https://sputnik.tj/20210430/yatimov-suporishi-rahmon-majruhon-bemorhona-1039189300.html

Хабаргирии Ятимов аз маҷруҳон баъди созиши гардондани нерӯҳо аз марз - аксҳо аз беморхона

Хабаргирии Ятимов аз маҷруҳон баъди созиши гардондани нерӯҳо аз марз - аксҳо аз беморхона

Sputnik Тоҷикистон

Саймумин Ятимов, раиси КДАМ Тоҷикистон ва Раҷаббой Аҳмадзода, роҳбари вилояти Суғд бо дастури раисиҷумҳур аз ҳоли маҷруҳон дар беморхона хабар гирифтаанд

2021-04-30T18:40+0500

2021-04-30T18:40+0500

2021-04-30T18:45+0500

дар тоҷикистон

амният ва мудофиа

қирғизистон

https://cdnn1.img.sputnik.tj/img/07e5/04/1e/1039187803_0:81:1560:959_1920x0_80_0_0_a0f99557635566868124b6a596e7b488.jpg

ДУШАНБЕ, 30 апр — Sputnik. Саймумин Ятимов ва Раҷаббой Аҳмадзода баъди зуҳри 30 апрел ба аёдати ҷароҳатдидагон аз муноқишаи ахири марзӣ рафтаанд. Ба иттилои котиботи ҳукумати Суғд, Ятимов ва Аҳмадзода ҳамзамон аз ҳоли раиси шаҳри Исфара Баҳоваддин Баҳодурзода, ки рӯзи гузашта ҷароҳат бардошта буд, хабар гирифтанд. Иттилоъ дода шуд, ки вазъи шаҳрдори Исфара пас аз гузаронидани ҷарроҳӣ муътадил буда, рӯ ба беҳбудӣ ниҳода истодааст.Котиботи ҳукумати Суғд мегӯяд, ки барои барқарорсозии саломатии сокинон мутахассисони варзидаи соҳаи тиб аз маркази вилоят ва шаҳри Исфара ҷалб гардидаанд. Аёдати маҷруҳон дар ҳолест, ки Ятимов бо ҳамтои қирғизаш, Қамчибек Тошиев созиш кардаанд, ки аз соати 13:00-и 30 апрел хуруҷи мутақобилаи тамоми намуди нерӯ ва техникаи ҳарбиро аз қаламравҳои наздисарҳадӣ ба минтақаҳои ҷойгиршавии доимӣ оғоз намоянд. Роҳҳоро кушоянд ва ҳаракати бемамонияти шаҳрвандонро таъмин кунанд, омадааст дар изҳороте, ки роҳбарони мақомоти амнияти ду кишвар имзо намудаанд. Инчунин қарор шудааст, ки 1 майи соли равон дар вилояти Ботканди Қирғизистон ҷаласаи навбатии комиссияи байниҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистон баргузор карда шавад.

https://sputnik.tj/20210430/rahmon-jabborov-prezident-qirghiziston--1039187435.html

қирғизистон

2021

Хабарҳо

tg_TJ

марз, беморхона, маҷруҳ