ДУШАНБЕ, 29 ноя — Sputnik. Дар Тоҷикистон шумораи гирифторони коронавируси нав ба 12155 нафар расид, гузориш медиҳад Вазорати тандурустии Тоҷикистон.
29 ноябри 2020, 19:10
Бино бар иттилои манбаъ, шабонарӯзи гузашта дар Ҷумҳурии Тоҷикистон 37 ҳолати нави сироятёбӣ ба COVID-19 ба қайд гирифта шуда, дар муддати аз 30 апрел то 29 ноябр шумораи гирифторони коронавируси нав ба 12155 нафар расид.
Гуфта мешавад, давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%) баробар гардид. Инчунин, бар асари ин беморӣ 86 нафар фавтидаанд.
Мурда зинда шуд: пирамарде пас аз "марг" аз коронавирус ба манзилаш баргашт
Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.
