуд, ки аз даргириҳои ахири марзӣ бо Қирғизистон осеб диданд. Ба иттилои котиботи раиси Суғд, дар аксари хонаҳои истиқоматӣ айни замон корҳои бомпӯшкунӣ ҷараён дошта, интизор меравад, ки сохтмон рӯзҳои наздик ба охир расад. Таъкид шудааст, ки барои зарардидагон, хонаҳои нав бо тамоми ҷиҳози зарурӣ таъмин карда мешаванд.Мақомоти Хатлон низ аз сохтмони 20 хона дар деҳаи Навободи ноҳияи Абдураҳмони Ҷомӣ хабар додааст. Бар асоси гузориши аксӣ, зербино аз бетон ва девор аз хиштҳои лойӣ сохта шуда истодааст. Сокинони деҳаи мазкур аввали моҳи равон аз фурӯравии замин зарар дида, хонаҳояшон хароб шуда буданд. Сохтмони 41 хонаи дигар дар деҳаи "Иттифоқ"-и ноҳияи Вахш низ, ки аз офати таббиӣ зарар дидаанд, бо кумаку дастгирии шаҳру нохияҳо ва ташкилоту муассисаҳо идома дорад, хабар дод котиботи ҳукумати Хатлон. Ба иттилои манбаъ, Қурбон Ҳакимзода, раиси Хатлон, зимни боздид аз майдони сохтмони хонаҳо бо масъулину ҳашарчиён суҳбат карда, дастур додааст, ки кумакҳои расонидашуда саривақт ба оилаҳои зарардида расонида шаванду, хонаводаҳое, ки қисман зарар дидаанд, бо масолеҳи сохтмонӣ таъмин шаванд. Даргирии марзии охири моҳи апрел бо Қирғизистон ва офатҳои табиии аввали моҳи май дар Тоҷикистон, дар баробари талафоти ҷонӣ, хисороти зиёди моддӣ гузоштанд, аз ҷумла даҳҳо манзили истиқоматӣ дар шаҳру навоҳии вилоятҳои Суғду Хатлон хароб шуданд. Феълан маъракаи хонасозӣ барои осебдидагон идома дорад.

2021

Хабарҳо

tg_TJ

сохтмон, хона, суғд, хатлон