https://sputnik.tj/20210510/hamdardi-emomali-rahmon-ashraf-ghani-1039347653.html
Ҳамдардии Эмомалӣ Раҳмон ба Ашраф Ғанӣ
Ҳамдардии Эмомалӣ Раҳмон ба Ашраф Ғанӣ
Sputnik Тоҷикистон
Ҳамчунин президенти Тоҷикистон ба хонаводаҳои қурбониён дар Афғонистон изҳои тасаллӣ кард 10.05.2021, Sputnik Тоҷикистон
2021-05-10T13:50+0500
2021-05-10T13:50+0500
2021-06-10T13:43+0500
дар тоҷикистон
амният ва мудофиа
афғонистон
ҳамдардӣ
сиёсат
https://cdnn1.img.sputnik.tj/img/07e5/05/08/1039327209_0:0:941:529_1920x0_80_0_0_aa1e0bb4f4c2ad33df21def22b076fcc.jpg
ДУШАНБЕ, 10 май – Sputnik. Раисҷумҳури Тоҷикистон Эмомалӣ Раҳмон дар робита бо ҳамлаи террористӣ ба як мактаби духтарона дар Кобул ба раисҷумҳури Афғонистон барқияи таслият ирсол кардааст.Дар ин бора дафтари матбуоти раисҷумҳур хабар медиҳад.Бино бар иттилои манбаъ, имрӯз 10 май президент ба Ашраф Ғанӣ изҳори ҳамдардӣ кард."Хабари ба ҳалокат расидан ва ҷароҳат бардоштани теъдоди зиёди мардуми осоишта бо шумули духтарони наврас дар натиҷаи ҳамлаи мудҳиш ва разилонаи террористон дар қисми ғарбии Кобул боиси андӯҳи амиқ ва нафрати беандозаи мо гардид", - омадааст дар барқияи президент.Чунин амали хушунатомези золимона ва маргбор, ки нерӯҳои аҳриман дар рӯзҳои охири моҳи шарифи Рамазон ба он даст задаанд, нобахшиданист, афзудааст Эмомалӣ Раҳмон. Эмомалӣ Раҳмон ҳамчунин ба мардуми Афғонистон ва хонаводаҳои қурбониён ҳамдардӣ намудааст."Дар ин рӯзҳои мотамбор тасаллиёт ва ҳамдардии самимии худ ва мардуми Тоҷикистонро ба наздикону пайвандони қурбоншудагон, ҳамчунин ба тамоми мардуми бародари Афғонистон изҳор намуда, аз даргоҳи Худованди мутаол шифои комили ҳамаи осебдидагонро масъалат дорам", - афзудааст президент.Ёдрас мешавем, 8 майи соли равон дар Кобул назди бинои мактаби духтарона нахуст мошини ҳомили маводи тарканда мунфаҷир шуд ва сипас ду ҳамлаи мушакии дигар сурат гирифт.Ба гуфтаи муаллимони ин боргоҳ, ҳамла замоне рух дод, ки толибилмон аз бинои макотиб нав ба берун баромаданд.Бояд гуфт, ки ин нахустин ҳамлаи бузурги террористӣ пас аз оғози хуруҷи нерӯҳо ИМА ва НАТО аз Афғонистон набуда, ҳанӯз рӯзи 30 апрел бар асари таркиши бомба дар хобгоҳи вилояти Лоҳур дасти кам 30 нафар кушта шуданд.
https://sputnik.tj/20210509/afghoniston-tobut-honandagon-teppa-dafn-1039342386.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, амният ва мудофиа, афғонистон, ҳамдардӣ, сиёсат
дар тоҷикистон, амният ва мудофиа, афғонистон, ҳамдардӣ, сиёсат
Ҳамдардии Эмомалӣ Раҳмон ба Ашраф Ғанӣ
13:50 10.05.2021 (Навсозишуда: 13:43 10.06.2021) Ҳамчунин президенти Тоҷикистон ба хонаводаҳои қурбониён дар Афғонистон изҳои тасаллӣ кард
ДУШАНБЕ, 10 май – Sputnik. Раисҷумҳури Тоҷикистон Эмомалӣ Раҳмон дар робита бо ҳамлаи террористӣ ба як мактаби духтарона дар Кобул ба раисҷумҳури Афғонистон барқияи таслият ирсол кардааст.
Дар ин бора дафтари матбуоти раисҷумҳур хабар медиҳад.
Бино бар иттилои манбаъ, имрӯз 10 май президент ба Ашраф Ғанӣ изҳори ҳамдардӣ кард.
"Хабари ба ҳалокат расидан ва ҷароҳат бардоштани теъдоди зиёди мардуми осоишта бо шумули духтарони наврас дар натиҷаи ҳамлаи мудҳиш ва разилонаи террористон дар қисми ғарбии Кобул боиси андӯҳи амиқ ва нафрати беандозаи мо гардид", - омадааст дар барқияи президент.
Чунин амали хушунатомези золимона ва маргбор, ки нерӯҳои аҳриман дар рӯзҳои охири моҳи шарифи Рамазон ба он даст задаанд, нобахшиданист, афзудааст Эмомалӣ Раҳмон.
"Мо ҳама гуна зуҳуроти терроризму ифротгароиро қатъиян маҳкум намуда, боз ҳам зарурати бетаъхири тақвияти муборизаи беамонро бо ин хатарҳои глобалии даврони муосир таъкид менамоем", - таъкид кардааст кишвардори Тоҷикистон.
Эмомалӣ Раҳмон ҳамчунин ба мардуми Афғонистон ва хонаводаҳои қурбониён ҳамдардӣ намудааст.
"Дар ин рӯзҳои мотамбор тасаллиёт ва ҳамдардии самимии худ ва мардуми Тоҷикистонро ба наздикону пайвандони қурбоншудагон, ҳамчунин ба тамоми мардуми бародари Афғонистон изҳор намуда, аз даргоҳи Худованди мутаол шифои комили ҳамаи осебдидагонро масъалат дорам", - афзудааст президент.
Ёдрас мешавем, 8 майи соли равон дар Кобул назди бинои мактаби духтарона нахуст мошини ҳомили маводи тарканда мунфаҷир шуд ва сипас ду ҳамлаи мушакии дигар сурат гирифт.
Ба гуфтаи муаллимони ин боргоҳ, ҳамла замоне рух дод, ки толибилмон аз бинои макотиб нав ба берун баромаданд.
Бояд гуфт, ки ин нахустин ҳамлаи бузурги террористӣ пас аз оғози хуруҷи нерӯҳо ИМА ва НАТО аз Афғонистон набуда, ҳанӯз рӯзи 30 апрел бар асари таркиши бомба дар хобгоҳи вилояти Лоҳур дасти кам 30 нафар кушта шуданд.
