https://sputnik.tj/20210517/bozdoshti-javononi-leksussavor-dashnomi-duhtarone-video-1039510525.html
Дашноми духтароне, ки ба лексуссаворҳо не гуфтанд: ҳабси муттаҳамон - аксу видео
Дашноми духтароне, ки ба лексуссаворҳо не гуфтанд: ҳабси муттаҳамон - аксу видео
Sputnik Тоҷикистон
Ҷавонони ҷипсавор дар маркази Душанбе духтаронеро, ки муошират бо онҳоро рад кардаанд, дашном доданд ва бо қарори суд пушти панҷара рафтанд
2021-05-17T20:50+0500
2021-05-17T20:50+0500
2021-07-07T18:30+0500
дар тоҷикистон
ҳабс
гаппартоӣ
дашном
рӯйдод, ҷиноят ва ҳолатҳои фавқулода
https://cdnn1.img.sputnik.tj/img/07e5/05/11/1039510113_0:0:756:426_1920x0_80_0_0_ac26fbb6e193ca4ceee8ec8a9001ac92.jpg
ДУШАНБЕ, 17 май – Sputnik. Раёсати умури дохилии Душанбе аз ҳабси ду ҷавони лексуссаворе хабар дод, ки дар гаппартоӣ ва дашноми духтарон муттаҳам мешаванд. Ба иттилои раёсати умури дохилӣ, ба идораи милиса ҷавондухтар муроҷиат карда, арз доштааст, ки "ҷавонони ҷипсавор" ӯ ва дугонаҳояшро дар кӯчаҳои марказии пойтахт дашномҳои қабеҳ намуда, шаъну шарафашонро паст задаанд.Маъмурини милиса муайян намудаанд, ҷавононе, ки духтарон аз онҳо шикоят доранд, Муҳаммадҷонов Валиҷон, сокини 28-солаи шаҳри Ваҳдат, ронандаи "Лексус", 1010JD01 ва ҳамроҳаш Ҷаҳонгир Бегови 28-сола сокини деҳаи Маданияти шаҳри Ваҳдат мебошанд. Пулиси Душанбе афзуд, номбурдагон иқрор шудаанд, ки шоми 15-уми майи соли ҷорӣ ҳангоми ҳаракат дар хиёбони Рӯдакӣ, назди Театри опера ва балет ба номи Устод С. Айнӣ ба ҷавондухтарон гаппартоӣ карда, онҳоро мавриди озори лафзӣ қарор додаанд, ки аз ин кирдорашон воқаен пушаймонанд.Додгоҳ Муҳаммадҷонов Валиҷон ва Бегов Ҷаҳонгирро бар асоси моддаи 460 - майдаавбошӣ гунаҳкор дониста, ба муҳлати 5-шабонарӯзӣ ба ҳабси маъмурӣ гирифтааст. Назари бевоситаи муттаҳамон дар бораи иттиҳом ва қарори додгоҳ маълум нест. Муҷозоти ҷавонписарон дар Тоҷикистон баъди он шиддат гирифт, ки гуруҳи занон аз мақомоти кишвар хостанд, онҳоро аз озори лафзии бархе ҷавонон дар кӯчаю хиёбонҳои ҷумҳурӣ ҳимоят намоянд. Аммо бархе аз корбарони шабакаҳои иҷтимоӣ алайҳи нашри аксу наворҳои чунин ҷавонҳо дар сомонаҳо баромад карда, изҳор медоранд, ки танҳо бо ҷарима бояд иктифо карда шавад. Гуруҳи дигар мегӯянд, бигузор паҳнсозии аксу наворҳои муттаҳамон дар озори лафзии духтарон дар шабакаҳо нашр гарданд, то барои дигарон дарс шавад.
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дашном, ҳақорат, духтар
Дашноми духтароне, ки ба лексуссаворҳо не гуфтанд: ҳабси муттаҳамон - аксу видео
20:50 17.05.2021 (Навсозишуда: 18:30 07.07.2021) Ҷавонони ҷипсавор дар маркази Душанбе духтаронеро, ки муошират бо онҳоро рад кардаанд, дашном доданд ва бо қарори суд пушти панҷара рафтанд
ДУШАНБЕ, 17 май – Sputnik. Раёсати умури дохилии Душанбе аз ҳабси ду ҷавони лексуссаворе хабар дод, ки дар гаппартоӣ ва дашноми духтарон муттаҳам мешаванд.
Ба иттилои раёсати умури дохилӣ, ба идораи милиса ҷавондухтар муроҷиат карда, арз доштааст, ки "ҷавонони ҷипсавор" ӯ ва дугонаҳояшро дар кӯчаҳои марказии пойтахт дашномҳои қабеҳ намуда, шаъну шарафашонро паст задаанд.
Маъмурини милиса муайян намудаанд, ҷавононе, ки духтарон аз онҳо шикоят доранд, Муҳаммадҷонов Валиҷон, сокини 28-солаи шаҳри Ваҳдат, ронандаи "Лексус", 1010JD01 ва ҳамроҳаш Ҷаҳонгир Бегови 28-сола сокини деҳаи Маданияти шаҳри Ваҳдат мебошанд.
Пулиси Душанбе афзуд, номбурдагон иқрор шудаанд, ки шоми 15-уми майи соли ҷорӣ ҳангоми ҳаракат дар хиёбони Рӯдакӣ, назди Театри опера ва балет ба номи Устод С. Айнӣ ба ҷавондухтарон гаппартоӣ карда, онҳоро мавриди озори лафзӣ қарор додаанд, ки аз ин кирдорашон воқаен пушаймонанд.
Додгоҳ Муҳаммадҷонов Валиҷон ва Бегов Ҷаҳонгирро бар асоси моддаи 460 - майдаавбошӣ гунаҳкор дониста, ба муҳлати 5-шабонарӯзӣ ба ҳабси маъмурӣ гирифтааст.
Назари бевоситаи муттаҳамон дар бораи иттиҳом ва қарори додгоҳ маълум нест.
Муҷозоти ҷавонписарон дар Тоҷикистон баъди он шиддат гирифт, ки гуруҳи занон аз мақомоти кишвар хостанд, онҳоро аз озори лафзии бархе ҷавонон дар кӯчаю хиёбонҳои ҷумҳурӣ ҳимоят намоянд.
Аммо бархе аз корбарони шабакаҳои иҷтимоӣ алайҳи нашри аксу наворҳои чунин ҷавонҳо дар сомонаҳо баромад карда, изҳор медоранд, ки танҳо бо ҷарима бояд иктифо карда шавад.
Гуруҳи дигар мегӯянд, бигузор паҳнсозии аксу наворҳои муттаҳамон дар озори лафзии духтарон дар шабакаҳо нашр гарданд, то барои дигарон дарс шавад.
