https://sputnik.tj/20210407/guseli-navaskar-tavsifi-raisi-sugd-1034676256.html
Гусели 1000 наваскар: тавсифи раиси Суғд аз ихтиёриён
Гусели 1000 наваскар: тавсифи раиси Суғд аз ихтиёриён
Sputnik Тоҷикистон
ДУШАНБЕ, 7 апр – Sputnik. Маъракаи гусели як ҳазор наваскар дар амфитеатри Қасри Арбоби ноҳияи Бобоҷон Ғафуров сурат гирифта, дар он ҳунармандон ва мақомдорон
2021-04-07T15:40+0500
2021-04-07T15:40+0500
2021-04-19T16:46+0500
хизмат
аскар
дар тоҷикистон
https://cdnn1.img.sputnik.tj/img/103067/57/1030675731_222:0:1815:896_1920x0_80_0_0_f80a7fa456621701bf8c5b492fc93a79.jpg
ДУШАНБЕ, 7 апр – Sputnik. Маъракаи гусели як ҳазор наваскар дар амфитеатри Қасри Арбоби ноҳияи Бобоҷон Ғафуров сурат гирифта, дар он ҳунармандон ва мақомдорон иштирок намудаанд. Раҷаббой Аҳмадзода аз иқдоми наваскарон, ки ихтиёран азми хизмати Ватан кардаанд, ситоиш намудааст. “Ҷавонони бонангу номуси мо хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагист. Насли ҷавон дар сафи Қувваҳои Мусаллаҳи мамлакат хизмат намуда, муҳимтарин мактаби обутоби ҳаётро паси сар мекунанд. Маҳз дар ҳамин ҷо ҷавонписарон дарси шуҷоату мардонагӣ ва муҳофизат кардани хоки поки Ватанро меомўзанд”, - гуфтааст Аҳмадзода. Дар ҳоле, ки солҳои қаблӣ аз сафарбарсозии фарзандони мансабдорон дар Суғд хабар дода мешуд, имсол ҳеч иттилое дар ин бора ироа нагардид. Танҳо вакили ноҳиявӣ Ихтиёр Раҷабов, ки барои гусели бародарзодааш Диловар Раҷабов омада буд, ба минбар баромада, хизмати ҳарбиро қарзи ҷавонмардӣ хонда, ба наваскарон барору комёбиҳо таманно намудааст.Қаблан Эмомалӣ Раҳмон, раисиҷумҳури Тоҷикистон, дар хусуси сафарбарсозии ҷавонон ба хизмати ҳарбӣ суҳбат карда, таъкид намуда буд, ки дар ин масъала пеш аз ҳама афроди мансабдор бояд худ ташаббус нишон диҳанд. Тағйирот ба қонуни ҳарбӣ: ба ҷавонони хизматкарда имтиёзи нав медиҳандДар маъракаи даъвати тирамоҳии соли гузашта, генерал-майор Абдулло Навҷувонов, сардори Раёсати ВКД дар вилояти Суғд, писар, бародарзода ва хоҳарзодаашро ба хизмат дар сафи артиш фиристода буд. Дар маъракаи даъвати баҳории имсол ҷавонони сину солашон 1994-2003, ки ҳуқуқи ба таъхир ва ё озодшавӣ аз хидмати сарбозиро надоранд, ба хизмати ҳарбӣ даъват карда мешаванд.
https://sputnik.tj/20210319/hukm-Ahtamov-khizmat-sarkashi-1033030827.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
хизмат, аскар, дар тоҷикистон
хизмат, аскар, дар тоҷикистон
Гусели 1000 наваскар: тавсифи раиси Суғд аз ихтиёриён
15:40 07.04.2021 (Навсозишуда: 16:46 19.04.2021) Cафарбарсозии наваскарон дар вилояти Суғд идома дошта, ахиран бо ҳузури Раҷаббой Аҳмадзода, раиси вилоят ҳудуди як ҳазор нафар ба аскарӣ равон шуданд
ДУШАНБЕ, 7 апр – Sputnik. Маъракаи гусели як ҳазор наваскар дар амфитеатри Қасри Арбоби ноҳияи Бобоҷон Ғафуров сурат гирифта, дар он ҳунармандон ва мақомдорон иштирок намудаанд.
Раҷаббой Аҳмадзода аз иқдоми наваскарон, ки ихтиёран азми хизмати Ватан кардаанд, ситоиш намудааст.
“Ҷавонони бонангу номуси мо хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагист. Насли ҷавон дар сафи Қувваҳои Мусаллаҳи мамлакат хизмат намуда, муҳимтарин мактаби обутоби ҳаётро паси сар мекунанд. Маҳз дар ҳамин ҷо ҷавонписарон дарси шуҷоату мардонагӣ ва муҳофизат кардани хоки поки Ватанро меомўзанд”, - гуфтааст Аҳмадзода.
Дар ҳоле, ки солҳои қаблӣ аз сафарбарсозии фарзандони мансабдорон дар Суғд хабар дода мешуд, имсол ҳеч иттилое дар ин бора ироа нагардид.
Танҳо вакили ноҳиявӣ Ихтиёр Раҷабов, ки барои гусели бародарзодааш Диловар Раҷабов омада буд, ба минбар баромада, хизмати ҳарбиро қарзи ҷавонмардӣ хонда, ба наваскарон барору комёбиҳо таманно намудааст.
Қаблан Эмомалӣ Раҳмон, раисиҷумҳури Тоҷикистон, дар хусуси сафарбарсозии ҷавонон ба хизмати ҳарбӣ суҳбат карда, таъкид намуда буд, ки дар ин масъала пеш аз ҳама афроди мансабдор бояд худ ташаббус нишон диҳанд.
Дар маъракаи даъвати тирамоҳии соли гузашта, генерал-майор Абдулло Навҷувонов, сардори Раёсати ВКД дар вилояти Суғд, писар, бародарзода ва хоҳарзодаашро ба хизмат дар сафи артиш фиристода буд.
Дар маъракаи даъвати баҳории имсол ҷавонони сину солашон 1994-2003, ки ҳуқуқи ба таъхир ва ё озодшавӣ аз хидмати сарбозиро надоранд, ба хизмати ҳарбӣ даъват карда мешаванд.
