ДУШАНБЕ, 22 ноя - Sputnik. Фиристодаи вижаи Созмони Ҷаҳонии Тандурустӣ Дэвид Набарро аз хатари мавҷи сеюми коронавирус дар Аврупо дар аввали соли 2021 ҳушдор дод, менависад Sputnik Белорусия.
"Онҳо имкони сохтани инфрасохтори заруриро дар моҳҳои тобистон пас аз ба даст гирифтани назорати мавҷи аввал аз даст доданд", - шарҳ дод Наварро ва илова кард, ки агар Аврупо инро ба назар нагирад ва ҳоло инфрасохтори заруриро бунёд накунад, пас дар оғози соли оянда қитъа бо мавҷи сеюм рӯ ба рӯ хоҳад шуд.
Вай қайд кард, ки ҳоло вазифаи асосӣ барои кишварҳои аврупоӣ ин аст, ки назорати вирусро бидуни истифодаи локаунт - режими шадиди маҳдудсозӣ, ки дар пай ҷуброни азим дошт, ба даст овард.
Намояндаи махсус таваҷҷӯҳро ба он ҷалб кард, ки вазъи коронавирус дар кишварҳои Осиёи Шарқӣ ба туфайли иртиботи хеле возеҳи байни мақомот ва аҳолӣ беҳтар аст.
Ӯ таъкид кард, ки пас аз он, ки онҳо дар ин кишварҳо коҳиш ёфтани шумораи сироятро ба даст оварданд, чораҳои бехатариро суст накарданд.
Ёдовар мешавем, бинобар паҳншавии шадиди коронавирус Аврупо дигарбора ба маҳдудсозиҳои сахт гузашт, аммо мардум бо нишони эътирозҳо аз ин норозиянд.
