ДУШАНБЕ, 19 дек – Sputnik. Гарчанде расман ягон ҳолати гирифторӣ ба коронавирус дар Туркманистон сабт нашудааст, Филпот, сафири Бритониё дар ин кишвар изҳор доштааст, ки коронавирусро аз сар гузаронд.
Филпот нахуст дар саҳифааш дар Twitter бахшида ба 25-солагии нейтралитети Туркманистон навори иҷрои суруди оҳангсоз Нурӣ Холмамадов, “Дашти туркман”-ро нашр намуд.
Робин Орд-Смит, собиқ сафири Бритониё дар Туркманистон, ки пештар инчунин сафир дар Тоҷикистон низ буд, дар баробари корбарони дигари шабакаҳои иҷтимоӣ назарашонро дар бораи сурудхонии Филпот баён доштааст.
Дар посух ба назарҳо Хю Филпот изҳор доштааст, ки бояд баъди гирифторӣ ба коронавирус нерӯяшро барқарор кунад.
https://t.co/zT0kiWjNi0 thank you to the many sharers already but forgive me for posting too. From my recuperation. My apologies to those who don’t like it. I am an amateur who likes to share through song. Thank you to Orient and everyone who encouraged me. #Turkmenistan
— Hugh Philpott (@HughPhilpott) December 16, 2020
Дар идома ба Филпот шифои оҷил таманно кардаанд.
Гирифтории Филпот ба коронавирус дар ҳолест, ки расман дар Туркманистон ягон ҳолати гирифторӣ ба ин маризӣ сабт нашудааст, аммо мубталоёни “илтиҳоби шуш” афзоиш ёфта истодаанд. Ҳайати Созмони ҷаҳонии тандурустӣ дар пайи сафар ба ин кишвар изҳор дошта буд, ки аллакай ҳолатҳои гирифторӣ ба беморӣ ҷой доранду мақомот бояд чораандешӣ кунанд.
Филпот қабл аз кораш дар Туркманистон солҳои 2015 – 2019 баъди Робин Орд-Смит сафири Бритониё дар Тоҷикистон буд.
