Танҳо имзои Президент монд: кори адвокатҳо дар Тоҷикистон осонтар мешавад

© Sputnik / Валерий МельниковПодсудимая, архивное фото
Подсудимая, архивное фото - Sputnik Тоҷикистон
Обуна шудан
Маҷлиси миллии Тоҷикистон низ тағйиот ба қонун “Дар бораи тартиб ва шароити дар ҳабс нигоҳ доштани гумонбаршуда, айбдоршаванда ва судшаванда” - ро қабул кард, ки баъди имзои раисиҷумҳур ва нашри расмӣ мавриди амал қарор хоҳад гирифт

ДУШАНБЕ, 29 янв — Sputnik. Дилшод Раҳмон, раиси Кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният тағйироти ҷадид дар қонунро шарҳ дод.

Пожилая женщина звонит по телефону, архивное фото - Sputnik Тоҷикистон
Ташкили бюрои ёрии ҳуқуқӣ дар 34 шаҳру навоҳии Тоҷикистон

“Мақсади қонун аз мутобиқ намудани он ба қонунҳои амалкунанда, ки барои пешбурди фаъолияти адвокатӣ доштани иҷозатномаро хориҷ намудааст, иборат буда, дар сархати якуми қисми 2 моддаи 18, тағйир ворид карда шудааст”, - хабар дод нашрияи “Садои мардум” аз қавли Раҳмон.

Ӯ дар мавриди мазмуни тағйирот таъкид намуд, ки минбаъд мулоқоти адвокат бо гумонбаршуда, айбдоршаванда ва судшаванда дар парвандае, ки ба сифати ҳимоятгар иштирок менамояд, дар асоси пешниҳоди ордер ва шаҳодатномаи адвокатӣ ба роҳ монда мешавад.

Ин тағйирот дар ҳолест, ки қаблан аз камбуди адвокатҳо дар кишвар изҳори нигаронӣ карда шуд. Иттифоқи адвокатҳои Тоҷикистон изҳор дошта буд, ки дар бархе аз навоҳии кишвар ягон адвокат фаъолият надорад ва баъзан дар сурати зарурат вакилони дифоъ аз навоҳии дигар ҷалб карда мешаванд.

Лентаи хабарҳо
0