Шӯрои уламои Тоҷикистон: ваксина рӯзаро намешиканад

© REUTERS \ Mike HutchingsМусульмане молятся в ожидании появления луны, знаменующей начало священного месяца Рамадан, на набережной в Кейптауне, Южная Африка
Мусульмане молятся в ожидании появления луны, знаменующей начало священного месяца Рамадан, на набережной в Кейптауне, Южная Африка - Sputnik Тоҷикистон, 1920, 15.04.2021
Обуна шудан
Шӯрои уламои Тоҷикистон эълом дошт, ки ваксинаи Ковид-19 рӯзаи мусулмонро намешиканад
ДУШАНБЕ, 15 апр — Sputnik. Шӯрои уламои Тоҷикистон мегӯяд, эмгузаронӣ ба доштани рӯза халал намерасонад.
Бино ба муроҷиатномаи Шӯрои уламои Тоҷикистон, ки дар ихтиёри Sputnik Тоҷикистон қарор дорад, аз нигоҳи фиқҳи мазҳаби ҳанафӣ ҳар чизе, ки сабаби ислоҳи бадан бошад ва аз роҳи аслӣ, ки иборат аз ҳалқ ва бинӣ аст, вориди меъда шавад, рӯзаро фосид месозад.
"Аммо дар ҳолати пеш омадани зарурат ва бартараф намудани хатар давоҳое, ки ба василаи сӯзандору дар бадан ворид мешаванд, агарчи сабаби ислоҳи бадан ҳастанд, вале чун аз ғайри роҳи аслӣ ба воситаи хун ба бадан дохил шудаанд, рӯзаро намешикананд ва фиқҳи муосир низ ин матлабро таъйид мекунад”, - эълом доштааст Шӯрои уламо.
Қаблан марокизи фатвои кишварҳои исломӣ, назири Арабистони Саудӣ, Миср, Кувайт, Баҳрайн, инчунин кишварҳои ҳамсояи Тоҷикистон - Ӯзбекистону Қазоқистон низ фатво доданд, ки бино ба онҳо, гирифтани ваксинаи зидди Ковид -19 рӯзаро намешиканад, зеро он ғизо ба шумор намеравад ва баданро қувват намебахшад.
Председатель Совета улемов Исламского центра Таджикистана Саидмукаррам Абдукодирзода, архивное фото - Sputnik Тоҷикистон, 1920, 13.04.2021
Аз рӯза бе саҳархӯрӣ то нагирифтан дар муҳоҷират: посухи Шӯро ба суолҳои тоҷикистониён
Раёсати Шӯрои уламои Маркази исломии Тоҷикистон ба мардуми Тоҷикистон тавсия медиҳад, ки баҳри ҳифзи саломатии худ ва атрофиён ҳар як шахси ватандӯсти оқил бояд дар нуқтаҳои махсуси тиббӣ, ки аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ташкил карда шудаанд, бетаъхир, таъҷилан аз эмгузаронӣ (ваксинатсия) гузаранд.
Бомазза ва солим: ғизои озарбойҷониҳо дар саҳархӯрӣ - видео
"Тибқи далелҳои дар боло зикршуда эмгузаронӣ ба рӯза халал ворид намекунад”, - омадааст дар муроҷиати ин ниҳод ба мардуми Тоҷикистон.
Лентаи хабарҳо
0