ДУШАНБЕ, 28 ноя — Sputnik. Тибқи иттилои дафтари матбуоти Маҷлиси намояндагони Тоҷикистон, Маҳмадтоир Зокирзода дипломати Украинаро ба парлумони кишвар хайра мақдам гуфта, роҷеъ ба фаъолияти Маҷлиси намояндагон маълумот додаст.
Ӯ афзудааст, ки ҳамкориҳои дуҷонибаи кишварҳои мо дар доираи принсипҳои боварӣ, ҳамдигарфаҳмӣ ва равобити расмӣ асос ёфтаанд.
Аз масоили меҳварии мулоқот муносибатҳои байнипарлумонии Тоҷикистону Украина будааст.
“Аз суръати рушди ҳамкории дуҷониба дар баъзе соҳаҳо изҳори қаноатмандӣ карда шуд. Ҳамзамон таъкид гардид, ки имкону захираҳои истифоданашудаи ҳамкорӣ миёни Тоҷикистону Украина ҳанӯз хеле зиёданд”, - омадааст дар иттилоия.
Зикр шудааст, ки заминаи шартномавию ҳуқуқии муносибатҳои Тоҷикистону Украинаро санадҳои зиёде ташкил медиҳад, ки самтҳои мухталифи ҳамкории ду кишварро фаро мегирад.
