Файзов хостори таъйини бештари занон ба мақомҳои роҳбарӣ шуд

Обуна шудан
Ёдгор Файзов, раиси Вилояти Мухтори Куҳистони Бадахшон, хостори таъйини бештари занон ба мақомҳои роҳбарӣ дар вилоят, аз ҷумла шаҳри Хоруғ шуд

ДУШАНБЕ, 20 дек — Sputnik. Файзов ба мақомоти Хоруғ, барои  баланд бардоштани мавқеи занон дар ҷомеа, бахусус таъйину интихоби бонувон ба вазифаҳои  роҳбарикунанда “Ифтихорнома”-и Агентии хизмати давлатии назди  Ҳукумати Ҷумҳурии Тоҷикистонро тақдим кард.

Праздник во дворце культуры в Согдийской области  - Sputnik Тоҷикистон
Ҳукумати Хуҷанд шумори дақиқи занони роҳбарро эълон кард

“Зикр гардид, ки шаҳри Хоруғ дар масъалаи ҷалби занон ба кор дар мақомоти худидоракунии шаҳрак, мақомоти маҳаллии иҷроия ва  намояндагии ҳокимияти давлатӣ дар ҷумҳурӣ дар яке аз ҷойҳои намоён қарор дорад”, - хабар дод нашрияи “Ҷумҳурият”.

Раиси вилоят гуфтааст, ки ҳарчанд шаҳри Хоруғ нисбат ба дигар минтақаҳои кишвар натиҷаҳои бештарро ба даст овардааст, дар ин самт имкониятҳои фаровони ҳанӯз истифоданашуда ҳам дорад.

“Занони шаҳри Хоруғ нисбат ба дигар минтақаҳои вилоят дар пешрафти хоҷагии халқу вилоят хеле саҳмгиру фаъоланд.  Имрӯз дар бозорҳои шаҳри Хоруғ ва дигар нуқтаҳои савдо бештар занон машғули тиҷоратанд. Аксарияти  кормандони маориф, тандурустӣ ва фарҳанги вилоятро низ занон ташкил  медиҳанд. Саҳми занон дар эътидоли вазъияти вилоят, бахусус шаҳри  Хоруғ, назаррас аст”, - изҳор доштааст раиси ВМКБ.

Ёдгор Файзов зарур хондааст, ки шумораи занон дар мақомоти маҳаллии иҷроияи ҳокимияти давлатӣ ба ҳайси роҳбари муассисаву идораҳо бояд бештар  бошад.

Лентаи хабарҳо
0