Рӯзи 20 ноябр дар ҷаҳон чӣ рух дод
Соли 1959 СММ Декларатсияи ҳуқуқи кӯдакро қабул намуд.
Соли 1968 дар натиҷаи силсилатаркиш дар кони Манингтон (ИМА) 99 нафар коргарон ба ҳалокат расиданд.
Соли 2008 аввалин шумораи нашрияи "Мигрант_tj" нашр гардид.
Рӯзи 20 ноябр дар Тоҷикистон чӣ рух дод
Соли 1939 Донишгоҳи давлатии тиббии Тоҷикистон ба номи Абуалӣ ибни Сино таъсис ёфт.
Соли 2009 шӯрои сарони ҳукуматҳои аъзои Иттиҳоди Давлатҳои Мустақил Консепсия оид ба ҳамкорӣ дар соҳаи энергетикаро қабул намуд.
Соли 2009 аз ҷониби Президенти Ҷумҳурии Тоҷикистон Қонуни Ҷумҳурии Тоҷикистон "Дар бораи ворид намудани илова ба Қонуни Ҷумҳурии Тоҷикистон "Дар бораи рӯзҳои ид" ба имзо расид.
Соли 2013 Палатаи поёнии Парлумони Тоҷикистон бо ворид намудани тағйиру илова ба лоиҳаи Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2013" Ҷамъияти дорои масъулияти маҳдуди "TajChina-2013" -ро аз андоз аз арзиши иловашуда ва боҷи гумрукӣ озод кард.
Соли 2015 ҳолат ва дурнамои ҳамкории дуҷониба ва бисёрҷонибаи Тоҷикистон ва Ҳиндустон муҳокима гардид.
Ҷашнҳои рӯзи 20 ноябр
- Рӯзи ҷаҳонии кӯдакон.
- Дар Мексика – Рӯзи инқилоб.
Рӯзи 20 ноябр дар Тоҷикистон кӣ ба дунё омадааст
Соли 1908 – олим, шарқшинос, академики Академияи илмҳои Тоҷикистон, Корманди шоистаи илми Тоҷикистон Абдулғанӣ Мирзоев.
Соли 1930 – журналист Музофир Илолов.
Соли 1935-1984 – композитор Саид Ҳамроев.
Соли 1938 – Ҳунарманди шоистаи Тоҷикистон Музаффар Муҳиддинов.
Соли 1946 – мунаққид Абдухолиқ Набиев.
Соли 1946-2004 – доктои илмҳои филологӣ, профессор Шокир Мухтор.
Соли 1953-2000 – нависанда ва коргардон Сайф Раҳимзоди Афардӣ.
Соли 1953-2011 – адабиётшинос Абдуманон Насриддинов.
Соли 1958 – журналист Неъматулло Нурулло.
Соли 1963 – композитор Парвиз Туробӣ.
Соли 1965 – овозхон Сабоҳат Наҷмиддинова.
Соли 1938-2018 – нависанда Бозор Собир.
Бозор Собир 20 ноябри соли 1938 дар деҳаи Сӯфиёни ноҳияи Файзобод ба дунё омадааст.
Маълумоти миёнаро дар интернати давлатии шаҳраки Ҳисор ба даст овард ва соли 1962 Донишгоҳи миллии Тоҷикистонро дар риштаи забон ва адабиёти форсии тоҷикӣ хатм кард.
Солҳо дар матбуот, аз ҷумла дар дафтари рӯзномаи "Маориф ва маданият", маҷаллаи "Садои Шарқ", ҳафтаномаи "Адолат" фаъолият намудааст. Соле дар кишвари Афғонистон ба сифати мутарҷим ифои вазифа доштааст.
Ӯ дар солҳои 70 ва 80 асри гузашта дар саргаҳи ҷунбиши бедории мардуми тоҷик қарор дошт. Вай бо шеърҳое, чун "Забони модарӣ", "Девори Бухоро", "Ватан" ва "Тоҷикистон" дар радифи Мӯъмин Қаноат, Лоиқ Шералӣ ва Гулрухсор аз маҳбубтарин шоирони тоҷики замони шӯравӣ ба ҳисоб мерафт.
Бозор Собир: шоир беҳтарин интелегенти миллат аст
Бозор Собир дар охири солҳои 80 ба ҷунбиши мардумии "Растохез" пайваста, соли 1990 вакили Шӯрои олӣ — парлумони вақти Тоҷикистон интихоб шуд.
Баъди пирӯзии Фронти халқӣ ва ба сари қудрат омадани ҳукумати Эмомалӣ Раҳмон Бозор Собирро дар оғози соли 1993 барои 9 моҳ ба зиндон кашонданд ва ӯ дар поёни ҳамон сол бо мусоидати созмонҳои байналмиллалии ҳомии ҳуқуқ раҳо ёфта, ба Маскав ва аз он ҷо соле баъд ба Амрико рафт.
Шурӯъ аз соли 1994 то моҳи майи соли 2013 муқими ИМА буд.
Дар ин муддат ду дафъа - соли 2000 ва 2010 ба Тоҷикистон омада буд.
27 майи соли 2013 Шабакаи аввали Телевизиони Тоҷикистон дар барномаи шомгоҳии "Ахбор" эълон кард, ки Бозор Собир баъд аз солҳои тӯлонии ҳиҷрат дар Амрико барои ҳамешагӣ ба Тоҷикистон баргашт.
Рӯзи 1 майи соли 2018 соати 5:10 дақиқаи вақти Душанбе шоири маъруфи тоҷик Бозор Собир дар синни 79-солагӣ дар яке аз бемористонҳои шаҳри Сиэтли Вашингтон, ки як моҳи охир табобат мегирифт, аз олам даргузашт.
Ҷасади шоири маъруфи тоҷик Бозор Собир пас аз ҷаноза дар Оромгоҳи Лучоби Душанбе ба хок супорида шуд.
