https://sputnik.tj/20210526/boj-andoz-qarori-hukumat-arzoni-suzishvori-1039769572.html
Бе боҷу андоз: Раҳмон қарори Ҳукумат барои арзонии ғизою сӯзишвориро имзо кард
Бе боҷу андоз: Раҳмон қарори Ҳукумат барои арзонии ғизою сӯзишвориро имзо кард
Sputnik Тоҷикистон
Ҳукумати Тоҷикистон барои вуруди бархе намуди ғизо ва маводи сӯхт бидуни пардохти боҷу андоз иҷозат дод
2021-05-26T19:35+0500
2021-05-26T19:35+0500
2021-05-26T19:35+0500
дар тоҷикистон
иқтисод
ғизо
сӯзишворӣ
https://cdnn1.img.sputnik.tj/img/07e4/07/16/1031617884_0:0:2747:1546_1920x0_80_0_0_43eaa78327459a58fc83ee56e7afbab8.jpg
ДУШАНБЕ, 26 май – Sputnik. Эмомалӣ Раҳмон, раисиҷумҳури Тоҷикистон, бо имзои қарори Ҳукумат ба Агентии захираҳои моддии ҷумҳурӣ барои вуруди анвои озуқаворӣ ва сӯзишворӣ бидуни пардохти боҷ, аксиз ва андоз аз арзиши иловашуда иҷозат дод. Ҳукумат бо қарораш ҳаҷму номгӯйи маҳсулотеро, ки бидуни пардохти боҷу андоз ворид мегарданд, тасдиқ намуда, Хадамоти гумрукро муваззаф намудааст, ки анҷоми саривақтии расмиёту истифодаи мақсадноки ғизо, бензин ва сӯзишвории дизелии воридшавандаро таъмин созад. Дар мавриди ҳаҷми мушаххас, ки бе пардохти боҷу андоз ворид мешавад, феълан иттилое дастрас нест. Қаблан парлумон бо тағйири қонуни буҷаи соли 2021 барои вуруди сӯзишворию маводи хӯрока бе пардохти боҷу андоз иҷозат дод. Карим Гулмуродзода, муовини вазири молияи Тоҷикистон ҳадафи ин иқдомро таъмини бозори истеъмолии аҳолӣ бо молҳои ниёзи аввал, инчунин бензин ва сӯзишвории дизелӣ арзёбӣ кард. Ин тасмим дар ҳолест, ки ахиран нархи маводи ғизоӣ ва сӯзишворӣ дар Тоҷикистон боло рафт. Аз ҷумла нархи фурӯши чаканаи бензин аз 5,2 сомонии баҳори соли гузашта то ба 8,6 сомонӣ дар баҳори соли равон расид. Феълан маълум нест, ки ин иқдом то куҷо ба нарх дар бозор таъсир хоҳад кард. Ҳукумат дархости ширкатҳои дигари воридкунандаи сӯзишвориро дар мавриди озод карданашон аз боҷу андоз, ки моҳи апрели соли равон расонаӣ шуд, қонеъ накардааст. Одатан Агентии захираҳои моддӣ дар ҳолатҳои болоравии якбораи нарх дар бозорҳо аз ҳисоби захираҳояш моли нисбатан арзонро пешниҳод мекунад, то аз шиддати иҷтимоӣ ҷилавгирӣ карда шавад. Ёдовар мешавем, ки Тоҷикистон соли гузашта ҳудуди 584 ҳазор тонна маҳсулоти нафтӣ ворид кардааст, ки ҳиссаи асосӣ (532 ҳазор тонна) он аз Русия аст. Аммо, ин натавонист аз болоравии нархи сӯзишворӣ дар НФС-ҳои ҷумҳурӣ ҷилавгирӣ кунад.
https://sputnik.tj/20210423/chunu-charo-biletjallobi-tojikiston-1038999323.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
нарх, сӯзишворӣ, қарор, арзон
нарх, сӯзишворӣ, қарор, арзон
Бе боҷу андоз: Раҳмон қарори Ҳукумат барои арзонии ғизою сӯзишвориро имзо кард
Ҳукумати Тоҷикистон барои вуруди бархе намуди ғизо ва маводи сӯхт бидуни пардохти боҷу андоз иҷозат дод
ДУШАНБЕ, 26 май – Sputnik. Эмомалӣ Раҳмон, раисиҷумҳури Тоҷикистон, бо имзои қарори Ҳукумат ба Агентии захираҳои моддии ҷумҳурӣ барои вуруди анвои озуқаворӣ ва сӯзишворӣ бидуни пардохти боҷ, аксиз ва андоз аз арзиши иловашуда иҷозат дод.
Ҳукумат бо қарораш ҳаҷму номгӯйи маҳсулотеро, ки бидуни пардохти боҷу андоз ворид мегарданд, тасдиқ намуда, Хадамоти гумрукро муваззаф намудааст, ки анҷоми саривақтии расмиёту истифодаи мақсадноки ғизо, бензин ва сӯзишвории дизелии воридшавандаро таъмин созад. Дар мавриди ҳаҷми мушаххас, ки бе пардохти боҷу андоз ворид мешавад, феълан иттилое дастрас нест.
Қаблан парлумон бо тағйири қонуни буҷаи соли 2021 барои вуруди сӯзишворию маводи хӯрока бе пардохти боҷу андоз иҷозат дод. Карим Гулмуродзода, муовини вазири молияи Тоҷикистон ҳадафи ин иқдомро таъмини бозори истеъмолии аҳолӣ бо молҳои ниёзи аввал, инчунин бензин ва сӯзишвории дизелӣ арзёбӣ кард.
Ин тасмим дар ҳолест, ки ахиран нархи маводи ғизоӣ ва сӯзишворӣ дар Тоҷикистон боло рафт. Аз ҷумла нархи фурӯши чаканаи бензин аз 5,2 сомонии баҳори соли гузашта то ба 8,6 сомонӣ дар баҳори соли равон расид.
Феълан маълум нест, ки ин иқдом то куҷо ба нарх дар бозор таъсир хоҳад кард. Ҳукумат дархости ширкатҳои дигари воридкунандаи сӯзишвориро дар мавриди озод карданашон аз боҷу андоз, ки моҳи апрели соли равон расонаӣ шуд, қонеъ накардааст.
Одатан Агентии захираҳои моддӣ дар ҳолатҳои болоравии якбораи нарх дар бозорҳо аз ҳисоби захираҳояш моли нисбатан арзонро пешниҳод мекунад, то аз шиддати иҷтимоӣ ҷилавгирӣ карда шавад.
Ёдовар мешавем, ки Тоҷикистон соли гузашта ҳудуди 584 ҳазор тонна маҳсулоти нафтӣ ворид кардааст, ки ҳиссаи асосӣ (532 ҳазор тонна) он аз Русия аст. Аммо, ин натавонист аз болоравии нархи сӯзишворӣ дар НФС-ҳои ҷумҳурӣ ҷилавгирӣ кунад.
