Ҳалокати ронандаи 26 - солаи тоҷик дар Петербург: Range Rover ба худраваш бархӯрд - навор

© Sputnik / Павел ЛьвовДТП, архивное фото
ДТП, архивное фото - Sputnik Тоҷикистон, 1920, 14.03.2021
Обуна шудан
Дар Санкт-Петербург садамаи мудҳиш рух дод, ки бар асари он як муҳоҷири 26 – солаи тоҷик ҷон аз даст дод
ДУШАНБЕ, 14 мар — Sputnik. Садамаи маргбори нақлиётӣ шоми дирӯз дар шаҳри Санкт-Петербург рух дод.
Тавре нашрияи минтақавии 78.ru бо истинод ба шӯъбаи таблиғотии полиси роҳ дар Санкт-Петербург ва вилояти Ленинград хабар медиҳад, садамаи мудҳиш тахминан соати 21:30 дар минтақаи  Василевский рух додааст.
Тибқи маълумоти пешакӣ, худрави Range Rover ба мошини таксӣ бархӯрдааст.
ДТП в Санкт-Петербурге, на проспекте Косыгина - Sputnik Тоҷикистон, 1920, 21.10.2020
Боз садама дар тӯй: мошин бо домоди тоҷику арӯсаш ба истгоҳ бархӯрда, чаппа шуд
Сари идораи мошини таксӣ, ронандаи 26 – сола аз Тоҷикистон қарор дошт, ки дар ин ҳодисаи нохуш ҷони худро аз даст дод.
Гуфта мешавад, ронандаи ҷавон ҳамагӣ чанд дақиқа қабл аз садама,мусофирашро фароварда буд.
Манбаъ меафзояд, нисбати ронандаи  Range Rover протоколи маъмурӣ тартиб дода шудааст. Зикр мегардад, ки ронандаи Range Rover дар ҳолати сархушӣ мошинро идора мекард, аммо худи ӯ иддао дорад, ки пас аз садама барои ором кардани худ арақ нӯшид.
Дар навор маълум аст, ки кормандони пулис ба дасти ронанда завлона андохта ӯро ба мошин савор карданд.
Феълан, тафтишоти ин ҳодисаи нохуш аз ҷониби пулис идома дорад.
Лентаи хабарҳо
0