https://sputnik.tj/20210302/Zokirzoda-guft-Afoniston-baroi-Toikiston-ch-aamiyat-dorad-1032922777.html
Зокирзода гуфт, Афғонистон барои Тоҷикистон чӣ аҳамият дорад
Зокирзода гуфт, Афғонистон барои Тоҷикистон чӣ аҳамият дорад
Sputnik Тоҷикистон
Раиси Маҷлиси намояндагони Маҷлиси Олии Тоҷикистон бо раиси Вулуси Ҷиргаи Шӯрои Миллии Афғонистон, муносибатҳои ду кишварро дар соҳаҳои мухталиф баррасӣ... 02.03.2021, Sputnik Тоҷикистон
2021-03-02T13:55+0500
2021-03-02T13:55+0500
2021-04-19T16:54+0500
ҳамаи хабарҳо
дар тоҷикистон
маҳмадтоир зокирзода
мулоқот
баррасӣ
афғонистон
https://cdnn1.img.sputnik.tj/img/07e4/08/14/1031764922_0:160:3073:1888_1920x0_80_0_0_7108f241ad7f575b3ed27ee7170c3835.jpg
ДУШАНБЕ, 2 мар — Sputnik. Раиси Маҷлиси намояндагони Маҷлиси Олии Тоҷикистон Маҳмадтоир Зокирзода ахиран бо раиси Вулуси Ҷиргаи Шӯрои Миллии Афғонистон Мир Раҳмон Раҳмонӣ мулоқот намуд.Бино ба иттилои дафтари матбуоти парлумони кишвар, зимни мулоқот ҷонибҳо муносибатҳои дӯстонаи дуҷонибаро баррасӣ карданд.Гуфта шудааст, ки зимни мулоқот тарафҳо ба масоили таҳким ва тавсеъаи ҳамкориҳои байнипарлумонӣ, ҷараёни гуфтушунидҳо баҳри расидан ба сулҳу субот дар дохили Афғонистон, муносибатҳои Тоҷикистону Афғонистон дар соҳаҳои гуногун, фаъолияти комиссияи муштараки ҳамкории тиҷоративу иқтисодӣ ва вазъи кунуниву дурнамои муносибатҳо дар ин самт таваҷҷуҳ зоҳир шуд.Манбаъ қайд кардааст, ки дар доираи суҳбати анҷомёфта ҷонибҳо масъалаи баргузории Конфронси нуҳуми вазирони корҳои хориҷии “Қалби Осиё – Раванди Истамбул”-ро баррасӣ карда, барои баргузор намудани ин ҳамоиш дар охири моҳи марти соли ҷорӣ дар шаҳри Душанбе таҳти ҳамраисии Тоҷикистон ва Афғонистон ба мувофиқа расиданд.Зокирзода ҳамчунин зикр кард, ки муносибатҳои тиҷоративу иқтисодии байни Тоҷикистону Афғонистон дар ҳоли рушд қарор дошта, Афғонистон миёни шарикони савдои Тоҷикистон ҷойгоҳи муҳим дорад."Танҳо дар соли 2020 мубодилаи мол байни ду кишвар зиёда 70 миллион доллари амрикоиро ташкил медиҳад ва бештар аз 68 миллион доллари он ба содироти молҳои Тоҷикистон рост меояд, ки асосан аз интиқоли барқ, семент, маҳсулоти сохтмон, нуриҳои минералӣ, маводи ғизоӣ, меваҷот ва сабзавот иборат мебошанд", - қайд мешавад дар хабари дафтари матбуоти парлумон.Бояд гуфт, ки байни Тоҷикистону Афғонистон то имрӯз беш аз 90 санади ҳамкории дуҷониба, ки соҳаҳои гуногунро фаро мегиранд, ба имзо расида, мавриди амал қарор доранд.
https://sputnik.tj/20210301/afghoniston-muloqot-sirojiddin-mirrahmon-1032916728.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
ҳамаи хабарҳо, дар тоҷикистон, маҳмадтоир зокирзода, мулоқот, баррасӣ, афғонистон
ҳамаи хабарҳо, дар тоҷикистон, маҳмадтоир зокирзода, мулоқот, баррасӣ, афғонистон
Зокирзода гуфт, Афғонистон барои Тоҷикистон чӣ аҳамият дорад
13:55 02.03.2021 (Навсозишуда: 16:54 19.04.2021) Раиси Маҷлиси намояндагони Маҷлиси Олии Тоҷикистон бо раиси Вулуси Ҷиргаи Шӯрои Миллии Афғонистон, муносибатҳои ду кишварро дар соҳаҳои мухталиф баррасӣ карданд
ДУШАНБЕ, 2 мар — Sputnik. Раиси Маҷлиси намояндагони Маҷлиси Олии Тоҷикистон Маҳмадтоир Зокирзода ахиран бо раиси Вулуси Ҷиргаи Шӯрои Миллии Афғонистон Мир Раҳмон Раҳмонӣ мулоқот намуд.
Бино ба иттилои дафтари матбуоти парлумони кишвар, зимни мулоқот ҷонибҳо муносибатҳои дӯстонаи дуҷонибаро баррасӣ карданд.
Гуфта шудааст, ки зимни мулоқот тарафҳо ба масоили таҳким ва тавсеъаи ҳамкориҳои байнипарлумонӣ, ҷараёни гуфтушунидҳо баҳри расидан ба сулҳу субот дар дохили Афғонистон, муносибатҳои Тоҷикистону Афғонистон дар соҳаҳои гуногун, фаъолияти комиссияи муштараки ҳамкории тиҷоративу иқтисодӣ ва вазъи кунуниву дурнамои муносибатҳо дар ин самт таваҷҷуҳ зоҳир шуд.
Манбаъ қайд кардааст, ки дар доираи суҳбати анҷомёфта ҷонибҳо масъалаи баргузории Конфронси нуҳуми вазирони корҳои хориҷии “Қалби Осиё – Раванди Истамбул”-ро баррасӣ карда, барои баргузор намудани ин ҳамоиш дар охири моҳи марти соли ҷорӣ дар шаҳри Душанбе таҳти ҳамраисии Тоҷикистон ва Афғонистон ба мувофиқа расиданд.
Зокирзода ҳамчунин зикр кард, ки муносибатҳои тиҷоративу иқтисодии байни Тоҷикистону Афғонистон дар ҳоли рушд қарор дошта, Афғонистон миёни шарикони савдои Тоҷикистон ҷойгоҳи муҳим дорад.
"Танҳо дар соли 2020 мубодилаи мол байни ду кишвар зиёда 70 миллион доллари амрикоиро ташкил медиҳад ва бештар аз 68 миллион доллари он ба содироти молҳои Тоҷикистон рост меояд, ки асосан аз интиқоли барқ, семент, маҳсулоти сохтмон, нуриҳои минералӣ, маводи ғизоӣ, меваҷот ва сабзавот иборат мебошанд", - қайд мешавад дар хабари дафтари матбуоти парлумон.
Бояд гуфт, ки байни Тоҷикистону Афғонистон то имрӯз беш аз 90 санади ҳамкории дуҷониба, ки соҳаҳои гуногунро фаро мегиранд, ба имзо расида, мавриди амал қарор доранд.
