Тағйироти кадрӣ дар вазорати меҳнат: Имомназар Аюб вазифаи нав гирифт

© Sputnik / Владимир Федоренко / Гузариш ба медиабонкПортфель, архивное фото
Портфель, архивное фото - Sputnik Тоҷикистон
Обуна шудан
Бо фармони вазири Вазорати меҳнат, муҳоҷират ва шуғли аҳолии Тоҷикистон, Имомназар Аюб муовини сардори Хадамоти муҳоҷират таъйин гардид

ДУШАНБЕ, 31 янв— Sputnik. Ахиран бо иштироки Вазири меҳнат, муҳоҷират ва шуғли аҳолии Тоҷикистон, Ширин Амонзода ва мушовири бахши Ёрдамчии Президенти Тоҷикистон оид ба масъалаҳои кадрҳо Меҳри Олимшо маҷлис доир гардид, иттилоъ додааст дафтари матбуоти вазорат.

Заместитель премьер-министра Таджикистана Азим Иброхим, архивное фото - Sputnik Тоҷикистон
Тағйироти кадрӣ: Азим Иброҳим раиси идораи роҳҳо дар Суғдро таъйин кард

Гуфта шудааст, ки дар маҷлиси мазкур, муовини сардори Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон Толиб Шарипов бо сабаби ба сини нафақа расиданаш аз вазифаи муовини сардори Хадамоти муҳоҷират озод карда, бо тантана гусел карда шуд.

Сипас мушовири бахши Ёрдамчии Президенти Тоҷикистон оид ба масъалаҳои кадрҳо Меҳри Олимшо муовини навтаъини сардори Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон Имомназар Аюбро ба ҳозирин муаррифӣ намуд.

Гуфта шудааст, ки Имомназар Аюб – хатмкардаи Донишгоҳи миллии Тоҷикистон (бакалавр), Донишгоҳи Хирошимаи Ҷопон, Донишкадаи сайёҳӣ, соҳибкорӣ ва хизмат буда, донандаи хуби забонҳои русӣ, англисӣ ва арабӣ мебошад.

Номбурда дар Лоиҳаи “Хазинаи паст намудани сатҳи камбизоатӣ”-и Созмони Милали Муттаҳид, Вазорати рушди иқтисод ва савдои Тоҷикистон ва дар Кумитаи рушди сайёҳии назди Ҳукумати Тоҷикистон дар вазифаҳои гуногун ифои вазифа намуд.

Таъкид гардидааст, ки Ширин Амонзода бо мақсади татбиқи самараноки сиёсати Ҳукумати Тоҷикистон дар самти муҳоҷирати экологӣ ва меҳнатӣ, роҳҳои гуногун ва муосири тақвият дар самти муҳоҷирати меҳнатӣ, ҷоннок намудани фаъолияти марказҳои машваратии пеш аз сафар, омода намудани маводҳои иттилоотию тарғиботӣ ба масъулини соҳа дастуру супоришҳои мушаххас дод.

Лентаи хабарҳо
0